انا دلوقتى شغال في وظيفه كويسه وشركه وعندي مشروع صغيره الحمدلله بس في ناس بتنصحني اني اكمل تعليمي عشان حياه الاجتماعيه مثل الزواج و المدارس وحجات تانيه بس انا مش مقتنع بصراحه عشان انا لما كنت في جامعه كانت اسواء ايام حياتي كنت برسب كتير و مفيش فايده ولازمه في المواد الي بدرسه عشان انا كنت عايز اخش جامعه تانيه مش الجامعه دي بس جاءت الجامعه مش حبيبها بس قلت الحمد لله ودخلتها بس مقدرتش اكمل فيها خصوصا ان حصل مشاكل اسريه فاضطريت اصرف على اخواتي انا دلوقتي عندي 25 سنة الحمد الله محقق حاجه وصحابي الي لسه متخرجين مش عرفين يحققوا حاجه انا مش قصدي اقلل وقول ان الجامعه ملهاش لازمه انا قصدي على نفسي على انا مش مهمه بنسبالي لانها حاجه تكميليه مش اساسيه بس قرايبي شكوني في نفسي بيقولي هتندم وانا خلاص مش عارف اعمل ايه اخسر شغلي والمشروع اللي انا بعمله عشان اكمل دراستي ولا اطنش الكلام بتاع قرايبي وانا مش هعرف اعمل لاتنين مع بعض فا عاوزه حد يفدي هل فعلاً الشهاده الجامعية لو مش معايا انسى حياتي الاجتماعية وبقا شخص فاشل وقليل اجتماعيا ما ليش حق نتقدم لزواج او لمدرسه يا ريت حد يجاوبني بس تكون اجابه تفصيليه
الشريحة الاجتماعية اللى انت فيها هى اللى هتفرق. يعنى الطبقة المتوسطة هيفرق فيها جدا شهادتك اذا جامعية ولا اقل ...المدارس ايوه ممكن متقبلش الاولاد لو تعليم اهلهم مش جامعى. لو قررت تتوظف فى شركة ما .. ايوه ممكن يفرق كتير انك خريج جامعه ولا لا.( حسب نوع الشركة وحجمها ) طيب فى شريحة رجال الاعمال والناس اللى شغلها كله تجارة ....الشهادة مش هتفرق فى حاجة ...لان دى ناس دماغها وخبرتها هى اللى بتشغل ناس تانية . كل ما تتعامل بقلوس اكتر والبيزنس بتاعك حجمه يكبر ...مش هتفرق الشهادة حتى وانت بتقدم فى مدارس الولاد. بس عموما الشهادة لو هتكون فى نفس اللى انت شغال فيه ...خدها حتى لو اون لاين او انتساب وريح نفسك من كل الاحتمالات دى.
تم النشر الأربعاء، ٨ فبراير ٢٠٢٣
انت قولت بنفسك ده تفكير ناس كتير .. بالفعل فيه ناس مش قليلة من المجتمع هتفكر بالشكل ده .. لأن الشهادة أصبحت شئ مجتمعي مهم. لكن برده خلينا نقول ان المستقبل مش في الشهادة .. يعني انت حاليا عندك شغلك وشركتك ومستقر الى حد ما. لو عكسنا الموضوع فيه ناس ممكن ترفض حد مش جامعي، بس على ما اعتقد الناس كلها هترفض حد عاطل ومش شغال. يعني مفيش حد هيوافق يدي بنته لحد مش شغال، وميقدرش يفتح بيت. لكن فيه ناس ممكن تتغاضي عن موضوع الشهادة ده. لكن الافضل طبعا يبقى معاك الاتنين لو تقدر، يعني شوف طريقة تقدر تكمل بيها، في كلية مثلا نظرية ومتضطرش انك تروح كتير الجامعة .. ف بكده هتوفر وقتك لشغلك.
تم النشر الثلاثاء، ٧ فبراير ٢٠٢٣
رأيي انك تخليك في شغلك ومشروعك لانك لو خسرتهم مش هتلاقيهم تاني وحكايه الجواز دي ربنا الي بيدبرها والشخصيه الي هتتجوزها ربنا كتبهالك من وانت صغير الي بيكمل تعليمه دا بيبقا علشان مش لاقي وظيفه او عنده طموح وبيحب كليته انما حضرتك دي حاجه انت مش حببها ولا عايزها يبقا تسيبك من كلام قرايبك وتسبت ليهم نفسك في مشروعك وشغلك ويارب اكون افادتك
تم النشر الثلاثاء، ٧ فبراير ٢٠٢٣
شوف درستك لو تقصد انك لسه مخلصتش جامعه ف كملها لانها هتنفعك بعد كده لكن لو تقصد دبلومه او دراسات عليا ف مشروعك وشغلك اهم طالما هيتعارضوا سوا .وحاول توازن بين الحجات الاساسيه ف حياتك زي الشغل والدراسه الاتنين اساسيين ف ممكن تحاول تدي وقت للدراسه لحد متتخرج وبعد كده متكملش دراسات عليا ...وطبعا الجواز عموما هتصادف اكتر من اب هتيجي تتقدم لبنته مش هيلاقي معاك شهاده جامعيه هيرفض مش كلهم بيفكروا كده بس كتير بيفكر كده فعلا ف عيد التفكير تاني واستخير ربنا وان شاءالله يكتبلك الخير
تم النشر الثلاثاء، ٧ فبراير ٢٠٢٣
انا مش ف مكانك ومش هعرف افيدك بس من راي انك تستقر ف شغلك حاليا اهم كتير وانجح انك ف سنك دا صغير اصلا وتبقى عندك مشروعك وناجح فثبت نفسك ف شغلك الدراسه سيبها لوقت ما تحس انك خلاص مستعد تكملها فعلا.. ولو ع الحياة الاجتماعيه ربنا موجود وهو ال بيرزق و قادر يرزقك بشخصيه كويسه تكون سند ليكي وتكملوا بعض اسعى وسيب الرزق لله.. ولو ع كلام الناس الناس ديما بتتكلم وديما هينتقدوا او ديما هيطلعوك فيكي نقط سودا وخلاص ... وربنا يكتبلك ال فيه الخير
تم النشر الأربعاء، ٨ فبراير ٢٠٢٣
لعرض السؤال في فدني اضغط هنا