السلام عليكم يا رب تكونو بخير
تقريبا كدا بدايه مشاكل بدأت لما كان عمرى 6 سنين
لما أهلى أطلقوا روحت اعيش مع امى
ماما كانت دائما عصبيه و لما كونت بغلط كانت بتضربنى لحد ما تتعب هى و بابا اطلقو بسبب المشاكل و الخنقات الكتير و دا بسبب فرق السن اللى بينهم لأن بابا كان أكبر منها 20 سنه و هى لما اتجوزت كانت صغيره خالص حوالى 16/17 سنه
و هى بصراحه تعبت جدا من بابا و من أهله و بسبب المشاكل اللى كانو بيعملوها
المهم فضلت قاعده مع ماما 3 سنين
ف السنين دول ماما كانت دائماً بتضربنى و بتعزبنى و كانت دائما بتسمعنى كلام عن أنها نفسها انى اموت علشان تخلص من الحاجه الوحيده اللى بأجمعها مع بابا و كانت بتقولى انها مش بتحبنى دا غير الضرب اللى كانت بتضربهولى و اوقات كانت بتسخن سكينه معلقه اى حاجه تشوفها و تحرقنى بيها لدرجه ان أنا مش فاكره وقتها غلطت ف اى بس مكان السكينه لسه معلم ع جسمى متخيلين و اكتر من مره كانت عايزه ترمينى من البلكونه بس ربنا كان بيسترها معايا مع أن البلكونه ف الدور التانى يعنى مش بعيد اوى عن الأرض بس الفكره وقتها أنا كونت 7-8 سنين يعنى مش كبيره و الحاجه دى قصرت عليا كانت دائما بتحكيلى عن مشاكلها مع بابا و كانت بتقولى عن خنقاتهم و ازاى هوا كان بيسمع كلام تيتا لدرجه ان أنا بقيت بخاف من بابا مع أن أنا كونت الوحيده و مكنش ليا اخوات بقيت كل ما بسمع عن مشاكلهم كونت بخاف اكتر من بابا المهم بعد ال3 سنين دول ماما اتجوزت مش قادره اوصفلوكو كونت فرحانه اد اى بسبب انها مش هتضربنى تانى أو تحاول تاذينى و علشان أهل بابا ميخدونيش منها راحت خلتنى اقعد عند بنت خالتها المهم بنت خالتها دى متجوزه. و مخلفه الفتره اللى قعتها معاها كانت برضه صعبه أنا كونت طفله مكونتش بعرف اسرح او انسق هدومى أو اهتم بنفسى و الست اللى كونت قاعده معاها كانت بتخلينى انضف و اساعده ف شغل البيت أنا مكنش عندى مانع الفكره انى كمان كونت بنضف تحت البهائم البقر يعنى و مكونتش بلبس. جونتى المهم الفتره دى كانت فتره صعبه عليا مكنش حد بيهتم بيا او بلبس أو شعرى و كمان الست دى لما كونت بتخانق أنا و ابنها كانت بتشوفو بيضربنى و مكنتش بتعمله حاجه و لما كونت ادافع عن نفسى و اضربه كانت بتقول أن أنا غلطانه و كمان بناتها كانو بياخدو هدومى و يمسحو بيها الأرض و هى كانت بتقولى عادى بيهزرو معاكى و لما ماما جت زارتى كونت بقولها تخدنى معاها بس هى مرضيتش و سابتالى 20 جنيه 😂😂
مفكرهم هيعوضومى على الزل اللى اتعرضت ليه المهم لما عمى عرف مكانى جه اخدنى و طبعا مش هنسى شكلى وقتها كان اى كونت لابسه بيجامه بيتى و شعرى كان منكويش و مش متسرح دا غير الحشرات اللى كانت ف شعرى 😅 المهم عمى كانت متجوز خالتى اللى هى اخت امى المهم لما شافتنى خلتنى استحما و سرحتلى شعرى و طبعا ولادها اعتبرونى اختهم الكبير من غير اى حاجه ايوه ف مشاكل بينى و بين ولاد خالتى بس لو حد فيهم ضايقني بالكلام عمى و خالتى مكنوش بيسكتولهم دول كانو عوض ربنا ليا بصراحه كونت بتمنى اب و ام و اخوات ربنا كرمنى بيهم المهم الأحداث دى لحد خامسه ابتدائي و ماما طبعا خلفت بعد ما اتجوزت خافت ولد أنا كونت بروح ازورها كل فتره و التانيه مش هكدب لو قولت انى مكونتش بغير من اخويا بس ما كونتش بكرهه كونت بقول اشمعه هوا بتعمله كويس و انا لا يمكن علشان هوا معاه أبوه و انا كان بابا بعيد عنى و كونت اوقات كتير بعيط من كتر الغيره و اشمعنه هوا تعامله احسن منى مع انى كونت بتخانق فيها لو ضربته أنا عمر صوتى ما عليي عليها بس لما كونت بلاقيها بتضربه كونت بحوشو عنها و بتخانق معاها
المهم خفلت بنت و ولد تانى و أنا كونت عايشه حياتى عادى ما بين اوقات بروح ازورها و اوقات بكون ف البيت أو يبقا مشغوله فى الدراسه مع أن كل اللى حصل دا اثر ع دراستى بشكل كبير أنا اتعلمت القراءة والكتابة و انا ف سنه 6 ابتدائي المهم و انا ف سنه 3 إعدادى قبل امتحانات اخر السنه بشهر بابا عمل حادثه و مات كانت من اكتر اللحظات صعبه عليا وقتها كان عندى 15 سنه مشبعتش منه ولا قولتله انى بحبه و كونت اوقات كتيره بتخانق معه علشان كان لسه بيفكر ف ماما مع أنها عاشت حياتها بس حياتى أنا اللى باظت أنا حاليا عندى 20 سنه قربت اكمل 21
ف صعوبه كبيره ف حياتى ايوه ف مشاكل بس عادى زى اللى بتحصل ف اى بيت
بس اكتر مشكله عندى أنا أنا مبقتش اثق ف حد يعنى فكره ان ف حد بيحبنى بحسها صعبه جدا بقيت دايما عقلى مشغول ف حاجات كتير و منها انى بلهى نفسي بالمسلسلات و الافلام و الممثلين و الايدول بقيت شخص تايه و بخاف من كل حاجه اوقات بتهته ف الكلام و كمان مش بيكون عندى ثقه انى اقول راي ف اى حاجه و عندى فوبيا من الصوت العالى يعنى لو حد زعق فيا بخاف و ممكن اعيط و بقيت كمان خلقى ديق و بتعصب بسرعه من أتفه الأسباب و من كتر ما أنا بسرح كتير بقيت بنسا حاجات مهم
أما بالنسبة لخالتى و عمى هما بيعتبرونى بنتهم و يشهد ربنا أنهم مقصروش ف حاجه ماديا أو معنويا الفكره انى عايزه اندهلهم ب ماما و بابا بس ببقا مكسوفه و مش عارفه اتصرف ازاى
حاسه انى محتاجه اروح لدكتور نفسى بس مش عايزه اقول لاهلى أو حاسه انها صعبه عليا اوى انى أقوالهم كدا مش عارفه انا فعلا محتاجه دكتور او لا
فى قرار خدته و مش عارفه دا صح او غلاط اخر خناقه كانت بينى أنا و ماما كانت من كام شهر المهم كونا بنتكلم فا بتقولى هى ازاى بنت خالتك تكلمك كدا هى ازاى. تقفل ف وشك الفون فا أنا رديت عليها و قولتها أنا و هي بنهزر مع بعض و احنا متعودين كدا نشتم بعض أو نقفل الفون ف وش بعض يعنى من الاخر جبتها بطريقه غير مباشره انها متدخلش بينا و قولت لخالتى ع اللى حصل يعنى ف حد وصل لماما كلام اللى بيحصل بينى و بين ولاد خالتى و قولتلها أنا قولت ليها اى المهم خالتى كلمت تيتا و قالتلها أن تقول لامى انها متدخلش ف حياتى علشان أنا خلاص مبقتش اخصها
لقيت بعديها ماما بتبعتلى و بتقولى أنا أنا خدامه و بتشتمنى و قالتلى اعتبر امى ماتت فا أنا رديت عليها و قولتها و من امتا و انتى اصلا امى هى راحت عاملتلى بلوك بعد ما شتمتنى و راحت فضلت تدعى ع خالتى و تتخانق فيها مع أن خالتى ملهاش ذنب ف خناقتنا أنا و هى وكمان مكنتش تعرف أنا أنا و ماما كونا لسه متخنقين مع بعض
الفكره أن أنا تعبت جدا من حياتى و من اللى بيحصل عارفه أنه امتحان من ربنا بس والله امتحان صعب
مبقتش قادره اتحمل تانى هوا أنا مجبوره انى ابر امى بعد كل دا انا تعبت جدا ف حياتى و مش قادره اتحمل اكتر من كدا حاسه ان هتحصلى حاجه من كتر الزعل بس فعلا مش قادره
الحمدلله على كل حال
اسفه لو كونت طولت ف الكلام
شكراً ليك/ي لو تقرا لحد دلوقتي
بجد انتى قويه وتستهلى كل خير على كل الى مريتى بيه بجد بس لازم تفضلى تبرى امك حتى لو هى خلاص انتى متهميهاش اعملى كدا لربنا مش ليها وكل دة هايتردلك قدام الدنيا دوارة بجد ربنا هايعوضك على كل الى انتى شفتيه دة بس مش عيزاك تتأثر انك متثقيش فى حد مش كلهم كدا الى انتى بتمرى بيه نتيجة اب وام وانتى الضحيه الى بينهم وربنا يصبرك على فراق بباكى ابدأ شوفى الحياه بجانب ايجابى سيبك من الى فات بس اتعلمى منو كل واحد بيمر بحاجة يتعلم منها وان شاءالله ربنا هايعوضك ويجبر بخاطرك ربنا يوفقك🤍
تم النشر الخميس، ٩ مايو ٢٠٢٤
انا عارفه ان انت من كلامك ممكن تكوني بتستغربي في حياتك عموما لحد يقول لك قد ايه انت يلا. بس انا بقول لك قد ايه انت جميله انت جميله جدا جدا جدا جدا كمان انا ليك ان انت جميله علشان طريقه تعبير الجميله. وجواك انا متاكده انه في اجمل من اللي انت كتبتيه. بس مشكله انه في جواكي حد يعني مضايقه الحاجات الجميله دي فمش سايباها بتطلع براحتها وسايباكي تتفسي وانت مرتاحه. اللي انت عديت البيزو مش حلو ومش اهلا طيب اثر ده هو اللي مخليكي دلوقتي مش مستحمله ليه هو يخليك بتسرحي اللي مخليكي دي عندك نفسيا مش احسن حاجه وزعلانه وحاسه انك ما تستاهلش انك علشان للاسف كل تصرفات ناطق معك وانت صغيره هي اللي زرعت فيك الحاجات دي وده طبيعي يا حبيبتي انك دي حاسه بده طب الحاجات دي نعالجها رايق انت محتاجه دكتور او اخصائي اه انت ممكن تلقي المساعده دي مع دكتور او اخصائي نفسي علشان بس فرغي الحاجات دي صح انت خرجيها. وحده للحاجات اللي انت مش هتتخيل انه هي نوع من اللي حصل ما بينك وما بين مارك وانك قلت لها من امتى يعني انت عايزه تقوليه هو ده اللي انت محتاجه تفرغي انك تعبضيه عن كل الحاجات اللي انت كتبتيها دي بس فعلا تعباري عنها للاصل اللي حواليك الانسان قوي مش معنى قوته ان هو مش حاسس بالوجع الانسان القوي مش معنى قوته ان هو ما عندهوش حياه ثابت له انا لا الانسان القوي هو اللي رغم الالم عمل زيك كده وبيعا وربنا لما بيقله الظروف ان هي تكون بشكل كويس بيستغلها كويس جدا جدا وبيبقى على بني ادم. وده اللي محتاجه تعمليه بشكل. تطلعي الوجه اللي جواكي بتتكلمي عنه وما تتكلميش عنه غير بفخر بفخر رغم القلم ده رغم الوجع ده لانك بتقولي الحمد لله وبتحكي عن الحاجات الجميله والحاجات اللي ربنا رميت بها والحاجات الجميزه اللي انت عايشه كويس وتبصي على الجانب. اعمليه ده لقوه وبكل فخر وممكن.
تم النشر الجمعة، ١٠ مايو ٢٠٢٤
متشغلش بالك بالناس اصلا
تم النشر الجمعة، ١٠ مايو ٢٠٢٤
بس بنسبه كبيره مامتك مريضه نفسيا وانت ملكيش انك تبريها طول م هيا بتاذيكي عامليها بالحسني وخلااص
تم النشر السبت، ١١ مايو ٢٠٢٤
لا يقمر متقوليش كده انت تستاهلي الحب وامك غلط جدااا من البدايه انها اتجوزت وشيلتك مسؤوليه فوق طاقتك
تم النشر السبت، ١١ مايو ٢٠٢٤
لا اطلبيه بعد الي حصل دا انتي اكيد محتاجة علاج نفسي ولو كملتي وانتي كدا هتكوني انتي مش كويسة كبنيآدم ولا حياتك كويسة لأن أُسس الحياة الكويسة هي الصحة النفسية، وال انتي شرحتيه عن نفسك انك تايهة وخايفة من كل حاجة دا اكبر دليل انك لازم تتلقي علاج ومساعدة نفسية، وربنا يشفيكي يا قمر❤️
تم النشر السبت، ١١ مايو ٢٠٢٤
الف سلامة عليكي يا حبيبتي ❤️ والله انتي عانيتي كتير، وربنا هيعوضك بإذن الله لأنك قمر وجميلة ومش ذنبك كل ال الناس بتعمله دا خالص🥺❤️..هسألك سؤال،لو طلبتي تروحي لدكتور نفسي اهلك او خالتك هيوافقوا ولا لا..يعني اكيد متعرفيش، بس توقعًا ردهم هيكون إيه؟
تم النشر السبت، ١١ مايو ٢٠٢٤
معلش يحبيبتى باذن الله ربنا هيعوضك عن كل الذى الى اتعرضتيله فى حياتك بس انتى صلى وادعى وكلو هيبق تمام طول ما علاقتك بربنا كويسه ومن وقت لتانى برى ولدتك مهما غلطت فى حقك معلش هتأجرى على دا والله واصبرى
تم النشر السبت، ١١ مايو ٢٠٢٤
قولنا احنا خوات بقى ❤️🔥❤️🔥😂
تم النشر الجمعة، ١٠ مايو ٢٠٢٤
بجد شكرا من قلبى لكل اللى نصحني نصيحه شكرا ليكو
تم النشر الجمعة، ١٠ مايو ٢٠٢٤
ممكن يبقى دا السبب
تم النشر الجمعة، ١٠ مايو ٢٠٢٤
شكرا لنصيحتك حاول باذن الله التزم بيها
تم النشر الجمعة، ١٠ مايو ٢٠٢٤
والله السبب إلى انت بعيد عم ربنا بأذن الله كدا حولى تصلى الفجر وتقراء قرآن وشوف النتيجه
تم النشر الجمعة، ١٠ مايو ٢٠٢٤
دايما كدا متحتش رايق الناس ف دماغك
تم النشر الجمعة، ١٠ مايو ٢٠٢٤
الفكره أنها كل فتره بتاذينى باكللم و بترجع تصالحنى تانى الفكره انى أنا خايفه اوى من عذاب ربنا ليا لو مش ببرها
تم النشر السبت، ١١ مايو ٢٠٢٤
حبيبتي تسلميلي لا خالص هما مش بيرفضولى طلب و لو طلبت دا اكيد هيوافق الفكره أن أنا مش عارفه اطلب الطلب دا ولا لا
تم النشر السبت، ١١ مايو ٢٠٢٤
لا عادى احنا خوات
تم النشر الجمعة، ١٠ مايو ٢٠٢٤
دى ممكن تكون حاجه ملهاش لازمه بس انا بنت مش ولد 👍🏻😂😂
تم النشر الجمعة، ١٠ مايو ٢٠٢٤
الفكره انى مش بحط رائي الناس فى دماغى مشكلتى انى مش بعرف اعبر عن شعوري لو كونت مدايقه يعنى مش بدى الزعل حقه و دا بياثر عليا بالسلبية أنا بس بخاف اعبر عن وجعى علشان بخاف حد يستغله ضدى
تم النشر الجمعة، ١٠ مايو ٢٠٢٤
عندك حق
تم النشر الجمعة، ١٠ مايو ٢٠٢٤
لعرض السؤال في فدني اضغط هنا