.
الموضوع متبادل بينك وبينها وواضح انه فيه سوء فهم جوه مواقف كتير الافضل تعززوا علاقتكم بمواقف تبادرى فيها بانك تكونى بتشججعيها تكون هى مميزة وتبينى فرححتك بيها وكمان تطلبي منها تساعدك فى مواقف تانيه تكونى فيها انتى مميزة فى حاجة متهماش هى اوى مثلا اعملوا حاجات تتطلب مشاركة زى المسابقات اللى مطلوب فيها اتنين ..او ادخلوا اطبخوا سوا وافتخروا باللى عملتوه سوا اختك او انتى طبيعى تحبوا تحسوا بالتميز وده ميمنعش حبكم لبعض
تم النشر السبت، ٦ أبريل ٢٠٢٤
التفكير وقت الطفولة مختلف تماما عن التفكير وإحنا كبار وواعين.. أختك أكيد بتحبك ولو كانت بتكن من نحيتك الغيره لانها الأخت الكبيرة وكانت متعوده ان كل الدلع وكل حاجه جايالها هي وفجأه جه مولود صغير أخد الإهتمام والدلع وقاعد في حضن مامتها طول الوقت عشان طفله لسه .. دا بيعمل غيره بين الطفل الأكبر و اللي بعده بالذات لو اول طفل وبتحس إنك خدتي منها حاجات كتير.. بس مجرد ما تكبر الأحاسيس دي بتروح يعني اللي انتي فكراه من طفولتك متعلق بشكل كبير بإنها كانت غيرانه إنك خدتي منها الاهتمام فتره من الزمن من مامتك وباباكي و هكذا.. لكن بعد ما كبرتوا إنتي بتقولي إنك مقتنعه ان الطابع غالب.. لا خلي عندك حسن نية بأختك إنها بتحبك وإن اللي فات دا كنتوا أطفال وعادي جدا.. ووقت الغضب كتير مننا مش بيقدر يتحكم فنفسه وبيقول كلام مش صحيح بس عشان نطلع غضبنا ومينفعش تحكمي على اللي جواها نحيتك من وقت غضبها صفي نيتك من جهه أختك وعامليها حلو وهي بالمقابل هتعاملك حلو وإظهريلها حبك هتظهرلك حبها
تم النشر السبت، ٦ أبريل ٢٠٢٤
لعرض السؤال في فدني اضغط هنا