اسفه على الاطاله انا عندى ٢٦ سنه بحب واحد جدا بقالى ٥ سنين واتخطبنا بس هو عصبى اوى اوى لو قولت كلمه مش على مزاجه يشتمنى ولو قدامه يضربنى بيعمل حاجات كتير وحشه وغريبه اوى هحكى موقفين انا شيفاه غلطان فيهم وهو يقولى انتى غلطانه
الاول كان فيه مشكله بينه وبين اخويه بسبب انه بيساله عمل اى وجاب اى واخويا قاله كلام مش حلو بصراحه وزعله وبابا مكنش فى البيت خطيبى نزل زعلان قمت متصله بابا واخويه التانى عشان يتصلو يصالحوه وفعلا اتصالو صالحوا وماما كمان اتعركت مع اخويا بسببه وكانت مشكله كبيره وكانت نفسيتى زى الزفت بعدها عشان كل المشاكل ديه حصلت بسبب خطيبى وانا اليوم اللى بيجيلى فيه ببقى تعبانه فى توضيب البيت والاكل وانى بستنى اليوم اللى هيجى فيه بفارغ الصبر واتصلت حكتله على اساس انه يهون عليا مفيش نام وسابنى فانا زعلت انه ازاى يسبنى فى الظروف ديه وكل المشاكل ديه حصلت بسببه اصلا المهم بعدها بيوم اتصل بيا رديت عليه قالى انا اسف وبحبك وبتاع قولتله ماشى وانا كمان بس كان كلامى واقف شويه بسبب نفسيتى واللى حاصل راح قافل السكه فى وشى وشتمنى وقالى انتى مريضه ونمروده انتى تحمدى ربنا انى بصالحك وقالى كلام وحش اوى وشتمنى بالفاظ قولتله انا عايزه كلام يطيب بخاطرى عشان الىى حصل ماثر على نفسيتى راح عملى بلوك رحت حكيت لماما وخليتها تكلمه يجى ياخد حاجته وفعلا جه ومرفضش بياعنه ليا سهل اوى ببقى نفسى يقولها ديه مشكله صغيره بلاش نكبر الموضوع خصوصا انى بقالى كتير بستحمله وبعدى وعملت عمليه كبيره وعندى مليون مشكله معاه
وبعدها عايز يرجع بس كل ميكلمنى يقولى انتى اللى غلطانه انتى مكنتيش ادتينى دهبى مهما حصل قولتله انت ليه تشتمنى وانا نفسيتى تعبانه كدا يقولى انتى اللى غلطانه بردو المفروض اما اجى اصالحك تتصالحى علىى طول ولما اتناقش معاه يقفل ويعملى بلوك
الموقف التانى انه بعد ماقعدنا ٤ شهور يرجع ويسبنى رجع قالى خلاص انا هتغير وكل دا انسيه وفعلا بقى كويس بس انا غصب عنى كل شويه بفتكر اللى حصل وببقى عايزاه يطمنى انه هيبقى كويس جيت قولتله انا مش مطمنه انا مش مرتاحه قالى خلاص امشى سكت وعملت نفسى همشى فعلا راح مكلمنى قولت هيصلح لقيته عمال يجادل معايا انى مش المفروض اخاف وانى كدا نكديه وانى وحشه مع انى نفسى بس فى كلام يريحنى بعد ماسبنى كل الفتره ديه يقولى معنديش كلام طلاما وفقتى ترجعى يبقى تنسى وتسكتى ودا اللى عندى انا كدا غلطانه 😓💔
انا مشكلتى انى بحبه بجد ونفسىى انه يبقى حنين ومتمسك بيا والمشاكل متخليهوش يسبنى نفسى يبقى ناضج بحس كل همه انى مزعلهوش حتى لو زعلنى هو انا اسكت لحد مايجى يصالحنى وانا بحب لما يزعلنى نتناقش ونخلص الموضوع ويتاسف لا هو بيتاسف بعدها ب٤ ايام وبعدها يقرر الغلط تانى عادى انا بتنازل عشانه ديما وبحوش فلوس واديهاله او اشترى حاجه فى الجهاز عشانه وماما كمان شيلاه فى حاجات ياما واما بيطلب منى حاجه قبل مايخلص الجمله بعملها بس مبيقدرش حاجه ومبيشليش دا مجرد مازعله يرمينى ويسبنى ويعملى بلوك حتى لو غلطتى رد فعل على غلطته تعبت اوى😣
طيب انتي منتظرة ايه من شخص بيهينك وبيضربك؟ وانتي في بيت والدك وبيعمل كده .. طيب لما تتجوزيه تفتكري هيعمل فيكي ايه؟ اشتري كرامتك وابعدي عنه .. ديه شخصية مش ناضجة اصلا، لو تلاحظي في كل المواقف، هو بيعمل عليكي اسقاط، بيبقى هو اللي غلطان وهو يقلب التربيذة عليكي انتي ، ويقولك انتي اللي غلطانة، انتي اللي المفروض تعملي كذا وكذا. الشخصية ديه للاسف متعبة جدا، وصعب تتغير، وهيفضل يقولك معلش واخر مرة وانتي اللي المفروض تتمسكي مش انا ومهما عملت! يعني ايه انتي اللي المفروض تتمسكي بيا! ليه واحد بس ف العلاقة هو اللي المفروض يعمل كده؟ طيب هو فين من الموضوع ده؟ ديه شخصية للاسف توكسيك جدا، ابعدي عنه انتي هتتعبي شوية لكن تعب يوم غير عشرة.
تم النشر السبت، ٢٧ أبريل ٢٠٢٤
بصي هو يعني من اغرب الحاجات بتبقى يعني نوعيه الجمل دي هو بيحبني بس بيهني يعني دي فعلا بتكون من اغرب الجمل انه الشخص يقدر يربط حاجه هي معناها قيمه عاليه. مع فعل بيقول انه القيمه في الارض فيعني الموضوع دوت ماكس فعلا يعني ده بيبقى زي ما احنا بنقول كده صاحب بلين كذاب فما ينفعش حد يكون يقول حاجه والفعل حاجه تانيه خالص طالما الاتنين دول كده جايين مع بعض فاحنا نبقى متاكدين ان في خلل في اللي بيتقال وانه اللي بيتقال ده ما ينفعش يتصدق وما ينفعش يتاخد بعين الاعتبار وما ينفعش اخد اكشن بناء على اللي لان اللي بيتقال كان دلوقتي. يعني.
تم النشر الأحد، ٢٨ أبريل ٢٠٢٤
هذا ما يستاهلك حبيبتي انت بضيعي وقتك معاه بس، لازم تختاري نفسك وتنقذيها من هذا الوجع
تم النشر الأحد، ٢٨ أبريل ٢٠٢٤
ابعدى عنه بجد انتى مش مجبرة تعيشي مع واحد بيهينك ومش بيقدرك مهما كنتى بتحبيه في حاجات اهم م الحب بكتير انتى تستاهلى اللى يحبك ويعمل كل حاجة علشانك ويشيلك فوق راسه ومترضيش بأقل من كدا وان شاء الله ربنا يعوضك باللى يستاهل قلبك
تم النشر الأحد، ٢٨ أبريل ٢٠٢٤
فعلا والله حاضر ربنا يخليكى يارب♥️
تم النشر السبت، ٢٧ أبريل ٢٠٢٤
دا مش وقت ندم دا وقت ربنا عطاهولك عشان ترجعي لنفسك ولاهلك وتشوفي حياتك هتكون عامله ازاي بعدين اكيد اهلك مش راضيهم وانتي صعبانه عليهم حتى لو مش ظاهر دا ف مضيعيش نفسك واهلك واولادك في المستقبل عشان قرار في ايدك صلي واستخيري ربك واكيد هيدلك على الصح
تم النشر السبت، ٢٧ أبريل ٢٠٢٤
بصي كل الكلام ده يحترم بس انا هقولك كلمه الشخص علي ما بتعوديه معاكي وهو خلاص اتعود على الاهانه ف دا اكيد مش هيعرف يغير طبعه وانتي مش مجبره تكملي فكري بقا في مستقبلك ومستقبل ولادك اللي هيطلع دا كله عليهم قبل ما يكون عليكي ف خدي القرار بيقين وثقه في الله وان شاء الله يعوضك خير اين يكن ايه هو قرارك
تم النشر السبت، ٢٧ أبريل ٢٠٢٤
اولا ربنا سبحانه وتعالى قال و من آياته ان خلق لكم من انفسكم ازواجا لتسكونوا اليها و جعل بينكم موده و رحمه ان في ذلك آيات لقوم يتفكرون صدق الله العظيم ف واضح ان هو مفيش اي موده او رحمه و بالتالي عمر ما يبقي ف حب او حنيه من ناحيته و ده دليل انك مش مخلقوين من نفس واحده ف ابعدي احسن دي اشاره من ربنا و ثانيا كرامتك اعز عليكي منه
تم النشر السبت، ٢٧ أبريل ٢٠٢٤
بصى ببنتي سيبك منه خلاص بكره ربنا يبعتلك الاحسن منه ربنا يمهل ولا يهمل يمكن هو مش نصيبك وان شاء خير ربنا بقول و عسي اتحبوا شئ وهو شرلكم و عسي اتكره شئ وهو خير لكم
تم النشر السبت، ٢٧ أبريل ٢٠٢٤
بصي هو اناني في حبه بصى انتى سبيه اولا ده لكرامتك تانيه لو جه قلك ارجي اوعى ترجع خليه هو يجري وراكي مش انتى الا تجره وره
تم النشر السبت، ٢٧ أبريل ٢٠٢٤
انتي مشكلتك اكبر من مشكلتي بجد ربنا يفرح قلبك ويزروقك بالشخص لي يستاهلك ويهون عليكي 🤍
تم النشر السبت، ٢٧ أبريل ٢٠٢٤
الى فيه طبع مش بيتغير معلش انتى مستحملة اهانة وانتى لسه مخطوبه مبالك بعد كدة هايعمل ايه بصى لقدام هل تستحملى الإهانة دى فى يوم من الايام قدام ولادك اكيد لا وتبقى الحياه غير مستقرة انتى تخدى القرار دة دلوقتى احسن ماتخدى بعد كدة وتندمى
تم النشر السبت، ٢٧ أبريل ٢٠٢٤
ربنا يخليك يارب شكرا 🩷
تم النشر السبت، ٢٧ أبريل ٢٠٢٤
سيبيه وانتي الكسبانة كفاية وجع قلب انا زعلتلك جدا والله وعارف انك بتحبيه اوي بس ده اسمه حب امتلاك منه هو ، مش هيتغير بعد الجواز للاسف ومع اي مشكلة تافهة هيحصل طلاق يبقي ليه ادخل تجربة خسرانة من قبل ما تبدأ ؟! انتي لسه ع البر واتمنالك كل خير وسعاده
تم النشر السبت، ٢٧ أبريل ٢٠٢٤
سبيه ده مش سوي مدام في الخطوبة بيعمل كده اومال لما تتجوزا هيعمل اي ومفيش حد بيتغير صدقني وهتلاقي الاحسن منه بكتير بس سبيه
تم النشر الاثنين، ٢٩ أبريل ٢٠٢٤
فعلا هو اتعود انه يهنى ويرجع يصالحنى اتصالح بسرعه انا اللى عودته على كل دا يارب بجد
تم النشر السبت، ٢٧ أبريل ٢٠٢٤
لعرض السؤال في فدني اضغط هنا