الأنسان يعمل اي لما يلاقي نفسه فقد الشغف في كل حاجه سواء كانت دراسه او حياتي الشخصية حتي مبقتش عايزه أروح الكليه ودا بالسبب إني بتعب جدا في التاسكات اللي بتبقي مطلوبه مني والكل بيكون بيشكر فيها وفي الاخر مبلاقيش تقدير كويس من الدكاتره ليه بجد لازم يكون في ظلم في كل حاجه ليه أتساوي بناس متعبتش زيي ولا حتي اهتمت بحاجه وفي الأخر ناخد نفس التقدير، عشان كدا مبقتش عايزه أروح تاني واللي بيخليني أروح أهلي مش عايزه بعد كل التعب والمصاريف اللي صرفوها عشاني أسيب الكليه وأضيع كل دا، بجد الواحد نفسيتي اتدمرت، مبقاش فارق معايا حاجه الحلو بقي زي الوحش عندي + كمان في حياتي الشخصيه في كذا شخص بعتلي إنه بيحبني وعايز يتقدملي وأنا رفضتهم عشان انا رافضة فكرة الجواز دي أصلا وفي شخص من ضمن اللي رفضتهم حاول يعملي عمل هوا وصحابه عشان اوافق بيه بس للأسف العمل دا اتقلب عليه هوا وفضل فتره كبيره فاقد الوعي، ساعتها ناس كتير عرفوا إنه بسببي وفي ناس من صحابي قعدوا يقولولي إني مبحسش ومعنديش دم وازاي أرفضه واخليه يوصل لحاله زي دي، طب وأنا اي ذنبي طيب انا اصلا متعاملتش معاه عشان اخليه يحبني ومعرفش هوا حبني ليه اصلا، بس انا بجد مش قادره اتقبله شايفاه حد عادي زي اخ مثلا + وبسببه برفض كل اللي بيتقدمولي حتي لو كويسين عشان ميتعبش تاني وأشيل ذنبه في رقبتي، بجد مبقتش عارفه اعمل في أفكار كتيير أوي، مش قادره اتخلص منها، أتمني لو حد شاف الكلام دا يدعيلي، انا بجد محتاجه دعوات 💔
بالنسبة للكلية .. ف انتي هتلاقي حاجات كتير زي كده .. ناس بتتعب وممكن متلاقيش المردود اللي هي عايزاه، وناس تانية تاخد الموضوع كده على الجاهز. لكن تأكدي ان عدالة الله اقوى من كل ده .. اعملي اللي عليكي، واي حاجه تانية متحاوليش تنظري ليها، سواء من ناس نجحت بالواسطة او الغش او ايا ما كان. متركزيش غير على نفسك، علشان لو قعدتي كده تركزي على كل حاجه هتتعبي للاسف ومش هتعملي حاجه. بالنسبة للشخص اللي عمل العمل ده، هو مفيش اساسا حد بيحب من النظرة الاولي، لو كان عايز يكلمك او تتصاحبوا بمعنى اصح وعمل كده علشان تكلميه، ربما ده يكون عقاب من الله على اللي كان ناوي يعمله. ولو كان هو عمل ده علشان نيته الاولى كانت خير وعايز يتزوجك، فالنية الصالحة لا تصلح العمل الفاسد. وبالتالي اللي يحاول يروح للاشياء ديه، فهو اساسا ليه عقاب شديد من عند ربنا، وربما برضه يكون ده عقابه. ف ياريت متحسسيش نفسك انك ظلمتيه او اي حاجه من الحاجات دي، انتي حرة ترفضي اللي انتي عايزاه، يعني مثلا هتتجوزي واحد او هتتربطي بواحد علشان صعبان عليكي مثلا! هل ده يعقل ؟ اكيد لا. ربنا يوفقك
تم النشر الأحد، ٢٨ أبريل ٢٠٢٤
لعرض السؤال في فدني اضغط هنا