كنت أحلم بشخص ثم قابلته وتقربت منه لكنه مرتبط وأريد أن أجعله ينساها ويحبني، ماذا أفعل؟

Question

أنا كنت من 3 اعدادي ل حد بداية أولى كلية كدة بحلم بشخص وبحبه بس انا معرفوش ومش موجود في الحقيقة ومرة واحدة مبقتش بحلم بيه المهم وانا بمتحن ببص قدامي كده لقيته استغربت وفضلت اتأكد طلع هو فعلا المهم جبت رقمه من جروب الدفعة وبعتله عايزة المذكرة الفلانية واتكلمنا وبعدين قالي أنه مرتبط أنا زعلت جدا وقولت خلاص مش هنتكلم تاني طلعنا فيه حاجات كتير جدا جدا شبه بعض فيها بقالي اسبوع بكلمه وقدر يرتحلي ويتكلم معايا على الرغم أنه مبيرتحش بسهولة لاي حد وبدأ يحكيلي على حاجات كتيرة وياخد رأيي في لبسه وتسريحة شعره واذكرله ويذاكرلي واصحيه ويصحيني وعرفت عنه كل حاجة بس هو مش راضي يقولي اسم مامته قايلي اسم اخواته بس ومش راضي يوريهملي ولما بيتخانق مع البنت اللي بيكلمها بياخد رأيي في الموضوع نفسه اللي اتخنقوا عشانه بس بيزعل لما بيتخنقوا وانا بنهار اخليه ينساها ازاي أو اخليه يحبني أنا بس ازاي بجد الموضوع مش تافهه خالص

Accepted Answer

بعيدًا عن موضوع حلمتِ به ده، لأن الأحلام لا يعتمد عليها وأصلا مش بتبقى بالوضوح اللي انتِ فاكراه ومش بنشوف ملامح الأشخاص بالدرجة اللي تخلينا نقول إنه فعلا الشخص ده اللي حلمنا به.. بيبقى فيه إحساس إننا حلمنا بفلان من معارفنا عامة لكن حد ما تعرفيهوش لا أظن... ولا أستبعد أصلا إن الشيطان هو اللي أوقع في قلبك إن الشخص ده نفسه اللي شفتيه في الحلم. وفرضنا... فرضنا يعني كان هو... ده معناه إيه؟ وهل ده يبرر وقوعكِ في الغلط؟ أولا، مش عارفة إذا كنتِ مسلمة ولا لأ... بس المفروض في ديننا مفيش حاجة اسمها ارتباط وكلام بين ولد وبنت... العلاقات خارج الإطار الرسمي زي الخطبة الشرعية والزواج هي علاقات حرام أصلا وبتاخدي ذنوب عليها. ثانيًا، الشاب ده قال لك إنه مرتبط بواحدة تانية... فأنتِ دوركِ إيه أصلا هنا؟ هو علاقته بها عامة حرام بس فرضنا بيحبها فعلا وعاوز يخطبها... أنتِ ليه تعطي نفسك الحق تتدخلي بينهم وتحاولي تاخديه منها؟ هل شايفة نفسك قليلة ولا تستحقي حد يكون عاوزك من نفسه ومش شايفك بديلة يروح لها وقت ما يزهق من الثانية أو تحصل بينهم مشاكل؟ هل شايفة نفسك قليلة عشان تكوني أنتِ اللي بتسعي لطلب الرضا والحب من شخص وانتِ اللي المفروض كبنت تكوني عزيزة وينطلب رضاكِ؟ نصيحة بجد، ركزي على دراستك وحياتك وتطوير نفسك وبلاش تدخلي نفسكِ في حوارات مش بيجي منها غير مشاكل ووجع قلب. جربي تاخدي لفة في التطبيق وشوفي كمية المشاكل اللي اتكتبت هنا بسبب العلاقات دي. عززي نفسكِ حبيبتي ولو كنتِ مصدقة إن الحلم ده إشارة والشخص ده من نصيبك فهيكون من نصيبك من غير ما تغضبي ربنا وتاخدي طريق الشيطان. بالتوفيق.

Answer

هو انسان بلاير طبعا مش محتاجه انو تقربي منو بس ممكن عشان حجات معينه عجبتك فيه تغاضيتي عن فكره انو مش لازم تحبي أو تكلمي حد زي كدا ببنتي مش ترخيص نفسك لاي حد وقاوميه وربنا هيكتبلك الاحسن منو بكتير بس انتي توكلي علي الله وربنا هيكرمك انما لو حملتي عندك ذنبين الاول انو بتكلمي حد ف الحرام وعارفه والتاني انو بتحاولي تبعديه عنشخص قريب منوا والتحري انو كما تدين تدان والدنيا دواره يعني لو صدق حصل وبعد عن حبيبته عشانك هيسيبك انتي كمان عشان واحده تانية فطلاما شخص دخل ف علاقات محرمه وكلم اكتر من واحده مش هيكتفي بيكي ولو كنتي مين فابعدي عنو عشان دا شخصيه توكسيك وانتي بتأذي نفسك اعملي انشطه تبعدك عن كدا ونخص صا انو انتي قولتي انك ف جامعه يعني ربنا أن شاء الله هيكرمك قريب وقيام الليل هيسهلك كل شيء وربنا يوفقك ويقدرلك كل خير✨❤️

Answer

بداية من حلمك به المستمر فأنا وعن تجربة سابقة وما زالت مستمرة أرى أشخاص غرباء أو يحدث معي موقف أتذكر فجأة أني قابلت هذا الشخص من قبل أو مر على موقف كهذا من قبل لكن لا أعلم أين، ولكن حتى ذالك لا يفيد بالنسبة لي فسواء أكان الموقف سيء أو لا فالله خير حافظا وهو أرحم الراحمين وبالنسبة إليك لا تسعي لفصلهما أو لإبعادهم عن بعض فتظهري بمظهر الشيطان،، حتى لو حلمت به مليون مرة لو كتب الله بأن يكون لك فهو لك وإن لم يفعل فهناك حكمة من ذلك ستظهر فيما بعد استغفري الله واحذفي الرسائل بينك وبينه وانتظري أمر الله فإن أتى لك وقام بطلبك من أهلك إذن فنيته واضحه وإن لم يفعل فهو غير مقدر لك والله تعالى سيرزقك أفضل منه أعانك الله ووفقك إلى ما فيه خير💚🤲

كنت أحلم بشخص ثم قابلته وتقربت منه لكنه مرتبط وأريد أن أجعله ينساها ويحبني، ماذا أفعل؟

اجتماعية

حب

سؤال من احد أعضاء فدني

تم النشر الثلاثاء، ٣١ ديسمبر ٢٠٢٤

3 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك