المفروض دلوقتى لو حد عاوز يعرف معلومه عن دينه يعرفها منين ؟ يسأل مين؟
مفيش حاجه الشيوخ اجمعوا عليها تقريبا غير وجود ربنا ، كل شىء عليه تناقض كل ما اسمع شيخ يقولوا عليه بيفتى ف الدين ومعلوماته غلط المفروض اعرف دينى ازاى ؟
فيه أسئلة كتير جدا ف دماغى بتخلينى اشك وبستغفر كتير زى ليه ربنا خلى الرسول يتزوج من طفله حرفيا ازاى ! لحد الان مبفهمش من الشيوخ لا اعتراض على حكم الله ولكن اريد تفسير وكمان ازاى سيدنا سليمان اتزوج 1000 ست ! وهو اساسا مات وهو عنده 52 سنه يعنى ف السنه الواحده كان بيتجوز قد ايه ؟ وكمان ازاى كان عارف يوفق بين الزواج والدعو لربنا.
لو سألت حد هيفتكرنى ملحده انا بس بدور على المنطق مبحبش امشي ورا كلام حد انا مش فاهماه.
وكمان ازاى الرسول هيتزوج مريم العذراء وآسية ازاى هيتزوج ام نبي ؟ طب ليه وكمان حور العين أزاى ومفيش جماع ف الجنه كل حاجه عليها تناقض طب المفروض اصدق مين والرسول هيتزوج 72 حور عين ايه العدد الكبير ده ليه الرسول بيتزوج العدد ده ايه السبب ؟ ده كده عدد كبير مش مفهوم سببه اساسا وازاى سيدنا عيسي هينزل يقول الاسلام دين الحق لناس هو كان قايلهم خليكوا مسحيين وليه فى اديان كتير ما كان دين واحد وخلاص وليه اتفرض الحجاب ومتفرضش للمسحيين وغيرها اسأله كتير بس مفيش شيخ اقدر اقوله
السلام عليكم أختي، عارفة مشكلتك فين؟ إنك تقريبًا كل معلوماتك عن الدين واخداها من شبهات... ممكن قابلتك على السوشيال ميديا واليوتيوب وفي بوستات أشخاص دورهم نشر الشبهات دي عشان التشكيك في الدين. مشكلتك إنك مبدأتيش بتأسيس العقيدة الأول. وإذا فرضت إنك بدأتِ صح وتعلمتِ عقيدة الإسلام وبتقيمي العبادات المفروضة فيُحتمل إن الشبهات دي وساوس دينية ووساوس في العقيدة. عامة، ابتعدي تمامًا عن القراءة لأي شيء متعلق بالشبهات وابدأي في تعلم العقيدة وفهم أساس الإسلام وتعاليمه بالأول. اهتمي بالصلاة والقرب من ربنا وادعيه بصدق إنه يهديكِ للطريق المستقيم. من الأدعية اللي بحبها جدًا (اللهم أرنا الحق حقًا وارزقنا اتباعه وأرنا الباطل باطلًا وارزقنا اجتنابه) وربنا أبدًا مش هيرد شخص بيطلب الهداية بصدق ولا هيسمح بضلاله. (والذين جاهدوا فينا لنهدينهم سبُلنا) *** عارفة دليل على إنك فيه أساسيات في العقيدة وفهم الإسلام انتي مش عارفاها أساسًا؟ سؤالك عن إزاي نبي الله عيسى عليه السلام كان بيقول للناس كونوا مسيحين وهيرجع قبل القيامة يدعوا للإسلام. نبينا عيسى مقالش للناس كونوا مسيحين... هو قالهم يكونوا مسلمين ودعا للإسلام. انتِ اللي فاهمة غلط. انتِ متخيلة إن الإسلام نزل بس قبل 1400 سنة؟ (إن الدين عند الله الإسلام) بمعنى إن ده دين الله أصلًا من بداية الخلق ولحد يوم القيامة. فيه اصطلاحين للإسلام الأول، هو الإسلام الشامل... دين الله من البداية.. الدين اللي نزل به كل الأنبياء عليهم الصلاة والسلام.. أول نبي كان آدم عليه السلام وبعده باقي الأنبياء والرسل. الإسلام ده اللي هو الاستسلام والخضوع لله سبحانه وتعالى وعبادته وحده لا شريك له. دي كانت دعوة كل الأنبياء والرسول. الثاني، شريعة الإسلام نفسها اللي نزلت قبل 1400 سنة على خاتم النبيين محمد صلى الله عليه وسلم... دي كانت الشريعة الخاتمة والمتممة لكل الشرائع السابقة فحملت اسم الدين نفسه عشان هي اكتمال الدين. يعني ممكن تقولي الإسلام دين كل البشرية من أول آدم لحد الآن، كان أشبه بتحديثات بتنزل للدين مع كل عصر وحسب الناس في العصر ده وإيه اللي يناسبهم (لكلٍ جعلنا منكم شرعة ومنهاجًا) والإسلام اللي من 1400 سنة دي كانت النسخة الأخيرة والكاملة من هذا الدين. *** في كل عصر لنبي الناس اللي آمنت مع هذا النبي كانوا مسلمين بالمعنى العام... إن كان بعد كده أطلق عليهم يهود أو مسيحين فهم بالأساس كانوا على دين الإسلام ومن مات منهم على العقيدة الصحيحة كما أنزلها الله على الأنبياء دخل الجنة بإذن الله. (مَا كَانَ إِبْرَاهِيمُ يَهُودِيًّا وَلاَ نَصْرَانِيًّا وَلَكِن كَانَ حَنِيفًا مُّسْلِمًا وَمَا كَانَ مِنَ الْمُشْرِكِينَ) (وَمَن يَرْغَبُ عَن مِّلَّةِ إِبْرَاهِيمَ إِلَّا مَن سَفِهَ نَفْسَهُ ۚ وَلَقَدِ اصْطَفَيْنَاهُ فِي الدُّنْيَا ۖ وَإِنَّهُ فِي الْآخِرَةِ لَمِنَ الصَّالِحِينَ * إِذْ قَالَ لَهُ رَبُّهُ أَسْلِمْ قَالَ أَسْلَمْتُ لِرَبِّ الْعَالَمِينَ* وَوَصَّى بِهَا إِبْرَاهِيمُ بَنِيهِ وَيَعْقُوبُ يَا بَنِيَّ إِنَّ اللّهَ اصْطَفَى لَكُمُ الدِّينَ فَلاَ تَمُوتُنَّ إَلاَّ وَأَنتُم مُّسْلِمُونَ * أَمْ كُنتُمْ شُهَدَاء إِذْ حَضَرَ يَعْقُوبَ الْمَوْتُ إِذْ قَالَ لِبَنِيهِ مَا تَعْبُدُونَ مِن بَعْدِي قَالُواْ نَعْبُدُ إِلَهَكَ وَإِلَهَ آبَائِكَ إِبْرَاهِيمَ وَإِسْمَاعِيلَ وَإِسْحَقَ إِلَهًا وَاحِدًا وَنَحْنُ لَهُ مُسْلِمُونَ) (وَقَالَ مُوسَى يَا قَوْمِ إِن كُنتُمْ آمَنتُم بِاللّهِ فَعَلَيْهِ تَوَكَّلُواْ إِن كُنتُم مُّسْلِمِينَ) (فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ) ومن الأحاديث قول رسول الله عليه الصلاة والسلام (إنَّ مَثَلي ومثلَ الأنبياء منْ قَبلي، كَمَثَلِ رجلٍ بنى بَيْتًا، فأحْسَنَهُ وأجْمَلَهُ، إلا مَوْضعَ لَبِنَةٍ من زاوية، فَجَعَلَ النَّاسُ يَطُوفونَ بِهِ، ويَعْجَبونَ له، ويقُولونَ: هَلَّا وُضِعَتْ هذه اللَّبِنَة؟!))، قال: ((فأنا اللَّبِنَة، وأنا خاتمُ النَّبيِّينَ) وقوله ( الأنبياء إخوة لعلات دينهم واحد وأمهاتهم شتى) بمعنى إن الأنبياء أشبه بإخوة من أمهات مختلفة. **** ليه فيه ديانات كتير دلوقتي مش دين واحد؟ لأن بعد كل نبي ما بيموت كان الناس بعد زمن بتحرف دينه وشريعته وتدخل في دين الله النقي ما ليس فيه فكان لازم ربنا يرسل أنبياء ورسل تانيين لتصحيح المسار... فيه من الناس اللي بيستمر على الانحراف وفيه اللي بيتبع النبي وبيكون على دين الإسلام من تاني. وبعد زمن ترجع الشريعة تتحرف لحد ما ظهر كل الديانات دي على الأرض. بمعنى... الديانات دي كلها كانت في الأصل شرائع ورسالات للإسلام واتحرفت بعد موت الأنبياء واستمر التحريف لحد ما بقى الأصل اللي باقي فيها باهت جدًا ويكاد يكون مش موجود. ********** صدقيني أنا مش شايفة أي مشكلة في كل الأسئلة والشبهات اللي كتبتِها دي... لما تبني العقيدة من الأول وتفهميها وترضي بالله ربًا والإسلام دينًا وبمحمد نبيًا ورسولًا، كل ما تقابلك شبهة يا إما هترميها وتقولي آمنت بالله يا إما لو هي مزعجة قوي والشيطان عمال يزن عليكِ بسببها بتروحي تسمعي رد للشبهة دي وفيه ناس كتير ثقة وعندها علم وبتعرف ترد الشبهات صح. *** نصيحتي لكِ، صلي بخشوع واسألي ربنا بتوسل وصدق إنه يهديكِ الطريق المستقيم ويبعد عنك وساوس الشيطان. ابدأي اتعلمي الدين من أول أركان الإيمان وتدرجي بالراحة واسمعي حلقات عن أسماء الله الحسنى وحلقات لتدبر القرآن، واعرفي ربنا أكتر وقربي منه أكتر وكل الخطوات اللي بعد كده هتكون أسهل إن شاء الله. ربنا معكِ ويهديكِ للحق ويثبتك عليه.
تم النشر الأحد، ٢٠ أكتوبر ٢٠٢٤
السلام عليكم ورحمه الله وبركاته. طيب انا مش هقول لك على اقتراحات ولا هقول لك اسمعي للشيخ فلان ولا اي حاجه من دي ولكن خلينا نجيب الموضوع من ابسط الاشكال. احنا بنجيب اساس الدقيق منين من كلام ربنا كلام ربنا موجود فين في القران؟ طيب انا في حاجات بقرا قران وانا مش فاهماها تمام يبقى نجيب تفسير للقران في عندك التفسير الميسر في عندك تفاسير كثيره جدا تقدري تروحي اي مكتبه وتقولي له وريني كتب التفاسير وافتحي اي صفحه منهم اقراي وشوفي اللي مكتوب باسلوب سهل وبسيط والتفسير الميسر هو ابسط واحد على فكره يعني. تقدري انك تبداي بيه؟ اقراي ايه من القران وابدئي شوفي التفسير بتاعها هتلاقي تفسير الكلمات الكلمه دي معناها ايه هتلاقي في تفاسير تانيه بيكون الموضوع فيها اكبر ويبدا يفسر لك هي اصلا الصوره دي وقتها او الايه دي نزلت ليه نزلت علشان خاطر كانت بتشرح كذا وكانت بتتكلم عن كذا والمقصوده هنا كذا وهكذا يعني فنبدا نشوف تفسير ربنا هو عايز يقول لنا هنا ايه بايات القران ده اللي هيبدا واحده واحده يبني معانا هو ايه الدين ده وهو يعني ايه؟ ربنا دي خطوه. الخطوه الثانيه هي الداعم للقران واللي ربنا قال عليه في القران ما اتاكم الرسول فخذوه وما نهاكم عنه فانتهوا. يعني ايه يعني الرسول جه وقال لكم خذوا ده واعملوا ده وتوصلوا ده اعملوا زي ما هو بيقول لكم ولو قال لكم بلاش ده ابعدوا عن ده والاحسن خليكم في غنى عن ده اعمله فبناء عليه في حاجه ااا علماء زمان جمعوها وهي الاحاديث الخاصه بالرسول عليه الصلاه والسلام اللي هي بيقول لنا فيها ده اه وده لا خليكوا مع ده وابعدوا عن ده فنبدا نروح للمرحله الثانيه اللي هي داعمه لكلام الله وهو احاديث الرسول عليه الصلاه والسلام ودي نقدر نجيبها من ايه من الاحاديث الصحيحه اولا ابعدي عن الحاجات اللي هي ضعيفه فهنروح نشوف اا ننتقل بعد كده بقى للمرحله اللي بعدها المرحله اللي بعدها بقى هي انك تتعرفي على الله من خلال اسماء وده يفتح عليك باب كبير جدا ان شاء الله بانك تبداي تفهمي تساؤلات كثير من اللي هتيجي قدامك زي اللي انت سالتيها ازاي ربنا كده وبيحصل كده زي ربنا كده بيحصل كده طب ما تيجي نتعرف على ربنا الاول نتعرف على ربنا ازاي من خلال فهم اسماء الله الحسنى هتلاقي فيه كتب كثير بتشرح اسماء الله الحسنى اللي رشحه لك تسمعيه تسمعي شرح فعلا دكتور النابلسي
تم النشر الأحد، ٢٠ أكتوبر ٢٠٢٤
بصي، أغلب الأمور التي لا شك فيها زي إرسال الرسل وفرض الصلوات وغيرها دي أمور منقضية ومعروفة و فيش أي جدال عليها، الأحكام المتناقضة زي م حضرتك شايفة هو بس سوء تفاهم ، النبي صلى الله عليه وسلم ربنا أو حى ليه بالحلال واي الحرام و على أساس ده كان ليفهم الصحابة والناس عقايدهم، أما بقا الأحكام لل تبع عصرنا زي شرب السجائر والموسيقى دي لل المفروض تقولي ان فيش أي شيخ او فتوى متفقه على رأي واحد، لأن الحاجات دي ماكانتش على زمن النبي أو الصحابة أو التابعين عشن يحطولها حكم يوصلنا بالتتابع، وبالنسبة للأسئلة الكتيرة لل ف دماغك ف لو انتي معلوماتك قليله عن الدين أو على رأيك م عارفة تسمعي لمين ف دا امر طبيعي، ف لازم تتأصل عقيدتك ف الدين من الأول ثم نسمي الشبهات دي وساوس استعيذي بالله من الشيطان الرجيم منها،و بالنسبة للأمور لل زي زواج الأنبياء نتي أغلب معلوماتك عنها نا شايفه أنها م الإسرائيليات، زي زواج سيدنا سليمان ألف زوجه! ايوة ازاي دا؟؟ حتى لو قارنا زمننا احنا بزمن سيدنا سليمان وعارفين تماما أن في تغيرات بيولوجية حصلت ف أجسامنا وأعمارنا مع تقدم السنين، ف سيدنا سليمان دعا ربنا بملك لا ينبغي لأحد من بعده ، ولم تذكر لنا السنن المؤكده أو أي مصدر موثوق منه هذا العدد الهائل، أما زواج سيدنا محمد من ام المؤمنين عائشة ف كان عندها تسع سنين وكانت مكتملة الأنوثه، لأن دا كان سن مناسب للزواج على عهدهم، و معلش مين لل قاللك ان الرسول هيتظوج مريم العذراء؟؟ وكمان السيدة آسية؟ ولا ورد ف اي نص ولا حديث اي حاجة م الإسرائيليات دي، لو كان قصدك سيدنا محمد فهو في الجنه سيجمع لزوجاتهم الذين تزوجهم في الدنيا، و مريم العذراء بردو مش عارفين هتتزوج في الجنه أم لا، لأن دا مش أمر احنا لازم نعرفه او نبحث فيه، بردو مفيش اي نص بيفصل ان النبي سيكون له 72 حور عين، معروف ان لكل رجل في حور عين له ف الجنه، بس فيش نص بيفصل بعددهم، أما حضرتك بتقولي أن ازاي سيدنا عيسى نشر المسيحية ف الآخر هين ل ينشر الاسلام، بصي هو في فرق بين المسيحية والنصرانية، المسيحية سميت نسبة لسيدنا المسيح عيسى وهو الدين الذي يدعوا لعبادة الله بصلوات معينه ، وتوحيده وتسبيحه، أما دلوقت المسيحين لل ف زمانا دول للي سموا نفسهم كده تقربا لسيدنا المسيح عيسى اللي بيزعم ا انه الإله وأنه ابن الله، وهما دول الكفرة نصا وإجماعا، ربنا بيقول ف القرآن لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم انه من يشرك بالله فقد حرم الله عليه الجنة ومأواه النار وما للظالمين من أنصار،ف لما سيدنا عيسى أدى الرسالة وحس أن في فريق من قومه كافرين بيه و مش بيسمعوله ربنا قال ف القرآن، فلما أحس عيسى منهم الكفر قال من أنصاري إلى الله قال الحواري ن نحن أنصار الله آمنا بالله واشهد بأنا مسلمون" ومن الآية دي نكتشف حاجتين، الأولى إن النصرانية هي دين حق و سميت بذلك نسبة للأنصار اللي هما الحواريون طائفة اتبعت سيدنا عيسى وامنت بيه، الحاجة التانية خدي بالك ف نهاية الآية قال ا انهم مسلمون، ودا يدل على أن سيدنا عيسى كان بيدعوا للإسلام، بس اسم الديانه باعت ا ما اتسمتش الا نسبة للي آمنوا بيه، وآية تاني بتثبت إن النصرانية هي دين حق يدعوا للإسلام ربنا قال ف القرآن، "لتجدن أشد النا عداوة للذين امنوا اليهود والذين أشركوا ولتجدن أقربهم مودة للذين امنوا الذين قالوا إنا نصارى، ذلك بأن منهم قسيسن ورهبانا وأنهم لا يستكبرون* وإذا سمعوا ما أنزل إلى الرسول ترى أعينهم تفيض من الدمع مما عرفوا من الحق يقولون ربنا آمنا فاكتبنا مع الشاهدين* ومالنا لا نؤمن بالله وما جاءنا من الحق ونطمع أن يدخلنا ربنا مع القوم الصالحين* فأثابهم الله بما قالوا جنات تجري من تحتها الأنهار خالدين فيها وذلك جزاء المحسنين " طبعا الآيات شارحة نفسها بنصب ف قالب واحد أن ديانة سيدنا عيسى هي الإسلام وما سميت الا على اسم من نصروا سيدنا عيسى واتبعوه، أما ديانة الوقت اللي هيا المسيحية من حرفوا الإنجيل وادعوا بأن المسيح هو الإله دول كفرة، ودا أمر ملوش تناقضات، ف هينزل اخر الزمان و ديانته هي الإسلام ومن اتبعوه هيفوزو بالجنه وللي هيعتقدوا أنه الإله سيتبرأ منهم سيدنا عيسى ومصيرهم النار لا محال امنوا وطبعا الحجاب و الاحتشام كان مفروض على عهد سيدنا عيسى اللي كانت ديانته الإسلام، أما قساوسة الدين اللي حرفوه أمروا بقلع الحجاب خلافا المسلمات وللأسف ان في مسلمات كتار مش لابسين الحجاب بحجة أنها حرية شخصية ودي للي بتحرق القلب...المهم معلوماتي دي مستمدة من مصدر القرآن والسنه استنادا إلى انني طالبة أزهرية ف مش بقول اني شيخة بس للي فهمته هتكلم فيه، وان في أمور بردوا الإنسان مش مطالب يبحث فيها بعمق، فدا طريق للإلحاد والعياذ بالله، وكمان في آية بتقول "يا أيها الذين آمنوا لا تسألوا عن أشياء ان تبدأ لكم تسؤكم وإن تسألوا عنها حين ينزل القرآن تبد لكم عفا الله عنها والله غفور حليم*قد سألها قوم من قبلكم ثم أصبحو ا بها كافرين" و سيدنا النبي قال "دع ما يريبك إلى مالا يريبك" انشغالي بأركان الدين زي الصلاة وحفظ وفهم القرآن ودعي نفسك من الشبهات والوساوس، و ادعي بالدعاء دا: اللهم رب جبرائيل و ميكائيل. إسرافيل عالم الغيب والشهادة انت تحكم بيم عبادك فيما كانوا فيه يختلفون اهدني لما اختلف فيه من الحق بإذنك امك تهدي من تشاء الى صراط مستقيم"اسألي المصادر الموثوق بها، ابحثي ف القرآن وتفسيره الآيات فهو المصدر الموثوق به كمان السنه و شوفي قصص ع اليوتيوب زي قصة السيدة عائشة وغيرهم، اسمعي النابلسي و عمر عبد الكافي،
تم النشر الأحد، ٢٠ أكتوبر ٢٠٢٤
زواج النبي ﷺ من أكثر من ٤ نساء هو أولا فخر للنساء اللاتي حبب الله إلى نبيه الزواج منهن ولم يعامل جنس النساء على أنه جنس منبوذ كما في ديانات أخرى وترتب على هذه الزيجات مصالح كثيرة عادت على الأمة كلها بالخير منها أنهن نقلن لنا السنة النبوية من زوايا كثيرة وعلمن ما تعلمنه من النبي ﷺ لنساء المؤمنين ونزلت فيهن أحكام في كتاب الله تتلى إلى يوم الدين وغير ذلك وفيه أيضا دليل على سعة أخلاق النبي الذي احتوى كل هذا العدد من النساء وما يحدث منهن من مشاحنات أحيانا مع مسؤولياته الجمة في الجهاد والدعوة
تم النشر الأحد، ٢٠ أكتوبر ٢٠٢٤
في دلوقتي مراكز علم شرعي كتيره ع النت و في بودكاست كتير ديني و حلو و عندك الشعراوي و النابلسي اكتر اثنين ما يختلفوش عليهم اثنين و عندهم محاضرات كتيره ابقي اسمعي كتير و اتعلمي بعد كده اطرحي اسئله لانه ما ينفعش ابدا تلقي اسئله بدون ما تكوني فاهمه الدين كويس و مقاصده و طريقته ووووالخ ،، و في مغلوطات دينيه كتيره جدا بنسمعها و مش صحيحه و احيان بتكون صحيحه بس انتي بتفهمي مقاصدها و ادراكك و نضجك بيكون اعلى للمقاصد دي ،،، فاقراي و شوفي كتيييير بعد كدا ارجعي لاسئلتك و اسألي شيخ انتي بتثقي بمراتب علمه العاليه و الثقه و حتى طرحك للسؤال بعد ما تعلمتي دينك حتبقى مختلفه ، بالنسبه لاختلاف الشيوخ و كل واحد بيقول حاجه فعلا دي فتنه عظيمه الاختلاف الطفيف لا ضرر فيه لكن الاختلاف الواسع ده من فتنه الدين يعني بقى الي فعلا عالم بدينه بصدق قليلين جدا انتي بقى شوفي اكثر شيخ ثقه عند الاغلبيه و امشي معاه و لو شفتيه كويس و اطمئن قلبك ليه ابقي كملي و اتعلمي منه
تم النشر الأحد، ٢٠ أكتوبر ٢٠٢٤
واما اجابة الاديان، فالله سبحانه وتعالى بعث الانبياء والرسل في فترات مختلفة وفي كل مرة يرسل فيها رسول يدعو هذا الرسول الاشخاص ان يؤمنوا ببعثة كل ما سبق من الرسل والانبياء. لذلك الدين عند الله الاسلام. من مات على زمن سيدنا عيسى مثلا وهو مؤمن به ومؤمن بكل من قبله فهو بإذن الله في الجنة(وكذلك عليه ان يؤمن بأنه سيبعث الله رسول بعده وهو محمد صلى الله عليه وسلم، لانه ذلك مكتوب عندهم في الانجيل وكان مكتوب في التوراة) وكذلك من مات على زمن سيدنا موسى وسيدنا ابراهيم. لكن عند بعثة النبي جزء منهم انكروا وكفروا والجزء الاخر آمنوا أي انهم ماتوا على الاسلام وهؤلاء هم المؤمنين، واما الذي انكر فهو كافر(وهؤلاء هم من يلقبون بالمسيحيين مثلا الان) لكنهم بالواقع نصارى كفروا ببعثة الرسول صلى الله عليه وسلم : إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ (6) 《سورة البيّنة》
تم النشر الأحد، ٢٠ أكتوبر ٢٠٢٤
الرسول صلى الله عليه وسلم تزوج عائشة رضي الله عنها وهي طفلة صحيح، لكن لم يدخل بها الا عندما بلغت ويمكنك فحص هذا ، وكان قبل ذلك يلعب معها: ١. وقد ظلت السيدة عائشة عند النبي صلى الله عليه وسلم مدة قد تصل لخمس سنين وهي غير بالغة، ففي الصحيحين عن عائشة قالت: كنت ألعب بالبنات عند النبي صلى الله عليه وسلم، وكان لي صواحب يلعبن معي، فكان رسول الله صلى الله عليه وسلم إذا دخل ينقمعن منه، فيسربهن إلي فيلعبن معي. ٢. وأما مسابقة النبي صلى الله عليه وسلم لعائشة فصحيحة ثابتة، فقد روت رضي الله عنها أنها كانت مع النبي صلى الله عليه وسلم في سفر قالت: فسابقته فسبقته على رجلي، فلما حملت اللحم سابقته فسبقني فقال: هذه بتلك السبقة. رواه أبو داود وابن ماجه وأحمد، وصححه البوصيري والألباني. ٣. وَفِي رِوَايَةٍ قَالَتْ : (قَدِمَ رَسُولُ اللَّهِ صلى الله عليه وسلم مِنْ غَزْوَةِ تَبُوكَ أَوْ خَيْبَرَ ، وَفِي سَهْوَتِهَا سِتْرٌ ، فَهَبَّتْ رِيحٌ ، فَكَشَفَتْ نَاحِيَةَ السِّتْرِ عَنْ بَنَاتٍ لِعَائِشَةَ لُعَبٍ ، فَقَالَ : مَا هَذَا يَا عَائِشَةُ ؟ قَالَتْ : بَنَاتِي . وَرَأَى بَيْنَهُنَّ فَرَسًا لَهَا جَنَاحَانِ مِنْ رِقَاعٍ ، فَقَالَ : مَا هَذَا الَّذِي أَرَى وَسَطَهُنَّ ؟ قَالَتْ : فَرَسٌ . قَالَ : وَمَا هَذَا الَّذِي عَلَيْهِ ؟ قَالَتْ : جَنَاحَانِ . فَقَالَ : فَرَسٌ لَهُ جَنَاحَانِ ؟ قَالَتْ : أَمَا سَمِعْت أَنَّ لِسُلَيْمَانَ خَيْلا لَهَا أَجْنِحَةٌ ؟ قَالَتْ : فَضَحِكَ رَسُولُ اللَّهِ صلى الله عليه وسلم حَتَّى رَأَيْت نَوَاجِذَهُ) وهذا بشاهدتها هي نفسها رضي الله عنها♡ وكيف نسيء الظن بأحسن الخلق الرسول صلى الله عليه وسلم. من قال انه لا يوجد جماع في الجنة؟ ويجامع الرجل في الجنة زوجاته من الحور وزوجاته من أهل الدنيا إذا دخلن معه الجنة ، ويعطى الرجل قوة مائة رجل في المطعم والمشرب والشهوة والجماع ، عن أنس رضي الله عنه عن النبي صلى الله عليه وسلم قال : " يُعْطَى الْمُؤْمِنُ فِي الْجَنَّةِ قُوَّةَ كَذَا وَكَذَا مِنْ الْجِمَاعِ قِيلَ يَا رَسُولَ اللَّهِ أَوَ يُطِيقُ ذَلِكَ قَالَ يُعْطَى قُوَّةَ مِائَةٍ " رواه الترمذي برقم 2459 وقال : صحيح غريب . بكل الاحوال لا انصحك بالغلو بالدين، لكن هنالك مواقع مثل ١. اسلام سؤال وجواب ٢. اسلام ويب تظهر لك الفتاوي مسندة للاحاديث الصحيحة التي نقلت عن الرسول صلى الله عليه وسلم
تم النشر الأحد، ٢٠ أكتوبر ٢٠٢٤
أفهم تمامًا مشاعرك واستفساراتك حول دينك، وهذا أمر طبيعي جدًا. البحث عن المعرفة والتفكير النقدي يعتبران من أولى خطوات تعزيز الإيمان والثقة في المعتقدات الدينية. إليك بعض النصائح حول كيفية الحصول على معلومات موثوقة في دينك: المصادر الموثوقة : حاولي البحث عن كتب موثوقة كتبت من قبل علماء معروفين في الإسلام والذين لديهم سمعة جيدة. كتب كـ"تفسير القرآن" و"شرح الحديث" تعتبر مراجع هامة. الفهم من خلال الدراسة وبحث المواد : من الجيد أن تأخذي وقتك في الدراسة والبحث عن مواضيع تهمك، سواء من خلال حضور الدروس والدورات التعليمية أو من خلال منصات التعلم الإلكترونية. طرح الأسئلة على العلماء : إذا كان لديك أسئلة معينة، يمكنك محاولة التواصل مع علماء دين موثوقين بشكل مباشر، سواء عبر الإنترنت أو من خلال المساجد القريبة من منطقتك. التفكير الشخصي : العقل الذي وهبك الله إياه هو أداة قوية. استخدميه للتفكير في الإجابات التي تبحثين عنها، وفكري في كل جانب بعقل مفتوح، مع الالتزام بالقيم الإسلامية. أما بالنسبة للأسئلة المطروحة عن الرسول صلى الله عليه وسلم والزواج والحور العين، فهذه مواضيع تحتاج إلى تفسير ديني يحترم السياق التاريخي والثقافي. فالممارسات التي كانت شائعة في تلك الحقبة قد تختلف عن ما نعتبره اليوم، وهذا لا يعني أن العقلية الإسلامية لا تحمل منطقها ونظامها. دائمًا ابحثي عن فقهاء وعلماء موثوقين لاستسفار أسئلتك، وكوني حريصة على فهم الأمور بشكل شامل. تذكري دائمًا أن الإيمان يمكن أن يكون رحلة، وأن الفضول هو جزء من هذه الرحلة. ولا تترددي في التحدث مع أُناس يشاركونك نفس الاهتمامات. بارك الله فيك وسدد خطاك.
تم النشر الأحد، ٢٠ أكتوبر ٢٠٢٤
بخصوص زواج النبي سليمان عليه السلام من ١٠٠٠ امرأة "فهذا العدد منقول عن بني إسرائيل فلا نصدقه ولا نكذبه . وليس في الأحاديث السابقة ما ينفي ذلك أو يؤيده" https://islamqa.info/ar/answers/22230/عدد-نساء-سليمان-عليه-السلام
تم النشر الأحد، ٢٠ أكتوبر ٢٠٢٤
بالنسبه لسؤالك عن سيدنا عيسي وازاي يهنزل يقول الإسلام دين حق وهو اصلا كان قايلهم خليكم مسيحيين......انتو لو قريتي ربع ساعه بس ف القرآن هتعرفي إن سيدنا عيسي قال لقومه إن هو عبد الله وليس الله اقرأي سورة مريم الآية ٣٠ وهتعرفي إن عيسي عليه السّلام قال لقومه إني عبد الله وهينزل ف آخر الزمان يقول إن الإسلام دين الحق
تم النشر الأحد، ٢٠ أكتوبر ٢٠٢٤
بصي الرسول لما اتزوج من عائشه كان عندها ٩ سنين ف كانت بنيتها الجسديه تؤهلها للزواج مش زي دلوقت ٩ سنين تبقي طفله لا فاهمه ولا عارفه حاجه .....لا أيام الرسول كانت تبقي ٩ سنين لكن جسمها يسمح بالزواج وهو تزوجها علشان يحسن علاقته ب ابي بكر الصديق وفعلاً علاقتهم اتحسنوا ..ولو كانت السيده عائشه ف الوقت اللي الرسول تزوجها فيه لا تفهم ولا تعرف حاجه عن الزواج وجسمها مش مساعدها كان أولي إن الكفار هما اللي يهاجموه ويقولوله ازاي تتزوج طفله لكن محدش فيهم عمل كده علشان هما عندهم أن ده سن مناسب للزواج ف نيجي إحنا ب اي أساس نهاجمه
تم النشر الأحد، ٢٠ أكتوبر ٢٠٢٤
النبي سليمان تزوج 1000 لأن ف وقته كان مسموح للراجل يتزوج اي عدد من الاناث مش واجب عليه يتزوج اربعه بس زي الزمن ده ....وبالنسبه للدعوه ف ربنا لو كان شايف إن سليمان مش هيقدر يقوم بالدعوه مكنش خلاه نبي لكن ربنا عالم بكل حاجه وعالم إن سليمان هيأدي الرساله كويس
تم النشر الأحد، ٢٠ أكتوبر ٢٠٢٤
اولا متدخلش على صفحات او فيديوهات مشبوها الا لما تكون واثق فى نفسك ومن دينك لان واضح جدا من كلامك انت بتتفرج على زكريا بطرس و رشيد حمامى و العلمانين زى اسلام بحيرى والفسقه دول ثانيا سيدنا سليمان مذكور انه تزوج ٣٠٠ وليه ملك يمين ٧٠٠ بس ده فالانجيل المحرف دور هتلاقى اربع اناجيل والقصص اللى فيه مختلفه غير نشيد الانشاد اما سيدنا محمد هرد عليك برد بسيط اتزوج بنت عندها ٩ سنوات هل انت شايف ان ابو جهل وعتاولة الكفر ايامها كانو هيسكتو عليه؟ عايز النصيحه لوجه الله فيه شيخ ليبى اسمه زين خيرالله عاليوتيوب اشترك فى قناته وهو كل خميس بيعمل بث مفتوح تواصل معاه واى شبهه هو هيرد عليك بالعقل والمنطق وربنا يهديك ويهدينا معاك
تم النشر الاثنين، ٢١ أكتوبر ٢٠٢٤
ايه العدد الكبير ده اساسا يعنى كل يوم بيتجوز ؟ انا بسأل عادى بس ازاى حد يموت وهو عنده 52 ويكون متجوز 1000 والرسول اتجوز كذا واحده وكمان فى 72 حور عين ايه ايه العدد الكبير من النساء ده ايه سبب رغبه ربنا انو يخلى الانبياء يتجوزوا بالعدد ده ايه مقدار القوه الى عندهم
تم النشر الأحد، ٢٠ أكتوبر ٢٠٢٤
بالنسبه لزواج النبي من آسيا ومريم ف مفيش حديث يثبت إنه هيتزوجهم ده كلام كذب يحبيبتي
تم النشر الأحد، ٢٠ أكتوبر ٢٠٢٤
لعرض السؤال في فدني اضغط هنا