يا جدعان انا دلوقتي مش عارف مالي بس انا مش لاقي نفسي، معرفش ايه مشكلتي ولا بدأت ازاي وهل عندي مشكله اصلا ولا لا بس انا مش مرتاح من جوايا
حاسس بحرقه وقهر ومعرفش انا بوصف صح ولا لا، بقيت في النازل في كل حاجه دراستي وعلاقاتي مش عارف أرضى بحاجه وطاقتي مفيش، ع طول متوتر وقلقان ومش مطمن وبقيت أعاند وادخل في جدالات ع الفاضي مطفش الناس مني
حاسس انا المفروض ادوس ع زرار يرجع كل ده معرفش المفروض أبقى عامل ازاي ولا ابقي ايه بس انا مليش نفس اعمل اي حاجه
واشتغلت فتره لو حد قالي اشغل نفسك شغلت نفسي بس برضو طول ما في الشغل حاسس اني عندي مشكله ودايما بدور عليها او حاجه نقصاني وبتأثر اوي بكلام والناس وبأفكاري حتى لو حد بيقصدش بتأثر وبفهم الكلام ع مزاجي والمواقف ع مزاجي
حاسس اني عايز افضل كده ومش عايز اتحسن بقيت اندفاعي ومش بعمل حساب لاي حاجه بعملها ولا بقولها
السلام عليكم ورحمه الله وبركاته. انت جاوبتني في التعليق النت عندك 22 سنه واضح انه في ال 22 سنه دول انت ما اخذتش اي مهارات اجتماعيه ولا عندك معلومات ليها علاقه خالص بانك ازاي تعبر عن شخصيتك وانه ازاي اصلا معنى كلمه شخصيه يعني ايه يعني هيبقى عند وتقول انا بحب كذا يعني من اول اكبر الحاجات لحد ابسط الحاجات الموضوع مش معقد انا هنا بكتشف نفسي انا هنا بتعلم اعبر عن نفسي فانا بحب ايه انا بحب مثلا اتمشى الصبح ولا بالليل طيب انا بحب افطر ايه بحب اتغدى ايه ايه اكلاتي المفضله ايه الوان المفضله انا ما بحبش ايه ما بحبش الدوشه ولا ما بحبش الهدوء ما بحبش اقعد وسط ناس كثير ولا ما بحبش اقعد لوحدي وهكذا دور في كل حاجه حواليك بتحب تشرب شاي ولا ما بتحبش بتحب تشرب قهوه ولا ما بتحبش بتحبها مسكره ولا بتحبها سكرها قليل وهكذا حطي كل حاجه انت بتحبها في ناحيه الناحيه الثانيه الحاجات اللي بنمشي في الحته دي وبنبقى هنا عملناه حاجتين انا مره عبرت عن نفسي واتكلمت عن شخصيتي. انت ما بتحسها دي اول طريق بنبدا نعرف بها قلمين خلاص دي اول حاجه ثاني حاجه. بنخش على المرحله بتاعه مين معايا في اللي انا بحبه مين معاه في اللي انا بحبهوش نبدا نوسع بقى الدايره لايه انا بربط نفسي باللي حوالي مين بيحب زيي نفس الاكل اه فلان مين ما بيحبش زي مثلا يشرب قهوه ما بحبش القهوه فلانه وهكذاي شخصيه يعني يبقى عامل ازاي اييي في الاغلب ما عندكش قدوه في حياتك يعني مش واخد حد هو المثال اللي انت حابب انك تتبعه تكون شبهه او تكون قريب منه حتى وبتعمل اي حاجه زيه او معتبره في مكان عاليه اييي المساله دي مساله معلومات ومعرفه واحده واحده هنعمل خطوات بسيطه ونبدا نعرفها فهنعمل حاجه بسيطه قوي كده هنجيب ورقه ونكتب فيها انا بحب ايه وما بحبش ايه؟ يعني تقسم الورقه كده اثنين؟
تم النشر الخميس، ١٦ يناير ٢٠٢٥
اسفه لانك حاسس بكدا و حاسه بيك جدا الفكره أن في إضرابات نفسيه ممكن تكون هي الي سببتلك الاضطرابات دي عندك زي مثلا الاكتئاب و الي هو اي بقى/ ما انا اتحرك ليه و احاول ليه ما كدا كدا هخسر و مفيش معنى للمحاوله و مفيش امل اصلا أو مثلا القلق و الي بيجي في صورة/ مهو لو جربت ممكن اخسر و ممكن انجح بس لو نجحت ممكن اخسر تاني و حتى لو خسرت أو كسبت في حاجه مستخبيالي معرفهاش أو مثلا اضطراب الوسواس زي / المحاوله كانت صح ولا لا ـ المحاوله كانت صح ولا لا ـالمحاوله كانت صح ولا لا ـالحاوله كانت صح ولا لا و مثلا اضطراب كرب ما بعد الصدمه / و الي هو مش عاوز ارجع للوقت الي خسرت فيه تاني مش عاوزه افتكر و مش هستحمل الي هيحصل فا ممكن يكون حصل معاك كدا في الماضي و انك مش عاوز تجرب حاجه تاني او تعمل حاجه تاني دي كلها انواع اضطرابات ممكن تكون هي الي وصلتك للمرحله دي و خليتك بايع أو متقبل خسارتك في دراستك أو حياتك عمتا ادي لنفسك فرصه انك تفهم نفسك اكتر و تقبل مشاعرك و عشها و لكن متسيبش نفسك يعني ادي لنفسك فرصه بس بالعقل و حاول انك تتعب شويه مع نفسك علشان تعدي الفتره دي على خير الطرق كتيره بس اهم و اول خطوه انك تكون عاوز تتغير من جواك بمعنى انك تكون عاوز تحسن نفسك فعلا فا حاول توصل للمرحله دي بتقبلك و فهمك لمشاعرك و انك تخرج كل الطاقه السلبيه الي جواك بالوقت و توصل لنقطة انك عاوز تبدأ تتغير أو تحسن من نفسك وقتها الطرق هتكون كتير و بسيطه باذن الله حاولت اديك معلومه ممكن بيها تفهم نفسك و تساعدك و ربنا يصلح لك الحال و يوفقك فيما يحبه و يرضى
تم النشر الأربعاء، ١٥ يناير ٢٠٢٥
السلام عليكم واضح انك راجل تمام ومشكلتك بسيطة بإذن الله اللحظات والضياع وموجات المزاج السلبي اللي انت بتعيشها عايز اقول لك اني عارفها كويس اوي وعشتها بكل تفاصيلها لكن اتحسنت واتغيرت تغيير جذري ومكدبش عليك لحد دلوقتي بتجيلي اللحظات دي بس أقل وأخف •سببه نقص في الدعم من حواليك سواء إهمال أو قسوة •نقص الدعم بيخليك ضايع و بينتج قناعة في مخك انك انسان مهمش متستاهلش حد يتقبلك أو يحبك أو يدعمك فبتبقى شايف نفسك سيئ فبتكره نفسك ومبتبقاش عارف انت مين وعايز من الدنيا ايه •كره النفس بيسبب زعل وإحباط وكآبة وقلة حركة وكل جوانب حياتك بتتأثر •بتكره نفسك زي انك تشوف نفسك فاشل ومحبط ومكتئب ومقصر .... فبتشوف انك متستاهلش تتحسن •وعشان شايف نفسك متستاهلش فمبتحسنش اي حاجة •فبتكره نفسك أكثر والدايرة تدور الحل •اقبل نفسك منغير أي شروط •ادي لنفسك فرصة تتكلم أقعد وأسمع لنفسك بكل صدق وقبول والفيديو ده أنسب فيديو لي وليك https://youtu.be/RiUgNMgK_w8?si=xIwwmZZX-UqL3dco
تم النشر الثلاثاء، ١٤ يناير ٢٠٢٥
أخي العزيز، أقدر صراحتك وجرأتك في التعبير عن مشاعرك وأفكارك. يمكن أن تكون المرحلة التي تمر بها صعبة، والشعور بالحرق أو القهر قد يكون مؤشراً على توتر نفسي أو قلق داخلي. أولاً، من المهم أن تدرك أنك لست وحدك، فالكثير من الناس يواجهون تحديات مماثلة في حياتهم. قد يكون من المفيد محاولة فهم الأسباب التي تسببت في هذه المشاعر. إذا كان لديك ضغط في الدراسة أو علاقاتك، فقد يكون من المفيد التحدث مع شخص تثق به، مثل صديق مقرب أو فرد من العائلة، لمشاركة أفكارك ومشاعرك. كذلك، حاول تحديد الأوقات أو المواقف التي تثير قلقك واحتفظ بدفتر لتدوين مشاعرك. قد يساعدك ذلك على الوقوف على المحفزات التي تسبب لك التوتر. إذا شعرت أن هذا الوضع مستمر ويؤثر على حياتك بشكل كبير، قد يكون من المفيد التواصل مع مختص نفسي أو استشاري. يمكن أن يوفر لك الدعم والإرشاد لمساعدتك في التعامل مع هذه المشاعر وتحسين وضعك النفسي. أخيرًا، تذكر أن الخطوات الصغيرة نحو التحسن يمكن أن تكون فعّالة. ثق بالله وكن إيجابيًا، فالتغيير يحتاج إلى وقت وصبر. لا تتردد في السعي للحصول على المساعدة والدعم عندما تجد ذلك ضروريًا.
تم النشر الثلاثاء، ١٤ يناير ٢٠٢٥
22 سنه اهتمامتي دي معرفش انا لما بسمع الاسئله دي بحس انها تقيله عليا واني المفروض اعرف اهتمامتي بس انا مش فاهم ايه الاهتمامات يعني اللي المفروض اخد بالي منها
تم النشر الأربعاء، ١٥ يناير ٢٠٢٥
خليك مع ربنا
تم النشر الأربعاء، ١٥ يناير ٢٠٢٥
سلام عليكم..مش هقولك اشغل نفسك ولا كل ده لانك كده هضيع نفسك اكتر الاجابه هي العزله خدلك عزله اسبوعين من سوشيل ميديا ومن اصحابك ومن كل حاجه حتي التلفون واقعد مع نفسك كل يوم ظبط نومك واصحي الفجر واقعد شويه كده بعد فجر في هواء يعني اقعد في بلكونه و ابدء وحاول انك تكتشف نفسك .. هتلاقي في لخبطه في أول بس متسلميش كل يوم اسال نفسك أنا مين؟وايه هدفي؟مش شرط هدف كبير ممكن هدف صغير ابدء فكر في اشياء الكنت بتحبها مثلا رسم قرأه وكذلك وارجع اعملهم وصلي
تم النشر الأربعاء، ١٥ يناير ٢٠٢٥
عندك كام سنه وايه اهتماماتك فى حياتك العاديه
تم النشر الأربعاء، ١٥ يناير ٢٠٢٥
أنا برضو
تم النشر الثلاثاء، ١٤ يناير ٢٠٢٥
اتعالج عند دكتور نفسي
تم النشر الثلاثاء، ١٤ يناير ٢٠٢٥
لعرض السؤال في فدني اضغط هنا