بنتي تعاني من وسواس قهري
١٠ سنين
كل شوية تقولي انا خايفة اني اكون نسيت اغسل ايدي
انا شاكة أن القطة لمست هدومي
انا حاسة اني عملت علي نفسي
حتى في الصلاة انا مش فاكرة صليت ازاي أو كام
انا بحاول أتجاهل و اقولها المسلم ما عندهوش شك لو شك يبقي اللي عمله صح
أو أتجاهل تعليقها
عادي جدا في السن ده وبيكون اكتر عند البنات اكتر من الاولاد بس الغلط انك تتجاهليها متتجاهليهاش خالص افضلي كرري الكلام معاها كتير اوي ان وسوسه وان الشيطان بيكون عاوز يفسد علينا حياتنا واقنعيها انها لو فضلت كده ومتجاهلتش الافكار دي ان الموضوع هيكبر ويزيد معاها وهيمسك في كل حاجه في حياتها واي حاجه تشك فيها قوليلها انا معاكي اهو مفيش حاجه حصلت وقوليلها ان المخ ال فيه وسوسه بيكون دايما هو الصح والوسواس هو ال غلط يعني شاكه غسلت ايدي تقوليلها لا اعتبري نفسك غسلتيها ومتدخليش تغسليها تاني مش فاكرة صليت ازاي لا انت صليت صح ومتعيديش الصلاة تاني ودايما حسسيسيها انها لما بتتجاهل وسواسها انها بتنتصر على الشيطان ومش بتحقق له غرضه وبتكون اقوى منه في كل مرة بتنتصر انا عملت كده مع بنتي رغم انها اصغر من بنتك بس الحمد لله الموضوع تحسن جدا جدا ويكاد يكون اختفى بفضل الله قوليلها اول ما يجيلك شك في حاجه اعتبري انك عملتيها وقومي على طول مثلا احري رايح جاي عشر مرات او ااو اعملي شكل بالمكعبات او ارسمي رسمه قوليلها تعمل اي حاجه تلهيها وهي فترة مرهققه شويه ليكي وليها ولكن لو تعاملتي معاها بصبر وبتكرار التوجيه كتير مش هتطول خالص ان شاء الله
تم النشر الخميس، ١١ أبريل ٢٠٢٤
عاوزه اقول لحضرتك اني كنت كدا وانا صغيره وانا بصراحه معرفش مسمي لدا بس انا حاليا بقيت عادي وكل دا مبقاش موجود اه بشكك اوقات ف حاجات خوف من اني معملهاش كويس ودا طبيعي لكن انا زمان حرفيا كنت بتعب وبتعب امي من الحوار دا كنت افضل اقولها ماما الحقيني تقريبا حصل كذا انا علي فكره شكلي دهولتلك الحيطه وشكلي وشكلي وحاجات كتير اوي معرفش مسمي لدا فعلا بس اتغيرت كتيرررررر وكانت فتره وانتهت
تم النشر الأربعاء، ١٠ أبريل ٢٠٢٤
هل فيه حد في البيت بيعمل كده؟ او حتى حد من الاقارب؟ وهل البيت متدين بزيادة، او هي؟ حاولي متتجاهليش اي حاجه تقولها، لانها هتفضل شغاله هي بقى مع دماغها لوحدها وده مش كويس خالص. حاولي تتناقشي معاها، معلش الموضوع هيبقى تقيل وهياخد وقته، بس استحملي اسئلتها. وحاولي تفهميها كل حاجه بهدوء .. طالما حاسه ومش متاكده يبقى خلاص تجاهلي الامر. طالما شاكة في الصلاة، عادي طالما مش متاكده. مفهياش حاجه لما القطة تلمسك .. كل حاجه تقولها ليكي ردي عليها وحاوريها ده المهم.
تم النشر الأربعاء، ١٠ أبريل ٢٠٢٤
مش ضروري يكون وسواس قهري ، إتعاملي مع المواقف بتلقائية وفهميها بالتدريج ان عادي تكون إيدنا مش نضيفه طول الوقت لكن وقت الأكل لازم نغسل إيدنا قبلها مثلا بمعنى لو هي قالت ( انا خايفة اني اكون نسيت اغسل ايدي ) ودا مش وقت أكل نهائي مثلا بتذاكر او بتلعب .. قوليلها عادي لما نيجي ناكل نغسل إيدنا .. وبخصوص الصلاة اشرحيلها الحديث : عن عبد الرحمن بن عوف رضي الله عنه، أنه سمع رسول الله صلى الله عليه وسلم يقول: إذا شك أحدكم في صلاته فلم يدر اثنتين صلى أم ثلاثاً؟ فليجعلها اثنتين، وإذا لم يدر ثلاثا صلى أم أربعا؟ فليجعلها ثلاثا، ثم يسجد إذا فرغ من صلاته وهو جالس قبل أن يسلم سجدتين. رواه أحمد وابن ماجه والترمذي. وعن أبي سعيد الخدري رضي الله عنه قال: قال رسول الله صلى الله عليه وسلم: إذا شك أحدكم في صلاته فلم يدر كم صلى؟ ثلاثاً أم أربعاً ؟ فليطرح الشك وليبن على ما استيقن، ثم يسجد سجدتين قبل أن يسلم، فإن كان صلى خمساً شفعن له صلاته، وإن كان صلى إتماماً لأربع كانتا ترغيماً للشيطان. رواه مسلم. قوليلها ببساطه يعني لو احنا شكينا في عدد الركعات هما 2 او 3 ناخد الأقل ولما نخلص صلاة نسجد سجدة السهو وعلميها ووارد تكون بتعمل كدا عشان حد علق على النضافه قدامها كتير او الأمراض او الجراثيم او او وطبيعي يكون دا رد فعلها .. ف إبدأوا اتعاملوا في البيت قدامها ببساطه وان عادي جدا هدومنا تتبهدل ونغيرها وعادي قطه تلمسنا وواحده واحده هتتغير
تم النشر الأربعاء، ١٠ أبريل ٢٠٢٤
متتجاهليهاش طمنيها وقوليلها ومالو لو معملتيش كذا مش هيحصل حاجة.. قوليلها مثلا متركزيش اوي.. مش هيحصل حاجة.. وحضرتك حاولي تأكدي وراها لو في حاجه ضرورية زي لو نسيت تقفل البوتجاز.. الخ...
تم النشر الخميس، ١١ أبريل ٢٠٢٤
لعرض السؤال في فدني اضغط هنا