السلام عليكم ورحمة الله وبركاته
انا طالبة جامعيه الترم الاول كنت بذاكر كويس ومنتظمه فكل حاجه بس بعد ما شفت نتيجه صحابس اللي كانو بيذاكرو معايه مبقاش عندي طاقه اذاكر زيي الاول ولا اذاكر أصلاً وبالنسبه لنتيجتي انا مجبتهاش لاني لازم ادفع المصريف الاول وظروف والدي مش سامحه اني ادفعها وحالينا بشتغل عشان اقدر اسد احتياجي الشخصي واساعد والدي في مصريفي.. بس كل ما اقعد اذاكر مش بعرف ولا بفتح كتاب الترم دا والامتحانات قربت جداً والتفكير عندي وعدم الانتظام فالنوم مأثر عليا جامد يعتبر يا فالشغل يا نايمه مش بعمل حاجه تاني أرجو الافاده منكم
وعليكم السلام ورحمه الله وبركاته إيه علاقتك بدرجات صحابك؟ ما يمكن ماشاء الله تكوني جايبه درجات أحسن منهم ليه بتقيمي نفسك عليهم ؟ وبعدين لازم تعملي اللي عليكي للآخر ومش مهم النتيجه .. إفتكري إن كل درجه هتفرق معاكي فيما بعد في المجموع التراكمي والتقدير العام وكل ما يزيد كل ما فرصك في سوق العمل كانت أكبر حاولي تنظمي وقت الشغل والنوم و تخصصي وقت للمذاكرة وربنا يعينك
تم النشر الثلاثاء، ٢٦ مارس ٢٠٢٤
انا قابلت الوحش وقابلت الحلو والحلو هيجي من حد انتي متعاملتيش معاه يعني اتعرفي ع بنات تانيه وحاولي تعملي صدقات يسعدوكي ف المذاكره فهماني اتكلمي شويه ف الجروب كده هزار واتعرفي عشان يردوا يبعتوا ليكي ملخصات وكده
تم النشر الثلاثاء، ٢٦ مارس ٢٠٢٤
يرجى عدم التواصل مع الأعضاء خارج التطبيق من أجل سلامتك الشخصية
تم النشر الأربعاء، ٢٧ مارس ٢٠٢٤
لو حضرتك في كلية اللغه العربيه او ما شابهها تواصلي معايا وان شاءلله اساعدك
تم النشر الأربعاء، ٢٧ مارس ٢٠٢٤
بصي انا طلبت من اكتر من وحده كنت بساعدها الترم اللي فات انهم يبعتلو الملخصات بس مبعتوش حاجه وقالولي مش بنسجل حاجه يعني معنديش حل غير اني اقعد واذاكر بس لم برجع من الشغل ببقا فاصل حرفياً وبنام
تم النشر الثلاثاء، ٢٦ مارس ٢٠٢٤
بصي يا سكر انا زيك بشتغل و في الجامعه تمام تقدري اخر شهر قبل الامتحان تقعدي من الشغل وتزاكري وكمان لو ليكي حد من صحابك يجبلك المحاضرات او الملخصات وهكذا + كلمي صاحب الشغل واستاذني منه انك تخلصي بقى الامتحانات بتاعتك وترجعي الشغل تاني وعرفيه ظروفك لو هو قدر ورضا ان هو يديك فرصه اللي هو تروحي وترجعي ثاني وكده تمام ما رضاش يبقي خلاص هتشوفي شغل تاني
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا