من ١٢ سنه كنت بحب واحد ولما سيبنا بعض كان مأمن نفسه وسارق الصور ال ع تليفوني ومفبرك صور ع مزاجه وحاجه قرف ونشر كل ده واتفضحت والحمد لله
بعد مرور ١٢ سنه وبعد ما اتجوزت وخلفت حصل مشكله بين اهلي وبين حد من قرايبنا ف حب يضغط ع اعلي ف كان محتفظ بالصور دي ورجع نشرها تاني وصحا الموضوع تاني 💔 انا مش قادره اتعافي من كل ده من كلام اهلي لياا. من تفكيري ان ولادي هيتعايرو بيااا من خوفي لو حصل اي مشكله مع اي حد وارد يعني ان ممكن يعايرني تاني انا بموووووووت الدنيا سوده ف وشي اوي وبالاخص لو شوفت ال اذوني بموت اعمل اي
اولا تقدم بلاغ الكترونى بنفس الصور... وتعرفى الكل انك قدمتى بلاغ وان اى حد هيفكر يبتزك بالصور هتقدمى البلاغ فيه... ثانيا تعرفى ان ده ابتلاء عشان ربنا يختبر ثباتك وصبرك وثقتك فيه.... البشر حتى لو فى ايدهم حاجة تأذيكى فهى مش توصلك الا بأذن الله... واللى يأذن بيه ربنا اكيد خير.... اتأكدى من ده وكون متوكله على الله حق التوكل. أولادك تعمليلهم توعيه من الخطأ اللى انتى وقعتى فيه تعرفيهم ان مش كل حاجة نشوفها ممكن تبقي حقيقي لان فى خدع كتير ناس بتعملها عشان تضرنا.
تم النشر الاثنين، ٤ ديسمبر ٢٠٢٣
اعملي اسكارينات لكل الصور اللي بيبعتهالك واعمليله محضر ابتزاز وقربي من ربنا وادعي الموضوع يعدي بخير
تم النشر الثلاثاء، ٥ ديسمبر ٢٠٢٣
في حاجه اسمها مبحث الانتر نت بتروحي تعملي محضر وهم بيبو ويمضو علي محضر عدم التعرض وبيقوم بازاله تلك الصور روحي وتعملي محضر والله العظيم دي أأمن حاجه وهيسعدوكي في سريه تامه
تم النشر الأحد، ٣ ديسمبر ٢٠٢٣
خدي سكرينات لكل حاجه، واعملي محضر
تم النشر الأحد، ٣ ديسمبر ٢٠٢٣
روحي اعملي محضر في مباحث الانترنت
تم النشر الثلاثاء، ٥ ديسمبر ٢٠٢٣
بصي استعيني بربنا الاول ثانيا لو عندك حد قريب منك اطلبي مساعدته انه يجيبلك التليفون منه او اعمليله محضر وهيتروق عليه متقلقيش
تم النشر الثلاثاء، ٥ ديسمبر ٢٠٢٣
قربي من ربك وأدعي انه ربنا ينجيك منه علي خير. روحي قدمي فيه بلاغ.. الله ينجيك منه علي خير عشان خاطر أولادك لانهم هيعشو بكثره النفس طول حياتهم.. حسبي الله ونعمه الوكيل في من يؤذي بنات الناس وغلط ايه واحده تبعت صورها لواحد أيا ان كان هو مين الله يحفظ بناتنا وبنات المسلمين أجمعين يارب
تم النشر الثلاثاء، ٥ ديسمبر ٢٠٢٣
مبنى اكاديميه الشرطه العباسيه القاهره والجيزه فرع القناه وشمال وجنوب سيناء وبورسعيد الاسماعيليه وبور فؤاد وجنوب سيناء العنوان الامن الداخل مديريه امن بورسعيد
تم النشر الاثنين، ٤ ديسمبر ٢٠٢٣
قبل ما الموضوع يتنشر اكتر روحي اعملي محضر انتي منين وانا هقولك اقرب مكان ليكي تعملي في محضر
تم النشر الاثنين، ٤ ديسمبر ٢٠٢٣
دا أمر ربنا وان شاء الله الموضوع ده بيكفر من ذنوبك. وبرضوا دا من حكمه ربنا انوا يعرفك انك كنتي بتعملي حاجه غلط وانتي صغيره فياريت تعلمي أولادك أن ميعملوش زي كدا. علافكره طول ما انتي بعيده عن ربنا الموضوع ده هيتكرر معاكي. حاولي انك تصلي الفجر وتعلمي أولادك الصلاه
تم النشر الاثنين، ٤ ديسمبر ٢٠٢٣
لعرض السؤال في فدني اضغط هنا