ازاي اتخلص من التفكير الزائد

Question

ازاي اهرب من الافكار اللي عندي لانها بتأثر عليا سواء كانت افكار في الماضي او الحاضر ازاي اقدر اوقف تفكير ومهما حاولت افكر بطريقة ايجابية مش بعرف

Accepted Answer

أنا كنت يعاني فترة كبيرة من التفكير الزايد للأسف مدمر نفسياً وصحياً لما تعبت جداً أخدت القرار أن عاوزه أتخلص منه بالصدفة سمعت شيخ بيتكلم عن حسن الظن بالله وأن كل شئ مقدر ومكتوب وأن تفكيري لا هيرجع الماضي ولا هيعدل أي شئ لازم أفكر بشكل إيجابي في ناس كان ليها دور إن أتخلص منه لما لاحظوا عليه أن تقريبا مش بنام من التفكير ووصل لشئ مرضي جاهدت نفسي أن أفكر بشكل إيجابي في كل مره ويقين في الله أن أي حاجه حصلت في الماضي هي خير ليه وأي خطأ هو لازم يحصل وأقع علشان اعرف أتعلم إزاي أقوم تاني حولت طاقتي السلبيه أن أقرب من ربنا واجتهد في العبادة واعرف ديني اكتر أن أعيط كتير في الصلاه وأتكلم مع ربنا إن اقرأ كتير وأرسم وألعب رياضه و اشارك أهلي وأخرج في النهاية أيقنت أن راحتي النفسية أهم من كل حاجه وأن ربنا له حكمه من تدبير أمري وأن حسابات ربنا وترتيبه للأمور غير حساباتي وأن يقيني في حسن الظن بالله هو السبب الرئيسي في راحتي النفسية وكل شئ مقدر من الله سبحانه وانا عليه أجتهد والنتيجه بتاعه ربنا سبحانه وتعالى يمكن أنا شرحت ولو جزء من تجربة مؤثره في حياتي علشان اقولك أنك تقدري الحياة مش بتوقف عند موقف ولا عند أشخاص بعينهم الحياة بتستمر والموقف بيعدي والأشخاص بيعيشوا حياتهم عادي ومفيش حد هالك نفسه غيرك وتأكدي بدون المواقف وبدون ما تنصدمي بالدنيا مش هتتعلمي ولا تكتسبي خبرات جاهدي نفسك وقعي عادي وقومي تاني وهكذا لحد ما توصلي لنقطه الرضا النفسي وإن شاء الله هتقدري ربنا يريح بالك يارب

ازاي اتخلص من التفكير الزائد

نفسية

سؤال من احد أعضاء فدني

تم النشر الاثنين، ١٧ يوليو ٢٠٢٣

1 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك