السلام عليكم ..
وانا صغيره كنت عامله شله صحاب كانوا متمركزين حواليا بمعنى ان الكل عاوز يكون الاقرب والوحيد ف حياتي منهم واحده كانت الاقرب بتصحيني من نومي وطول يومنا سوا ولبسنا متشابه وهكذا لحد م كبرنا .. جت كلمت ولد بدأت احس انه لا وهبعد لو اتكرر عملت نفسي مش عارفه علشان محرجهاش لاني عرفت انها بعدت .. بس دي مكنتش النهايه دي كانت البدايه لان الولد كان بيحقد عليا تعليميا ولاني باخد جنب مش بتكلم وهو (شهريار الدفعه) المهم بدأ يدخل اسمي بينهم وانا معرفش انها بتكلمه اصلا وجت حكيتلي وعيطت وقولتلها مش مشكله ابعدي عنه واننا مش من النوع دا .. بصراحه طول السنين دي وانا عارفه انها بتحقد عليا ولو نجحت والكل باركلي هي مباركتش بس قلت مش مشكله مشاعرنا دي مش بايدينا ( انا ساذجه ف اخذ موقف شويه 😂)
واستمر كذا موقف كدا من ضمنهم ولد كان عاوز يكلمني والجو دا ولما كنت برفض كانت بتيجي تحاول تقنعني اكلمه ومره كلمت ولد لتاني مره ولما عرفت انها بتقابله بعدت لاني بصراحه اتقرفت منها !! ولما بتقولي بعدتي ليه امتنعت طبعا اقولها منعا لاحراجها وقولتلها مبعدتش ولا حاجه لقيتها بتزعق وبتقولي علشان كلمت فلان منك (فلان دا كان قالي انه بيحبني وانا رفضته قبل م يكلمها الغبيييه ) ومن هنا اتقفلت منها جامد ومعاملتي بقت شبه جافه معاها ودخلت حياتي صاحبه تانيه عوضتني عنها .. كنت كل م اصاحب حد تدخل ترخم وتبعت ماسدجات ليهم ف الصراحه تضايقهم وتحكي لكل امه لا اله الا الله اني سبتها وفلانه بتوقع بيننا وتقعد تعيط للصغير والكبير !!!
حصل منها كذا موقف منهم ف ثانويه عامه يوم النتيجه دخلت اطمن عليها مردتش ف قلقت وبقول صاحبة لينا عاوزه اطمن عليها قالتلي م هي لسه مكلماني !! وطلعت مكلمه ناس كتير الا انا !!
ودي كانت المره الاولى اللي اخد موقف وعملت بلوك لاني حرفيا كل م اشوف اسمها دمي بيتحرق وعرفت يومها انها كانت بتبعت واحده تقعد معايا ليله الامتحان وتسألني عملتي ايه ف الامتحان وتقولها ! كانت بتنشر اني بحل بالصدف وبييجي الحل صح !!! وكالعاده كلمتني وقعدت تعيط وتقولي مش قصدي دا نفسيتي كانت تعبانه وهكذا .. كل مره تعملي مشاكل وتيجي تعاتب وتقولي العتاب حب وانا بغير عليكي وبلا بلا بلا وانا زهقت ونفسيتي تعبت حرفيا منها
الفكره ان كل اللي حواليا بيقولولي بتحبك واديها فرصه وبتعيط من بعدك وجفاكي و و و
هل الكلام دا وما خفي اعظم مش كافي اني ابعد عنها زي م بيقولوا !! مع العلم اني بكلمها عادي وف وقت الحزن قبل الفرح بكون جنبها بس طبعا مش زي الاول
ومن رأيكم لو جت تعاتب اصارحها ب دا كله والا لا مع العلم بردو انها مش بتعمل بالنصيحه وانا هتحرج اصارحها بحاجات كتير كانت مفكره انها مخفيه عني
لو انتي لسه حابه تديها فرصة .. فالحل الانسب انكم تقعدوا مع بعض وتقولي لها كل اللي جواكي وتقولي لها الحاجات اللي مش حباها تكون موجودة في علاقتكم مع بعض. والله هي وافقت وانتوا الاتنين اتصافيتوا كان بها، هي فضلت زي ما هي برضه .. قولي لها برضه وبشياكه ان من الواضح ان فيه حاجات كتير زي ما هي، ومش هينفع تكملوا ف علاقتكم.
تم النشر السبت، ٢٩ يوليو ٢٠٢٣
حاولي تبعدي واحدة واحدة و متصارحيش بحاجة ابعدي و سبيها دي واحدة مش كويسة
تم النشر الجمعة، ٢٨ يوليو ٢٠٢٣
و الله انا شايفة انكم تقعدوا مع بعض و تقوليلها كل الي في قلبك من غير احراج و اديها فرصة تبرر لنفسها كل حاجة ، لأن انا حاسة ان في سوء تفاهم و شوفي نهاية النقاش هتنتهي ازاى ، اما تحددوا مع بعض بشكل صريح طريقة علاقتكم و اتجاها يكون ازاى و تتعاملوا مع بعض على الأساس ده و بنية صافية منكم انتم الاتنين، أو يا إما تنهي كل حاجة بعد النقاش ده و تتمني ليها الخير و تقفلي صفحتها من حياتك بدون مشاكل نفسية لأي واحدة فيكم
تم النشر الجمعة، ٢٨ يوليو ٢٠٢٣
من عندي بشوف انو مدام حاول تصلح العلاقه يعني هي بعدها بتحبك اما تصرفاتها هي ناتجه من الغيره والعضب
تم النشر الجمعة، ٢٨ يوليو ٢٠٢٣
لعرض السؤال في فدني اضغط هنا