انا عندى 20 سنه كنت شغال والدنيا حلوة بعدين صاحب الشغل مشاني عشان اختلف على المرتب اللي اتفقنا عليه حاسس انى مليش لازمه وعندى وقت فراغ كبير وبستغله ف السكس وتدمير نفسي بس مش عارف اتخلص من الادمان ده وانا دلوقتي قاعد مش لاقي شغل ومخنوق جدا مخنوق كل يوم اقوم انام ما فيش حاجه جديده بمارس العاده السرية ب ال 4 مرات ف اليوم وصحتي اتدهورت ومبقتش طايق نفسي وبدور على شغل على النت وعلى الجروبات ومش لاقي وتعبان جدا جدا جدا جدا بقيت بتخانق مع امي وازعق وضربها واتخانق مع اخواتي وحاسس ان ما ليش لازمه اصلا ظروفنا زي الزفت وما فيش فلوس ووالدي مستهتر مش قادر اصلا يكفينا وانا مش حاسس بالتقصير تجاههم بس حاسس بالتقصير تجاه لنفسي عشان انا عايز اكل لقمه نضيفه ومعيش فلوس معيش فلوس خالص مش عارف اعمل ايه او ايه اسرع حل انا فكرت في الانتحار دلوقتي واموت وارتاح انا مش عارف اعمل اي ياريت تساعدوني
السلام عليكم ورحمة الله وبركاته ممكن اسال كام سؤال ورد على نفسك مش شرط ترد عليا وواجه نفسك بنعم ولا لا هل صحتك كويسه وبتقدر تتحرك وتشوف وتسمع وتتكلم وتمشى وتاكل وتقضى حاجتك بسهوله وعندك نت وبتنام كويس؟ لو الاجابه نعم ف اعمل سيرش شوف كام واحد معندونش النعمه دى و روح المستشفيات وشوف الناس بتتمنى ترجع بس تعمل حاجه كانت سهله. انت حالك احسن ولا الناس قاعده فى خيم فى غزه ومش لاقين الامان الى انت فيه؟ بتقرا قرأن بتصلى؟ لو لا هتلاقى أيه فى القرأن بتقول من اعرض عن ذكرى فان له معيشه ضنكا والدتك الى بتضربها دى عارف ان عقوق الوالدين دى من اكبر الكبائر الى لو موت تدخلك النار لو متوبتش منها اغلبنا مره بالى انت فيه بس نصيحه لوجه الله تعالى قرب من ربنا و مستسلمش للشيطان لان دا كله من الشيطان هل انت جاى الدنيا تشتغل بس وتجرى ورا الفلوس القمه الحلوه هتيجى هتيجى لو بتسمع سيره النبى والصحابه هتلاقيهم كان بيربطو الحجر على بطنهك من الجوع.. ملحوظه انا مهندس وبدون عمل حاليا بقالى 6 شهور وبتعرض لضغوط كبيره.. لو فهمت الدنيا هترتاح لان اكبر مشكله للانسان اننا مش فاهمين الدنيا انت جاى امتحان عشان لو نجحت جزاك الجنه مخلد فيها يعنى مفيش تعب.. مفيش حد على وجه الارض عاش حياته كلها مبسوط وسعيد حتى الى معاهم فلوس واغنيه هتلاقيه بردو بيجيلو وقت وبيزهق ويتهم لان الانسان بطبعه شهوانى.. نصيحه اخرى صاحب ناس كويسه صاحب ربنا قبل اى حد روح الجامع هتلاقى الى يساعدك روح لشيخ قريب منكو هيساعدك والله واصبر ناس كتيره فشلت وقامت اسمع قصص ناس فشلت اقرا كتب عن ناس فشلت فى حياتها بس اسمع النهايه انه كان قوى منخش فنص الطريق اسمع قصه الشهيره بتاعت كنتاكى عمل ايه انت لسه مدخلتش دنيا اتمنى تراجع نفسك من نعم ربنا عليك وتقرب من ربنا تستغفر الله مفيش حياه سهله يا صديقى.
تم النشر الثلاثاء، ١٣ أغسطس ٢٠٢٤
اول حاجة لازم تعملها انك تقرب من ربنا فى السن ده بيبقا شباب كتير مش لاقيه شغل لأنك لسه بتقول يهادى مفيش حاجة بتيجى بسهولة وممكن يكون اختبار من ربنا الدنيا مش سهلة علطول ولا صعبة علطول ضربك او زعيقك لأمك ده أكبر غلط اكسب دعوتها دور تانى حتى لو لقيت شغل بأى مرتب حتى لو كان متوسط حاجة تسند معاك وتطلع من الى انت فيه وتشغل وقت فراغك ومع الوقت هتلاقى شغل يناسبك اكيد بس قرب من ربنا ربنا مش بيسيب حد ولا بيحط حد فحاجه وهو مش قدها
تم النشر الثلاثاء، ١٣ أغسطس ٢٠٢٤
أولاً، حابب أقول لك إن مش لوحدك في اللي بتحس بيه. الضغوطات كبيرة أوي، وبخصوص الشغل، الوضع مش سهل بس لازم تحاول تلاقي أمل. حاول تشوف حاجات جديدة ممكن تتعلمها أو مهارات ممكن تضيفها لسيرتك الذاتية عشان تفتح لنفسك مجالات مختلفة في الشغل. وكمان تواصل مع أصدقائك أو زملاء عمل سابقين، يمكن يجيبوا لك فرص. بالنسبة للمشاعر السلبية والتوتر، من المهم إنك تلقي بالك على صحتك النفسية. حاول تمارس رياضة بسيطة زي المشي أو أي حاجة تخليك تحس بالراحة. استخدامك للعاده السرية بشكل مفرط قد يكون علامة على توتر أو ضغط نفسي. حاول تشوف طرق تانية لتفريغ مشاعرك كما إنك تتحدث مع شخص قريب لك، سواء صديق أو حتى مختص نفسي. وإذا كنت تفكر في الانتحار، ده علامة على إنك محتاج مساعدة فورًا. فيه دايمًا طرق للتعامل مع الأزمات. حاول تصلح نفسك وتطلب المساعدة من أشخاص متخصصين. تأكد إنك مش وحيد، وفيه أمل وحاجات هتتغير للأفضل.
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا