انا خطيبتي فركشت الخطوبه
و هي كانت عايزاها اكتر من عنيها و كنا بنعشق بعض و عدينا بكل الصعب سوا
حصلت مشكله ف متكلمناش يومين و بعد كدا اكتشفت ان هي بلغت اهلها انها مش هتكمل و الجيران و صحابها و كل الناس
و اما كلمتها تاني بتقول ان مبقتش حاسه بحاجه و بتتعامل ببرود جدا ولا كأن فيه قصه حب قويه بينا و حاولات كل المحاولات عشان اصالحها لكن متزهتش شعره من مشاعرها
دلوقتي لو سبتها فتره هي هترجع و هتبقى عايزه نكمل ولا انا المفروض اعمل ايه
وارد احتمالات كتيره اصلا ممكن يكون كان فى مواقف كتير و اخر موقف ده كان القشة اللى جابت النهاية عندها . ممكن تكون محتاج فعلا تقيم الموضوع تانى بانكم تنفصلوا وتشوف الدنيا من بعيد اكتر بس السؤال هنا ...انت ايه دورك فى الخطوبة ؟ كل كلامك ان هى اللى كانت عايزة واحساسها قوى ودلوقتى هى اللى مش عايزة ومفيش احساس زى ما هى بتقول ....فين انت من القصه دى .؟
تم النشر الخميس، ٢٨ سبتمبر ٢٠٢٣
بص ، طالما هي اللي اختارت كده. خلاص اختار أن انت تبعد انت كمان، لأن انت كده بتتذلل قدامها. ودي مش حلوة في حقك. انت عملت اللي عليك وهي مقدرتش ده، خلاص ابعد عنها. مصيرك هتلاقي واحده احلي منها
تم النشر السبت، ٣٠ سبتمبر ٢٠٢٣
في الحقيقة وارد حاجات كتير ف الموضوع! لكن هل المشكلة ديه من وجهة نظرك كانت كفيلة لانهاء العلاقة؟ او كانت من الاشياء اللي بالنسبالها خط احمر؟ وهل كنتم ف اي مشكلة تحصل قبل كده كانت بتتحل بشكل كويس؟ كان كل واحد فيكم فعلا ف الاخر مش بيبقى شايل من التاني؟ ولا حصل تراكمات؟
تم النشر الخميس، ٢٨ سبتمبر ٢٠٢٣
ممكن تسيبها فتره وهي لو عايزه هترجع
تم النشر الجمعة، ٢٩ سبتمبر ٢٠٢٣
تقريبا عرفت حد تاني
تم النشر الخميس، ٢٨ سبتمبر ٢٠٢٣
ممكن تحاول لأخر مرة و قولها ال جواك و انك باقي عليها و بتحبها و مش هتزعلها و اي مشكله هتحصل تحلوها بالعداوة متنيمهاش زعلانه و اسألها قولها قولي سبب مقنع متتعامليش ببرود دي اخر مرة هحاول فيها و لو قالت انها عاوزة تبعد فعلا و خلاص يبقي ابعد و اسمع كلامها و شوف حياتك و يوم مهي هتندم عليك هتبقي انت تخطيها اصلا و لا هتفرق معاك
تم النشر الخميس، ٢٨ سبتمبر ٢٠٢٣
لعرض السؤال في فدني اضغط هنا