انا اتعرفت على شاب اخلاق و متدين شبهي في كل حاجه فيه كل حاجه كنت أتمناها الصراحه بس المشكله اننا اتعرفنا سوشيال و تعجبنا ببعض و اتأكدنا من مشاعرنا و حبينا بعض و ارتبطنا كل ده و ماشافش مني غير صوره كنت حطاها بروفايل واتس بعد ما ارتبطنا قعد يفهمني كتير انه حابب يشوفني كل شويه طب نشوف بعض من بعيد طب ابعتله اي صوره تانيه رفضت تماما و صديته و كان يزعل جدا لحد ما في مره الصدفه جمعتنا في مكان و شافني من بعيد و بعدها بفتره كلمني تاني في موضوع الصور ارفض ف هو يتحرج و يقفله تاني لحد ما فتحه تالت و قالي انا كده غصب عني حبي ليكي هيبقى ناقص لان أن فعلا نسيت ملامحك و مش بشوفك و ده صعب و تباعيات الموضوع ده انتي اللي هتزعلي منه بعدين .... انا رافضه الفكره ياجماعه بس برضو أنا مش عايزه ازعله انا واثقه فيه جدا بجد هو شخص ملتزم و عارف حدوده جدا و متدين ف اللي بيطلبه ده عادي و أنا اللي اوفر ولا ايه
هو المفروض لو عارف حدود ربنا يخلي علاقته بيكي رسمية ويدخل البيت من بابه ويشوفك على الطبيعة وسط أهلك .. إنما موضوع الارتباط دة كلمة بنضحك بيها على نفسنا علشان نبرر علاقة غلط ملهاش أصل في الدين أو العرف
تم النشر الثلاثاء، ١٦ أبريل ٢٠٢٤
اصراره على أن يمتلك صورة منك امر يثير الجدل والشكوك في صدق مشاعرة لانك وعلي كلامك اظهرتي له رفضك للموضوع ورغم ذلك بيحاول بكل الطرق وهذا يوضح انه انسان غير مراعي لمشاعرك ورغبتك اتجاه هذا الأمر ولذلك خدى حذرك منه لانه لديه أهداف آخرة من العلاقة واكيد ليست في صالحك #Dr_A معالج نفسي
تم النشر الثلاثاء، ١٦ أبريل ٢٠٢٤
تحية طيبة وبعد هذا لا يصح ب اي شكل من الأشكال وإن كان فعلاً صاحب اخلاق ف يدخل البيت من بابه هذا والله اعلم
تم النشر الخميس، ١٨ أبريل ٢٠٢٤
هو طالما على خلق ودين، ايه اللي يخليه اساسا يطلب الطلب ده؟ طالما شافك قبل كده في مكان عام زي ما قولتي. بصراحه ملوش اي داعي اصراره ده، كما ان اصراره الزيادة ده يخلينا احنا نشك فيه .. ومفيش حاجه اسمها حبي ليكي ناقص! طالما الحب ناقص التعارف والحب اللي ف الاول دول كانوا ايه؟ الموضوع مريب بصراحه، وياريت متثقيش في حد اوي كده، هو مهما كان انتي متعرفهوش .. هتقولي لا عارفاه .. انتي متعرفيش غير اللي هو معرفه ليكي .. وفي الزمن ده محدش يضمن حاجه صدقيني .. لو عاوزك يجي يتقدم، طيب لو مش جاهز شوفيه امتى هيكون جاهز .. بس يدي معاد محدد او على الاقل يجي ويعمل خطوبة او قراءة فاتحة واظن دي مفهاش حاجه ..بس لازم العلاقة تبقى رسمية وفي النور .. ما بنى على باطل فهو باطل، فياريت تحافظي على نفسك، ومتخونيش ثقة اهلك فيكي.
تم النشر الثلاثاء، ١٦ أبريل ٢٠٢٤
السلام عليكم ورحمة الله وبركاته
تم النشر الأربعاء، ١٧ أبريل ٢٠٢٤
اتقاء الله غي علاقتكم واقتطع العلاقة ده هتندم عليها ولو قدر لكم إنكم تجوزه وده حاجه مش هدحث بنسبة 99% بس لو حدث هتعيشي اسوء قصة جواز لانه اكثر إلي بيعيشو قصة حب علاقتهم بتنهار بعد الجواز وممكن تسالي لو مش مصدقه وبعد كدا تعريفي إن صورتك ده لو بعديها هيبقي ليكي ذنب اكانك زنيتي انتي وهوا وابحث عن الموضوع ده وانتا هتتاكدي وده واضح قوي انه إستغلال بس انتا إلي عامس عليكي قلبك وده إعجاب وش حب لانك بتبول إن علاقتكم علاقة يوشيل ميدا اي علاقة هذا فكري هل انتا بعلاقة ده هتكوني خونتي ابوكي وامك فكري في دينك مره تاني وشوفي الشرع رايه إيه في الموضوع ده
تم النشر الثلاثاء، ١٦ أبريل ٢٠٢٤
لا والله احنا الاتنين كبار و أنا واثقه فيه جدا جدا جدا بعيدا عن أي كلام أو مواقف هو حد عارف ربنا و بيخافه
تم النشر الثلاثاء، ١٦ أبريل ٢٠٢٤
يمكن تكوني لسه صغيره او معميه بلعلاقه دى لكن ده شخص بيضحك عليكى وبيحاول يتقرب منك بشكل غلط اكيد بيمثل عليكى وبيحاول يستغل انك اتعلقتى بى
تم النشر الثلاثاء، ١٦ أبريل ٢٠٢٤
لعرض السؤال في فدني اضغط هنا