حسب شدة الحالة يكون العلاج والأفضل ان يكون دوائي ونفسي معا نفسي cbt فعال في تعديل الأفكار المسببة للتوتر والمدة حسب المشكلات المرتبطة ظبط نومك. أكل صحي. تمارين رياضية. تمارين تنفس عميق. تأمل. تمارين اليقظة العقلية. الابتعاد عن مسببات التوتر "مواقف، أشخاص، أفكار".
متابع و الله مع أخصائية نفسية بس مش عارف اخد الجلسة من حوالي 4 شهور كل م نتفق على معاد إما هي تخلف أو اكون انا مشغول طبعا انا باخد الجلسات معاها اونلاين
تم النشر الخميس، ٦ مارس ٢٠٢٥
متنساش ان دا لا يغني عن التواصل مع اخصائي . . التواصل مع اخصائي مهم جدا جدا وهيساعدك أكتر
تم النشر الخميس، ٦ مارس ٢٠٢٥
اه طبعا، لأن بتخلينا نركز في اللحظة الحالية ومش نسبح بتفكيرنا
تم النشر الخميس، ٦ مارس ٢٠٢٥
شكرا جزيلا لحضرتك استفدت كتير بكلام حضرتك و ان شاء الله هنتظم عليها آخر سؤال بس التمارين دي لها تأثير للتخفيف من أحلام اليقظة لأني غارق فيها بشكل مفرط
تم النشر الخميس، ٦ مارس ٢٠٢٥
تمارين اليقظة هي تقنيات بسيطة بتساعدك تعيش اللحظة وتقلل التوتر. دي بعض التمارين اللي تقدر تبدأ بيها: 1. تمرين التنفس الواعي خد نفس عميق من أنفك، احبسه لحظة، وبعدين طلّعه ببطء من بُقك. ركّز على حركة النفس بس. 2. المسح الجسدي اقفل عينيك وخد لحظة تحس بجسمك من رأسك لرجليك، حسّ بأي توتر وحاول ترخي العضلات. 3. الأكل بوعي لما تاكل، ركّز في الطعم، القوام، والريحة من غير ما تسرح أو تستعجل. 4. المشي الواعي وأنت ماشي، ركّز في كل خطوة، حسّ برجلك على الأرض، والهواء على وشّك. 5. مراقبة الأفكار سيب أفكارك تيجي وتروح من غير ما تحكم عليها، كأنك بتتفرج على سحابة بتمشي في السما. 6. الاستماع الواعي لما تكلم حد، ركّز في كلامه كويس من غير ما تفكر في ردك، حاول تستوعب كل كلمة وإحساسه وهو بيتكلم. 7. التأمل البصري اختار حاجة قدامك (شجرة، كوب، أي حاجة)، وركز في تفاصيلها: اللون، الشكل، الإضاءة عليها، من غير ما تفكر في أي حاجة تانية. 8. تمرين 5-4-3-2-1 لما تحس بتوتر، جرّب تمرين الإدراك الحسي: 5 حاجات تقدر تشوفها 4 حاجات تقدر تلمسها 3 حاجات تقدر تسمعها 2 حاجتين تقدر تشمّها 1 حاجة تقدر تذوقها 9. الامتنان اليومي كل يوم قبل ما تنام، فكّر في 3 حاجات بسيطة حصلت النهاردة وتستحق الشكر عليها، حتى لو كانت حاجة صغيرة زي كوباية قهوة حلوة أو ابتسامة من حد. 10. الكتابة الواعية خد 5 دقايق واكتب أي حاجة بتحس بيها من غير ما تفكر في الترتيب أو الأخطاء، ده بيساعدك تفرّغ دماغك. جرب أي تمرين فيهم ولو حتى لدقيقتين في اليوم، وهتحس بالفرق!
تم النشر الخميس، ٦ مارس ٢٠٢٥
اي هي تمارين اليقظة العقلية؟
تم النشر الخميس، ٦ مارس ٢٠٢٥
لعرض الإجابة في فدني اضغط هنا