السلام عليكم
انا عندي مشكله صعبه جدا عليا، انا معنديش صحاب بكون عايز صحاب بس لما بقرب من صحاب مش عارف بحس اني ملاقي نفسي وسطيهم وببعد تاني بكره نفسي جدا شكلي وكمان اني ولد انا بكره كده لان البنات بيتحبو وفي اي وقت بيلاقو حد جنبهم لكن انا لا وكمان عندي فكره اني مقتنع أن البنات مبيحبوش الولاد وهما الوان يعني لاني بشوف كتير الموضوع ده
ازاي عايز تكون صحاب و الناس تحبك و انت اصلا مش حابب نفسك ولا شكلك؟ شوف مشاكلك ايه واحدة واحدة و حلها مش عاجبك حاجة في شكلك غيرها مش عاجبك جسمك ظبطه مش عجباك شخصيتك غيرها دي حاجة مكتسبة و بتطور مع الوقت كل حاجة ممكن تتغير بس اشتغل على نفسك و حبها أولا على اي وضع دي نفسك كدا كدا لازم تبقى حاببها حتى لو مش احسن حاجة هو مش حب مشروط هحب نفسي في حالات معينة و بشكل معين انت لازم تبقى حاببها كدا ايا يكن وضعها ايه بس تسعى لتغيرها و بعدين مش فاهم يعني ايه بنات مبيحبوش ولاد و الوان و بتشوف الموضوع ده كتير فين هو احنا في شيكاغو
تم النشر الاثنين، ٢٤ فبراير ٢٠٢٥
السلام عليكم ورحمه الله وبركاته بما ان انت موضح انه في عندك مشكله فأنت بتدور على الحل فخلينا نقول لك الحل زي ما احنا شايفين من خلال خبراتنا زي ما انت في حاجات متأكد منها من خلال اللي انت احتكيت بيه في الواقع بتاعك الحاجات اللي انت شفتها واعتبرت ان هي حقائق لانه المجتمع اللي حواليك موجود فيه كده. طبعا انا مش عارفه انت سنك كام سنه ومش عارفه في انهي مرحله عمريه ومش عارفه انهي مجتمع اللي انت عايش فيه هل هو مجتمع شعبي ولا مجتمع A كلاس، أنهي مجتمع اللي موضوع الالوان فيه منتشر ويعني بيبان قوي كده انه البنات يعني ما بتحبهوش او مش مش بتتعامل مع الشخص اللي من النوعيه دي بالشكل ده ويعني الموضوع بسيط بيتم الكلام عنه بالشكل ده يعني لان هنا احنا هنتكلم في انه المشكله هنا في تصحيح المفاهيم، سؤالك كله بيقول ان في مفاهيم كثير مغلوطه ممكن تكون من المجتمع اللي حواليك ممكن تكون بسبب سنك لو سنك لسه صغير دي حاجات كتيره جدا محتاجين ان احنا نوضحها مع بعض علشان فعلا نفيدك بحل للمشكله بتاعتك يكون حل يقضي لك على المشكله مش بس تكون حاجه مؤقته وخلاص.
تم النشر الثلاثاء، ٢٥ فبراير ٢٠٢٥
وعليكم السلام ورحمة الله وبركاته، شوف يا اخي خليك مقتنع بشئ "حب نفسك عشان مش كل الناس هتحبك" لو انت مش حابب نفسك منتظر ازاي حد يحبك وغير كده مش شرط عشان بتحب نفسك كل الناس هتحبك او هتتقبلك لا خالص هي الدنيا كده، رسولنا الكريم اشرف الخلق ﷺ كان في ناس بتكرهه وأذوه كتير كمان ورمو عند بيته الشوك وشاف رفض من ناس كتير لرسالته، لما تحب نفسك وتقدر دورك في الدنيا دي انا جاي اعمل ايه وهدفي ايه وازاي اقدر افيد الناس مش شرط تبقا عالم ولا شخص مشهور عشان تقدم رسالتك الي اتخلقت لأداها انت لو عشت بسلام داخلي كده وبتحب نفسك وبتتعلم وتعلم غيرك خلاص انت عايز ايه! الشكل محدش بيختاره في ناس بتتولد بعيب خلقي ولكن هم متأقلمين على ده وحامدين ربنا، مجتمعنا فارض صورة الجمال مع انه مش بأيدنا، واخيراً حابة اقولك مش عشان شوفت موقف من شخص معين ضايقني يبقا الناس كلهم وحشين مينفعش اسمح لنفسي بإتهام ناس بغلط شفته من ناس تانية، وغلط اني اتهم فئة بأنهم شواذ لانه ليس بأمر هين لقوله ﷺ:(من وجدتموه يعمل عمل قوم لوط فاقتلوا الفاعل والمفعول به) مش عشان انتشروا جامد على النت اقدر اتهم اي حد وانها حاجة هينة، بتمنالك التوفيق
تم النشر الثلاثاء، ٢٥ فبراير ٢٠٢٥
وعليك السلام ورحمة الله وبركاته. أفهم تماماً شعورك، فالشعور بالوحدة وصعوبة تكوين علاقات صداقات يمكن أن يكون تحدياً كبيراً. من المهم أن تدرك أن هذا الشعور ليس وحده، الكثير من الأشخاص يواجهون صعوبات في تكوين صداقات وقد يشعرون بعدم الأمان أو بالانتماء. أولاً، حاول أن تتقبل نفسك كما أنت. كل إنسان لديه خصائصه الفريدة، والجمال ليس مرتبطاً بالشكل الخارجي فقط، بل بشخصيتك وروحك. أيضاً، يجب أن ندرك أن الحب والصداقة ليست مقتصرة على جنس معين، بل بالعكس يمكن أن يكون هناك أصدقاء حقيقيون من كلا الجنسين. فيما يخص تكوين صداقات، يمكنك البدء بالانخراط في أنشطة أو هوايات تحبها، مثل الرياضة، الفن أو التطوع. هذه الأنشطة تساعد في التعرف على أشخاص يشاركونك الاهتمامات وتسهّل بناء علاقات صحية. أخيرًا، إذا كان لديك مشاعر قوية من عدم الرضا عن النفس، قد يكون من المفيد التحدث مع مستشار أو اختصاصي نفسي لمساعدتك في اكتشاف الأسباب وراء مشاعرك وبناء ثقة أكبر بنفسك. تذكر أنه لا بأس بالتواصل ومشاركة مشاعرك مع من تثق بهم، فالصداقة الحقيقية تأتي أولاً من الانفتاح والصدق. وفقك الله وأتمنى لك الأفضل.
تم النشر الاثنين، ٢٤ فبراير ٢٠٢٥
طيب انا بنت ومعنديش صحاب ولا بعرف اصاحب حتي، ولو حصل وقعدت خمس دقايق وسط مجموعة بنات مبعرفش اتكلم ومش بتكلم اصلا وبحس اني مش وسطيهم، تخيل بنات معاي من اولي حضانه لتانيه اعدادي دلوقتي معرفتش حتي اتكلم مع حد كلام حتي عادي،، علفكره دي مش قلة ثقة في النفس،، ممكن تكون شخصية الواحد كدا
تم النشر الاثنين، ٣ مارس ٢٠٢٥
لعرض السؤال في فدني اضغط هنا