مش عارفة انتي عندك كام سنة ، بس في مرحلة من عمرنا بتكتر الاحلام والافكار اللى وصفتيها ، واسمها بيكون "احلام اليقظة" ، وزي ما انتي قولتي بردو انها بتخليكي تحسي بتفاؤل وحماس. في فرق بين الطموح والتخطيط للنجاح والتطلع لحياة افضل ، وبين احلام اليقظة اللى لو زدات عن حدها بتفصل الانسان عن الواقع وبتعطله عن تحقيق اهدافه. انتي ممكن تكوني شخصية صاحبة خيال واسع، وعندك حب للمغامرة والتغيير وعندك كمان روح المبادرة والتجربة ، وكل دي صفات مهمة اوي في اي رائد اعمال او شخص بيسعى لتحقيق اهدافه، وناجح في حياته . المهم يكون عارف يحدد ايه هي اهدافه، ايه هي احتياجاته وامكانياته، وايه هي المخاطر او الrisk اللي ممكن يواجهها وازاي يتغلب عليها ، وبعد ما يحدد اهدافه يتعلم ويحدد ازاي يقدر يحقق اهدافه في خطوات عملية توصله للنجاح وللوصول لطموحاته على ارض الواقع. اصحاب الخيال الواسع واصحاب التخيل ال3D بيكونو مميزين جدا في اي مهام بتحتاج تصميم ، تخطيط، الكتابة والتاليف، الخ .. استغلي مهاراتك باعتدال في تحقيق اهدافك، وخليكي منتبهة ان الاحلام دي متسرقش وقتك، ولا تضيع منك فرصة تنفيذ الحاجات المهمة المطلوبة منك، زي المذاكرة والنجاح او علاقتك باصحابك وباهلك ، وطبعا صلاتك وعبادتك.
تم النشر الثلاثاء، ٢٣ أبريل ٢٠٢٤
ممكن شخصيتك خياليه زيادة ، وممكن ده بالاصرار يساعدك تحققي اللي عايزاة بس لازم يكون في توازن بين الخيال والواقع عشان لو لقدر الله مااتحققش ماتزعليش اوي
تم النشر الأربعاء، ٢٤ أبريل ٢٠٢٤
انا هقول لك على حاجه وهي جابت اول جزء في سؤالك هي الاحلام بتحقق بجد اه الاحلام بتتحقق بجد الحاجه اللي بتخلي الحلم يتحقق انك تحطي له خطوات وتجتهدي في الخطوات دي كويس جدا جدا جدا وتسالي ربنا ان هو يوفقك وان هو يكتب لك تحقيق الحلم ده لو في خير لك وبناء عليه هتكون النتيجه ان شاء الله اذا انت عملتي كل فعلا المطلوب من خطوات الحلم ده واجتهدتي وما دخلتيش اي جهد من اللي عندك رقم تلاته ربنا كمل الموضوع ده بانه اكد على ان ده فيه خير لك هتلاقي الحنه تحقق ووصلتي للي انت حلمت به ممكن يكون احلى كمان منه انت ما عرفتيش تتخيليه. انك شوفي ان الاحلام كبيره هو بس ممكن يكون بسبب سنك دلوقتي فانت حاسه ان دي حاجه كبيره عليك او بسبب ان غيرك ما بيحلمش الناس الحلم لا خالص الاحلام ما فيش عليها.
تم النشر الثلاثاء، ٢٣ أبريل ٢٠٢٤
اوعي قلبك يتلهي بالدنيا فكري دايما ف الجنه بس ازاي عرفتي ان فيه قبول للامير دا من صورة الشكل يديكي انطباع غالبا بيبقي مختلف تماما عن الشخصيه وغالبا انا عرفت الامير دا😂😂
تم النشر الخميس، ٢٥ أبريل ٢٠٢٤
بصى ياحببتى تقدرى تحققى اى حاجه بالسعى والمشى بالطريق إلى يرضى ربنا عز وجل والى وصلوا فيه مش احسن منك 🤍
تم النشر الأربعاء، ٢٤ أبريل ٢٠٢٤
رئيسة مصر عدتيني يفنانه 😂 ولا ثانيه دا انا لو اتجوزت الأمير هبقي اميره برضه 😂😂
تم النشر الثلاثاء، ٢٣ أبريل ٢٠٢٤
حلو حاولي بس بردو فنفس الوقت ركذي فحياتك التانيه عشان ممكن ده يضيعلك وقتك واسغلي نفسك بحاجه تانيه ممكن تكون بالنسبة لأي حد مسليه بس لازم نكون واقعيين ✨
تم النشر الثلاثاء، ٢٣ أبريل ٢٠٢٤
طيب اسمه اي 😂
تم النشر الخميس، ٢٥ أبريل ٢٠٢٤
🤣🤣
تم النشر الثلاثاء، ٢٣ أبريل ٢٠٢٤
بصي ما تخافيش مش انتي لوحدك اللي بتفكري كده 😅🤣 دا برده نفس تفكيري بس انا بقنع نفسي اني ممكن أحقق اللي انا عايزاه وبحله بيه وبقيت بعمل اللي عليا وبدعي ربنا يحقق اللي بتمناه يعني مثلا عايزه ادخل اكتر من جامعه واشتغل اكتر من شغلانه دب حاجات طبيعيه لاكن كمان عايزه ابقي رئيسه مصر وعايزه الف الكره الارضيه وحاجات كتير غير كده
تم النشر الثلاثاء، ٢٣ أبريل ٢٠٢٤
لعرض السؤال في فدني اضغط هنا