ازاي اتخلص من النوم الكتير
مع العلم ان اهلي رفضين تماما خروجي من البيت الا للضروره القصوي
اخري بقوم اصلي وانام مش بعمل حاجه غير كدا
وعندي مرض نفسي وهو الاكتئاب
ممكن تفيدوني علشان من ساعه ما امي انفصلت عن بابا وانا حالتي النفسيه زي الزفت وبدات تتطور لحد ما وصلت لاكتئاب وكشفت عن كذا دكتور وادوني ادويه كلها مهدئات ومنومات فبطلتها علشان منامش بس بحس ديما ان النوم هو الوسيله الوحيده للهروب من الواقع علشان انا انجرحت كتير اوي وحاولت انتحر كذا مره بس كل مره كانت في حاجه بتمنعني
ممكن تفيدوني
انتي محتاجه ل معالج نفسي بيتكلم معاكي مش طبيب نفسي بيدي ادويه ♥️
تم النشر السبت، ١١ فبراير ٢٠٢٣
الحمدلله على انك فى الظروف دى فى الزمن ده ومش فى زمن تانى. الزمن اللى فيه انترنت وتليفزيون وتواصل مع العالم الخارجى والعالم كله من خلال شاشة واحده . بحر الانترنت قادر يخليكى فى احسن حال او فى اسوأ حال ...قررى تاخدى منه اللى يغنيكى عن الخروج اصلا. كل واحد فينا اتحط فى ظروف وحشة غصب عنه قدامه اختيارين دايما ...يا اما يعتبرها دافع ليه ..يا اما يسيبها تهد فيه. بنفتكر ان معندناش قوة كفاية لمواجة ده ...الحقيقة ان جوانا اكبر من اللى احنا محطوطين فيه بمراحل. الخروج من البيت مش عائق ....زى ما اللى بيفقد جزء من جسمه بيشوف انه مش عائق وبيكمل حياته. هو قرار بس وبعدها الحياة بتختلف فى اتجاه حاجة معينة. فى اشخاص عملوا ثروات وبقت حياتهم مختلفة من جوه اوضه واحده عملوا فيها مشاريع. الوضع العائلى طبعا مأثر عليكى بس تقبلى الواقع الحالى ومتقاوميش اللى حصل لانه خلاص واقع.. يلا بقي نطلع هدف جديد ونشتغل عليه ... درستى ايه وبتحبي ايه وموهبتك ايه ؟
تم النشر السبت، ١١ فبراير ٢٠٢٣
الف سلامه عليكي وربنا يعديهالك الفتره دي ع خير حطي واحده واحده انشطه ف يومك تحبيها بشكل متدرج زي انك تفطري امل تحبيه مع حد قريب منك او صحابك يجيلك بعد كده تحاولي تقومي تعمل حاجه ف البيت زي انك تهوي اوضتك وتروقيها تتعودي ع النشاطين دول تدخلي نشاط تالت زي انك تعملي رياضه ف البيت و لان الرياضه مهمه جدا ف تنشيط الدوره الدمويه هتحسسك بالنشاط وانك فايقه كمان حاولي تسجلي اهتماماتك والحجات الي بتحبيها ونفسك تعمليها بحيث انك تملي يومك بحجات بتحبيها ومفيده وتساعدك انك تتغلبي ع الفتره دي لان لو عندك فراغ كبير هتنامي ونوم قهري كمان الي بيجي ف الضغط والفراغ وابدأي سجلي جدول لنومك مع ادخالك الانشطه بالتدريج كل يوم نمتي كام ساعه واقرأي روايات وحةولي تكتبي وتسجلي مشاعرك كتير عشان متسيبيش مشاعر ليكي مكبوته من غير تفريغ والأدوية الي الدكاتره كتبوا عليها مهمه ولو منزعجه من نوع دوا معين اشرحي للدكتور انزعاجك وهو هيتعاون معاكي ان شاءالله وغيره بنوع يريحك
تم النشر الأحد، ١٢ فبراير ٢٠٢٣
لعرض السؤال في فدني اضغط هنا