انا شاب مازال يبحث عن زوجة مستقبلية.، ومشكلتي الان ان كل شئ في حياتي يتمحور حول الذهاب الي العمل صباحا والعودة ليلا ثم النوم للاستيقاظ للعمل صباحا وهكذا..
حتي يوم الاجازة بيبقي معنديش اي شغف لأي حاجة.. بل ان كمان بقيت حاسس ان الزواج هو اللي هيطلعني من الحالة ديه وده خلاني طبيعي خايف اني اكون غلطان..
ومبقتش فاهم حاجة ولا حاسس بحاجة 🙂
لا انصحك بالزواج وانت غير واضح مع نفسك الجواز ليس هدف ...هو مشاركة فى حياه بالفعل بتكون موجوده محتاج ترسم شكل وهدف للحياه خاص بيك عشان لما تختار شريك لحياتك يكون قريب من اهدافك ويساعدك ليها او نفس الفكر ع الاقل عشان تلاقوا هدف جديد مع بعض ممكن تبدأ بانك تجاوب ع الاسئلة دى مع نفسك انا شخصيتى مميزاتها ابه ؟ عيوبها ايه؟ شغلى الحالى ايه ؟ راضى عنه ولا لا ؟ بفكر اغيره ولا لا؟ شخصيتى اجتماعيه ولا بيتوتيته ؟ لو معاك فلوس كتير هتعمل بيها ايه؟ علاقتك باهلك راضى عنها ولا لا ؟ تقدر تخليها احسن ازاى؟ ايه الحاجات اللى بتشجعك عموما لاى حاجة ؟ ايه الحاجات اللى بتحبطك؟ بتعمل ايه فى وقت فراغك؟
تم النشر السبت، ٢٧ أغسطس ٢٠٢٢
اهلا ومرحبا بك.. تفتكر لو حياتك مكانتش مملة، كنت هتفكر برده في الزواج؟ الزواج مش فيلم، أو كتاب، الزواج مش بديل. انت حياتك مملة على حد قولك، يبقي تشتغل على الجزء ده، تحاول صنع أشياء أخرى. زي ما بنقول مينفعش حد يستبدل علاقة بعلاقة أخرى، يبقى برده مينفعش تظلم نفسك وتظلم الشخصية اللي هتكون في حياتك، لمجرد أنك مش عارف تعمل ايه، أو بتشعر بملل. أظن أنك لسه محتاج لنفسك أكثر، محتاج تفهمها، تحس بيها، تعرفها أكثر، تشوف حاجات جديدة، تجرب حاجات جديدة، تعيش حياة، حياة تشوف نفسك من جديد فيها. قرار الزواج لازم يكون محسوب كويس جدا، مينفعش بتبني في يوم وليلة لمجرد أن ده اللي المفروض يحصل وخلاص، ولكن لازم تدبر الأمر جيدا قبل كل شيء.
تم النشر الاثنين، ٢٦ سبتمبر ٢٠٢٢
من رأيي حاول تبص لنفسك من بره كأنك بتبص على حد تاني بس عارف كل حاجه عنه، وشوف انت ناقصك ايه عشان حياتك تبقى أحسن.. مثلا محتاج تتزوج، تمام ليه؟.. فكر مع نفسك واكتب ايه الحاجات اللي متوقعها من الزواج بشكل تفصيلي وازاي ده هيأثر على حياتك ويخليها أحسن... وهكذا في كل حاجه حاسس إن وجودها هيبسطك أكتر. بشكل عام كل انسان مننا ليه احتياجات معينة وكل ما يُشبع احتياج منها هيلاقي نفسه أحسن ومبسوط وعنده اقبال على الحياة .. الاحتياجات دي انواع كتير في منها اساسي وفي منها مختلف من شخص للتاني. زي مثلا الاحتياجات الفسيولوجية اللي جسمنا بيحتاجها من اكل ونوم وغيره، وزي الحاجة للأمن والأمان المادي والمعنوي. وفي احتياجات مش كلنا بنحتاج ليها بنفس القدر زي الاحتياجات الاجتماعية (إن يبقى عندك صحاب وبتروح تجمعات للعيلة..الخ)، والاحتياجات العاطفية، والحاجة للشهرة والسلطة وغيره. محتاج تقعد مع نفسك وتشوف ايه الاحتياجات اللي مش مُشبعة بقدر كافي عندك وتبتدي تشوف ايه ممكن يشبعها وازاي.
تم النشر الجمعة، ٢٩ يوليو ٢٠٢٢
سؤالك مكون من شقين متداخلين في بعض ومؤثرين على تفكيرك ..الشق الأول أن عملك يستهلك أكثر وقتك ولا يترك لك مجالا للتفكير في شيء آخر والشق الثاني هو بحثك عن شريكة الحياة وواضح أن شغلك مش سايب لك فراغ ذهني للتفكير في الموضوع بهدوء .. ونصيحتي لك أن تنظم وقتك بطريقة تسمح لك ببعض الصفاء الذهني لتحديد أولوياتك والمواصفات التي ترغب بها في شريكة حياتك وكذلك تحديد أولوياتك الأخرى في الحياة بجانب العمل والزواج واكتشاف شغفك وتخصيص جزء يسير من وقتك للممارسة شغفك.
تم النشر الجمعة، ٣ يونيو ٢٠٢٢
هدفي الأساسي هو الخوف من الحرام ..
تم النشر السبت، ٢٧ أغسطس ٢٠٢٢
انك تكون مش قادر تحدد كده ..ده هيخلينا نسألك انت سؤال مهم...ايه هدفك الاساسي من الزواج ؟ ده سؤال هيحدد كتير اوى من الاجابة اللى انت بتدور عليها
تم النشر الأربعاء، ٣ أغسطس ٢٠٢٢
جميل جدا ..ايه مواصفات الزوجة اللى تحقق معاك نفس الهدف؟
تم النشر الاثنين، ١٩ سبتمبر ٢٠٢٢
لعرض السؤال في فدني اضغط هنا