انا شاب عمري 26 سنه عندي مشكله من صغري ومكنتش اعرف ان هتقعد معايا وكل ما بكبر بتكبر المشكله كنت طفل معرفش دلوقتي المشكله اني بخاف وبخجل لدرجه لو حد حرجني مش بعرف ارد وبيجيلي وجع ف المعده وبحس بضغطه كده ع المعده وبضيق بعد م امشي ان مردتش ع شخص ده وبخاف من الشارع ولما بتحصل مشكله اوخناقه بيجيلي وجع ف المعده وضيق تنفس ونبضات قلبي تزيد ونشفان ريق وحاجات كده غريبه ومش عارف اعمل ايه وعدم ثقه بالنفس و حاسس ان شخصيتي ضعيف ومش واثق ف نفسي دايما تعبت وحاول بس مش عارف اعدي المراحل دي هل الموضوع ده ليه حل
حاول يكون عندك ثقه في نفس شويه ولما يحصل معاك حاجه متسكتش رد ع اللي بيكلمك وواجهه ومتحطش في دماغك أن مش هتعرف ترد أو خايف اللي قدامي يحرجني واما امشي اقول ما انا كنت اقدر اقول كذا وكذا هوا انا لي سكت ومردتش وتفضل تأنب في نفسك ..انت حاول ترد واللي يحرجك رد عليه برد يحرجه حاول تخلي قلبك ميت ومتحسسش اللي قدامك أنو احسن ولو زعل انت قلبك ميت ومبيفرقش معاك وطبعا مش اروح ازعله اني اجي عليه ... والأهم إنك متديش لعقلك فكره انت معندكش ثقه في نفسك حاول تطرد الجمله دي من دماغك عشان عقلك ممكن ياخدها صفه فيك وتفضل كدا.حاول تصاحب حد من الشخصيات الجريئه دا برضو هيساعدك اووي وحكايه تعبك دا ..فدا اكيد من اضطراب عقلك بالحصل وانت مش عارف تعمل اي ...وع فكره انا كنت زيك ويمكن اكتر والحمدلله بقيت احسن من الاول بكتير وانت كمان حاول تغير وخصوصا انك26سنه يعني الموضوع هيفرق معاك اووي
تم النشر الجمعة، ١٠ نوفمبر ٢٠٢٣
أولًا، مبروك لك على شجاعتك في طلب المساعدة. ثانيًا، نعم، هناك حل لمشكلتك. ما تعاني منه هو نوع من الرهاب الاجتماعي، أو ما يسمى أيضًا باضطراب القلق الاجتماعي. الرهاب الاجتماعي هو اضطراب نفسي يتميز بالخوف الشديد من المواقف الاجتماعية، مثل التحدث أمام الناس أو التفاعل مع الغرباء. يمكن أن يتسبب الرهاب الاجتماعي في مجموعة متنوعة من الأعراض الجسدية والعاطفية، بما في ذلك: القلق والخوف التعرق خفقان القلب ضيق التنفس الغثيان الإمساك الصداع اضطرابات النوم يمكن أن يكون الرهاب الاجتماعي حالة شديدة الإعاقة، حيث يمكن أن يمنع الشخص من المشاركة في الأنشطة الاجتماعية والوظيفية. هناك نوعان رئيسيان من الرهاب الاجتماعي: الرهاب الاجتماعي العام: وهو الخوف من المواقف الاجتماعية العامة، مثل التحدث أمام الناس أو حضور الحفلات. الرهاب الاجتماعي المحدد: وهو الخوف من موقف اجتماعي معين، مثل التحدث إلى شخص ما أو تناول الطعام أمام الناس. في حالتك، يبدو أنك تعاني من الرهاب الاجتماعي العام. هناك العديد من العلاجات الفعالة للرهاب الاجتماعي، بما في ذلك: العلاج المعرفي السلوكي (CBT): وهو نوع من العلاج النفسي الذي يساعدك على تغيير الأفكار والسلوكيات السلبية التي تساهم في الرهاب. الأدوية: يمكن أن تساعد الأدوية المضادة للقلق أو مضادات الاكتئاب في تقليل أعراض الرهاب الاجتماعي. إذا كنت تعاني من الرهاب الاجتماعي، فمن المهم أن تحصل على المساعدة المهنية. يمكن للمعالج أو الطبيب مساعدتك في تحديد نوع الرهاب الاجتماعي الذي تعاني منه وتطوير خطة علاج فعالة. فيما يلي بعض النصائح التي قد تساعدك على التغلب على الرهاب الاجتماعي: ابدأ بالتعرض التدريجي للمواقف الاجتماعية التي تخاف منها. مارس الاسترخاء قبل التعرض للموقف الاجتماعي. اطلب الدعم من أصدقائك أو عائلتك. انضم إلى مجموعة دعم للرهاب الاجتماعي. مع المساعدة المهنية والالتزام بالعمل، يمكنك التغلب على الرهاب الاجتماعي وعيش حياة أكثر سعادة ونجاحًا.
تم النشر الجمعة، ١٠ نوفمبر ٢٠٢٣
يمكن مخدتش فرصة تثق فى نفسك وتشوف انك عندك قدرة انك تقول اللى عندك توافق وترفض باللى يناسبك الاعراض اللى بتحسها كده كده هتحصل حتى لما ترد على حد بس مع الوقت هتكسب ثقة فة نفسك خلى فى ايدك ازازة ميه ..وفى جيبك بالونه ....لما تحس بالاعراض دى اشرب ميه على 3 مرات وانفخ البالونه على 5 مرات وقول اللى جواك ..حتى لو قولته وجريت ...
تم النشر الجمعة، ١٠ نوفمبر ٢٠٢٣
انا رايي انك المفروض تكون اجتماعي وتطلع من العالم الموازي اللي انت عامله لنفسك لأن طالما بتخاف من الناس يبقي انت بعيد عنهم نهائيا يبقي اكيد بتستخبي في أوضتك حاول تخرج ساعه كل يوم اتمشي ع الطريق بالليل ساعه ولا حاجه و شم هوا دايما وساعد اهل بيتك
تم النشر الأحد، ١٢ نوفمبر ٢٠٢٣
محتاج تباشر طبيب نفسي، لأن المشكلة النفسية إللي عندك سببتلك آثار جسدية جانبية وأبدا أعرف مشكلتك وواحدة واحدة عالجها مفيش حاجة ممكن تتعمل مرة واحدة
تم النشر السبت، ١١ نوفمبر ٢٠٢٣
واسفه عالاطاله. وشكرا لاصغائك اخي الكريم✊
تم النشر الثلاثاء، ١٢ مارس ٢٠٢٤
بس كده هو ده اللي اقدر اقلعولك. عشان تشيل فكرة الجبن دي من راسك اخي. مفيش حد مش جبااان. حتي لو كان الفتوكات دول اللي بيفرغوا طاقتهم فالناس المحترمين. عشان يبانو لاكن لو حد زيهم أو اقوي منهم تلقاهم زي القطط مشيبن تحت الحيط. ماشي. فسيبك انت من حكايه الجبن دي.
تم النشر الثلاثاء، ١٢ مارس ٢٠٢٤
فهون عليك. دول ليهم مستنقع زي التماسيح كده مستنييم فريسه. وانت عشان مش وطنك المستنقع هما طبعا اللي هيفوزوا فمتطقتهم لاكن انت لو انسان متعلم كده. وحد منهم جالك فمنكقت التعليم والاحترام. قللي بقا مين هيفوز. انت صح. عشان كده بقولك. تنصح الجرار بما فيها. اتعامل بأخلاقك مش بأخلاقهم هما. وهما دول شيمهم اصلا الجبن. عشان تعرف.
تم النشر الثلاثاء، ١٢ مارس ٢٠٢٤
انت بقا متجرش نفسك لمستنقعهم. وسيبهم علي فكرة عدم الرد عليهم ده مش جبن. ده عين العقل واحترام. لأن دول ناس مورهاش حاجه غير البلطجه علي الناس المحترمين. بصلهم كده. هتلقاهم لو بينهم وبين بعض موضوع مبيقدروش يتكلموا بعض. يعني لو تلاحظ فكلامي. جبنا برضو. وبيحاولوا يفرغواوطاقه الجبن دي ويرضوا نفسهم أن هما قادرين. فالناس المحترمين اللي عارفين ومتامدين أن هما مش هيقدر ا عليهم
تم النشر الثلاثاء، ١٢ مارس ٢٠٢٤
الحكايه مش انك جبان أو بتخاف أو مثل ذلك اخي. الحكايه أن المحترمين فالزمان ده قليلين. واللي شيفينوومحترم بيبق غريب علي البشر فبيحاولوا. زي مبيتقال كده. يتشطرواوعليه
تم النشر الثلاثاء، ١٢ مارس ٢٠٢٤
هو حضرتك خجول ودا كان المفروض الطبيعي لان دا من صفات الرسول ، عدم ردك ع شخص أساء إليك لانك متربي ودي حاجه كويسه بس ال بيحصل دلوقت العكس فممكن نشوف ال مش بياخد حقه بالرد وغيرة أنه تصرف غير المعتاد فتشوف نفسك غريب ، الغلط هنا بس بس ممكن الموضوع عندك زايد شويه ومسببلك تعب ودا حاجه متستاهلض تتعب نفسك علشانها يعني فممكن تقرء كتاب عن الثقه بالنفس وتحاول تتطور من نفسك وتتعامل مع ناس شراء شغل او غيرة وتخليك واثق من نفسك ودا بيكتسب مع الوقت ،لكن الموضوع ميخوفش احنا اللى بقينا ف زمن الطيب وال ف حاله غريب ومش شبه
تم النشر الاثنين، ١٣ نوفمبر ٢٠٢٣
رد ومتخافش ايه اللى هيجرى يعنى المهم الراحة النفسية احسن ما يجرالك حاجة
تم النشر السبت، ١١ نوفمبر ٢٠٢٣
للأسف انا كمان نفس المشكلة اتمنى نلاقى الحل.
تم النشر السبت، ١١ نوفمبر ٢٠٢٣
كل حاجه وليها حل.. انت ممكن عشان متعودتش ف الموضوع بنسبه ليك صعب شويه.. بس اتاكد ان رينا خلق فينا غريزه...وهي الشخصيه وليها وقت وبتبان فيه انت بس حاول متسكتش عن حقك.. العمر ما هو الا مره ف استمتع بيه اعتبر انه حلم وانت عارف ان مسيرك هتصحي منه وهتكون كويس ف معندكش مشكله لما تخاطر.. مش معني كلامي انك تكون بلطجي بس متخفش حاول تثبت شخصيتك ويكون ليك رد فعل في المواقف
تم النشر الجمعة، ١٠ نوفمبر ٢٠٢٣
لعرض السؤال في فدني اضغط هنا