من يوم وفات ماما وتاتا طلعت تقعد معانا على أنها هاتساعدنى وتقعد بس لقيت نفسى فدوامه اكتر وحمل اكتر بدل مشيل اخواتى وبابا بقيت شيله تاتا كل ده جمب الدراسه ربنا يعلم انها مش بتعمل حاجة انا عادى مش مشكله متعملش بس بتأذينى بالكلام وتقعد كل ماجى اروق او اعمل حاجة تقعد تضحك لو جه عليا وقت وعيط تقعد تضحك وعلطول تعمل خلافات مع اخواتى حتى لو بابا جبلي اى حاجة لبس او الكتب بتتقلب ومتكلمنيش مش بتحبه يجيب حاجة لينا واى حاجة اجى اعملها فى دراسه او جبت حاجة تروح تقول لعماتى انا متعودة ان يكون فى حياتنا خصوصيه زى مكنا حاسه ان بقيت فى فوضى والناس اللي حوالينا فكرة ان هى إلى شيلنا وبتعمل قعدتها كلها معانا أذى نفسى مش اكتر وتقعد تقولو انو يجوز وموضوع ده صعب بالنسبلنا عادى لو اكلمت مع بابا انها تنزل ونرجع لحيتنا الطبييعاوربنا هيكون معانا ولا اعمل اى
السلام عليكم ورحمه الله وبركاته اولا البقاء لله وربنا يرحم والدتك يا رب وتكونوا انتوا خير ذريه لها تدعوا لها وتكونوا اثر طيب ليها في الدنيا. بالنسبه لجدتك ضروري حتى لو انت هتتكلمي مع مواقف الموضوع ده تلاقي الوقت المناسب وركزي كويس قوي في كلمه الوقت المناسب ده يكون وقت فيه باباكي قاعد في وضع يسمح له بان هو يسمع كلامه ويتقبله طبعا على حسب طبيعه شخصيه باباكي. وانت هتكوني عارفاه كويس. تقدري بس تجيبي له الموضوع من مدخل انه امم انا عارفه بابا ان انت خليت جدتي تطلع تقعد معنا علشان ما نحسش يعني بفراغ بعد وفاه ماما بس انا عايزه اقول لك انه احنا دلوقتي مستقرين اكثر والدنيا احسن وااا يعني لو جدتي حابه ان هي ترجع شقتها ثاني ده. حاجه مش هتاثر علينا وانا مش عايزاك تقلق من ده وهي موجوده حسها في البيت وكل بيطلع وبيروح ويجي عليها عشان هي تكون براحتها وعلشان ما تحسش ان احنا كده يعني حارمنها من بقيه العيله زي ما كانوا بيعبدوا وبيروحوا ويجيئوا عليها وانا عارفه ان كل حد بيكون بخصوصياته مرتاح في مكانه وفي بيته اكثر فممكن تكون جدتي حاسه بكده بس مش حابه تقول لنا لانه انا بحس بكده اوقات بسبب مثلا ان هي بتقعد تركز معانا اكتر او بتتكلم على الحاجات اللي احنا بنعملها بشكل ممكن طبعا عشان خاطر هي هتشوف حاجات بالنسبه لها هي غريبه فهيبقى طول الوقت هي حاسه ان احنا بنعمل حاجات اوفر فاحنا مش عايزين نضايقها ونحسسها ان احنا ايه؟ مضايقين عليها الحياه وكده يعني انت ممكن تشوفها اذا هي اذا هي حبه هيكون اكيد احسن من ان هي ان احنا نرجع نتاقلم على الحياه. بطريقتنا ومن غير ما نكون ايه حطيناها في وضع مختلف عن حياتها الطبيعيه دي ممكن تكون طريقه تمام؟ جدتك بقى انت تقدري انك تتخطي التصرفات بتاعتها دي بانك تبتسمي في وشها صدقيني الموضوع ده بيفرق كتير جدا جدا جدا مع الناس الكبار وانك تبقي طول الوقت بتقولي لها ربنا يبارك لنا في عمرك يا جدتي مش انت مش محتاجه حاجه. يا جدتي انت اييي انا عارفه انك بتستغربي الحاجات اللي احنا بنعملها بس معلش بقى تيته فارق الاجيال يعني طول الوقت كده محسسيها انك مقدره سنها ومقدره احترامكم لها. ده هيخليها تهدى شويه عليكوا لان الناس اللي في السن الكبير ده بغض النظر عن طبيعه شخصيتها بيكون لهم تصرفات كتير شبيهه باللي انت بتحكيه ده بيكون علشان يفضلوا كانهم بيقولوا للي حواليهم احنا لسه موجودين ما تنسوش ان احنا موجودين فلما احنا هنديهم الحته دي هم هي تصرفاتهم دي هتخف يعني هم مش هيحبوا يثبتوا انهم موجودين ولا حاجه ولا يقولوا اا خليكوا شايفيننا يعني دي النصيحه اللي انا بقدمها لك بخصوص جدتك وانت موضوع اللي انت بتتكلمي فيه انك مش حباها بسبب انك شايفه او كنتي عارفه. ان هي بتعمل حاجه وحشه لوالدتك او حاجه خلاص اللي راح راح واللي عدى عدى ووالدتك ربنا يرحمها وبلاش الحاجات اللي احنا ما شفناهاش بعينينا وفيها شكوك فابعدي عنها عشان ما تضايقيش انت نفسك.
تم النشر الأربعاء، ٣١ يوليو ٢٠٢٤
لا متتكلميش مع بباكي هيفهكك غلط اكيد هيا ست كبيره والكبر اثر عليها ربنا يهديها وحاولي تتعاملي معاها كويس ممكن تتقبل وتعاملك كويس رحم الله والدتك والهمكم الصبر والسلوان يحبيبة قلبي
تم النشر الأربعاء، ٣١ يوليو ٢٠٢٤
خليها تنزل احسن وربنا اكيد هيعينك ياحبيبتى لأنها رخمه المفروض تساعدك مش تقعد تضحك عليكى
تم النشر الثلاثاء، ٣٠ يوليو ٢٠٢٤
رحم الله والدتك ورزقكم الصبر والسلوان. خلافاتكم مع جدتكم ناتجة عن اختلاف الثقافة الطباع. خذي رأي والدك في الأمر وتحدثي معه برفق ولين، أخبريه أنك تشعرين بالتوتر ووضحي الأسباب. إذا وافقك والدك فليخبرها أنه لا يريد الإثقال عليها أكثر. وإن كنت أعتقد أنها هي مستأنسة بوجودها بينكم.
تم النشر الثلاثاء، ٣٠ يوليو ٢٠٢٤
يا حبيبي، أنا عارفة إنك بتحسي بضغط كبير وعندك مسؤوليات كتير بعد وفاة ماما وتاتا، ووجود عمتك مش سهل عليك. لازم تعرفي إن شعورك طبيعي جدًا وواضح إنك محتاجة تتكلمي مع بابا عن ضغوطك واحتياجاتك. حاولي تتكلمي مع بابا بصراحة، قولي له إنك حاسة إن الوضع صعب عليك وإنك محتاجة تحسوا بالراحة والأمان في البيت. ممكن تقولي له إنك عايزة ترجعوا لحياتكم الطبيعية، لأن التوتر والخلافات اللي حوالينكم مش هتفيدكم. قبل ما تتكلمي، حاولي تجهزي نفسك، وتفكري في اللي عايزة تقولي له. خلي بالك إن بابا برضو يمكن يكون تحت ضغط ويحتاج يسمعك ويعرف إزاي تحسي. من المهم إنك تحافظي على خصوصيتك وعلاقتك بأخواتك. حاولي تكلميهم برضو وتفهميهم إنكم كل واحد فيكم عنده مشاعره واحتياجاته. أنت قوية وقدرتك على التعبير عن مشاعرك مهمة. ربنا معاك وإن شاء الله الأمور هتتحسن.
تم النشر الثلاثاء، ٣٠ يوليو ٢٠٢٤
حاولي انك تقربي منها و تكسبيها بال كلام و المعامله و ادعيلها
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا