السلام عليكم ورحمه الله وبركاته انا عندي ١٩ سنه
اقنطعت ٦ سنوات عند الدرسه وحالياً رجعت السنه دي وانا حالياً اوله إعدادي والامتحانات قربت وفي مواد مش مفتوح زي الرياضه والعلوم والباقي فيتني فيهم كتير جداً برضو بحاول الم على قدر الامحان بس حاسه بفطور جامد ومش عارفه اعمل جدول امشي عليه ولمه باجي اذاكر بنام انا كنت مجتهده اول ما دخلت وبعدين بتعرض لتنمر كتير من اهلى واللي حواليا وخايفه اخر اجيب نتيجه وحشه وبكده اكون خليتهم يزيدو اكتر انا عارفه اني ما عليا إلا السعى وإني لزم ما يفرق معي رأي حد فيا بس انا ما عندي صاحب انا طبيعى اي إنسان بتيجي عليه فترة فطور بس مش عارفه اطلع منها ازي وازي اقدر الم منهجي واجيب درجه كويسه في الامتحانات
الهدف والدافع بتاعك اللى رجعك بعد ٦ سنين هو اللى يخليكى دايما ترجعى حتى لو جالك فتور او اتأثرتى بكلام حد شوية .. مش لازم جداول... حددى بس ميعاد للمذاكرة... ساعتين او تلاته ف اليوم ولو خليهم بعد الفجر ع طول.. وقبل ما الكل يصحى وحد يضايقك.. يبقي افضل وهتلاقى نفسك أنجزتى كتير بإذن الله
تم النشر الأربعاء، ٢٢ نوفمبر ٢٠٢٣
ذاركي كل درس وحلي عليه ... اعملي جدول بالمواد وقسمي وقت المذاكره
تم النشر الخميس، ٢٣ نوفمبر ٢٠٢٣
سلام الله عليكي اتمنى لك التوفيق ..خصصي وقت للمذاكره في تطبيق اسمه برامدورا تركيز لمده ٢٥دقيق هيضيع الفتور اعملي جدول ضيفي فيه كل يوم مادتين وخصصي ساعتين للمذاكره وبعد متخلصي الدرس حلي الاسئله اتمنى دا يساعدك
تم النشر الأربعاء، ٢٢ نوفمبر ٢٠٢٣
ربنا يوفقك ي جميل خطوة مهمه جدا انك تكملى تعليمك خديها قاعده ف حياتك الناس مش هتبطل تنتقد فا نسمع ونطنش خليها ف بالك حياتي هتمشي زي ما انا عايزة مش زي ما هما عايزين انتي معاكي حوالى شهر باذن الله ربنا هيباركلك فيه ابدئى وانهي يومك بقرآن انتي لو ف كليه هيبقي مطالب منك ضعف الكميه دي ف نفس الشهر متنسيش تخلي النيه من مذاكراتك دي لله هتلاقي التوفيق تخيلى دايما انك نجحتي بمجموع وطلعتي من الاوائل تخيلتي اد اي ثقتك بنفسك هتزيد هتبقي كلك طاقه وحماس تكملى وتدي كل مجهودك لدراستك متستهونيش بالشهر عقل الانسان الطبيعي لما يلاقي وراه كميه مذاكره متراكمه يحس بفتور ولامبالاة انتي ذاكري على اد ما تقدري
تم النشر الجمعة، ٢٤ نوفمبر ٢٠٢٣
اعملى جدول و خدى خطوه متضيعيش وقت خوفك هو اللي هيعطلك و سيبي الباقي علي ربنا بس حطي الاولويه للخطه و الترتيب الصحيح و يلا أبدأي متضيعيش وقت
تم النشر الخميس، ٢٣ نوفمبر ٢٠٢٣
مش تستنى حد ايشجعك مش فيه حد حيشجعك لازم انتى اتشجعى نفسك وسبيكى من كلا م اى حد كلامهم مش حيزودك ولا اينقصك لازم اتحددى هدفك واتشوفى انتى عائشه فى الدنيا دية ليه وأجرى ورا هدفك وان ازهقتى فى يوم اسمعى فديوهات واغانى تحفيزيه وحسسى نفسك انو انتى قدها عشان انتى فعلا قدها وخليكى فاكره انو اللى عدو مش احسن منك فى حاجه
تم النشر الخميس، ٢٣ نوفمبر ٢٠٢٣
لعرض السؤال في فدني اضغط هنا