انا شاب عمرى 29 سنه كان معايا فلوس وشركه
وللاسف حد من قرايبى خانى فى فتره كان عندى كورونا وصفى شركتى ودمرنى
واتفاجأت انى بقيت كمان مديون .
ربنا كرمنى وقدرت اتعافى واسدد الدين ده باقى منه شويه بسيطه
بس نفسيتى تعبت جدا والضغوط زادت عليا
ومبقاش عندى حتى مكان يسترنى
متسوح من مكان لمكان ولا اهلى افتكرولى ف يوم انى كنت معيشهم فى مستوى عالى ولا
ربنا كرمك وعرفت تسدد الديون وعدت، يبقى ان شاء الله هتقدر تقف على رجلك تاني من الاول. من الواضح انك مجتهد وعايز تتغير وتسعى وتفوق لنفسك ... ابدء واقف تاني. مش مهم اللي فات خلاص .. تجربة وعدت المهم تستفاد منها .. وتاخد حذرك بعد كده في التعاملات المالية في الشغل. عارفه انه صعب بعد كل اللي مريت بيه .. بس هي الدنيا شوية هتلاقي فيها صعوبات وشوية هتبقى معاك تمام . مستحيل تلاقيها ماشية على رتم او مستوى واحد ... الصعوبات والعوائق اللي بتبقى عندك هتخليك انسان ليك تجربة واقوى من اي وقت فات. والانسان هو اللي بيعمل الفلوس مش العكس. خد وقتك في الزعل براحتك .. المهم تفوق بعدها.
تم النشر الثلاثاء، ٣ يناير ٢٠٢٣
ربنا يرزقك من حيث لا تحتسب حاول ترجع تبدء من الصفر لاقي شغل بيكون مكان والبدء من هناك وابعد عن كل الناس وقرب بس من ربنا صدقني هو بس اللي هيخرجك من كل اللي انت فيه
تم النشر الأربعاء، ٤ يناير ٢٠٢٣
ارجع لرب العالمين هو اللي هينجيك ويفك كربك
تم النشر الأربعاء، ٤ يناير ٢٠٢٣
ولا اى حاجه خالص بالعكس دول وقفو ضدى وحطموا طموحى ..للاسف بموت بالبطئ الضغوط عاليه جدا جدا عليا ومش عارف اعمل ايه لدرجه انى فكرت في الانتحار .استغفر الله
تم النشر الثلاثاء، ٣ يناير ٢٠٢٣
لعرض السؤال في فدني اضغط هنا