انا عندى احساس قوى جوايا أن ربنا موجود لكن الاحساس لوحدو مش كفايا محتاجه حاجه تأكدلى أن ربنا موجود فعلا ..
ليه ربنا سائب فلسطين والناس بتعانى كده مع أنو يقدر انو يوقف ده ف أقل من لحظه طب ليه علي زمن الانبياء كان اى حد فاسد ربنا بيجعلوا عبره زى مثلا عصيان أهل سيدنا نوح ف غرقوا ف الطوفان أو أن جعل قوم لوط عبره أو انو اغرق فرعون بسبب انو كان بيدعى الالهويه معلش يعنى ربنا انتقم من كل دول واسرائيل لاء ؟ طب ليه ؟ هما بيعانوا اقسم بالله الواحد ما قادر ينام حتى انا مش فاهمه الصراحه الفكره اصلا الموضوع ده مخلينى مش مركزه خالص لا عارفه اذاكر ولا انام والله الواحد مكسوف حتى ياكل الي هو انا باكل وهما لا مكسوف من نفسو حاسس ان هو قدام نفسو حاجه قليله يجماعه موضوع اننا مش شايفين ربنا ده موضوع صعب جدا ف بجد الي عندو رأى ف الأفكار دى يقول وانا انسان والطبيعي افكر
الحقيقة أن الأحداث الحالية نفسها من أدلة وجود الله سبحانه وتعالى! ألم يخبرك الله في سورة الإسراء عن أحداث المستقبل ومنها العلو الكبير والفساد العظيم الذي سيحدثه بنو إسرائيل وأنت ترينه الآن على الشاشات صوتا وصورة؟؟ هل كان يمكن لأحد أن يتنبأ بهذا قبل ١٤٠٠ سنة؟؟ وأما لماذا يقدر الله هذا على المسلمين فهو سؤال آخر وجوابه باختصار (ليبلو بعضكم ببعض) الله يبلو بعضنا ببعض لينظر من سينجح في هذا البلاء .. وقد ابتلى الأمة من قبل بالصليبيين الذين احتلوا فلسطين وعاثوا فيها فسادا ونجح في هذا الابتلاء جيل صلاح الدين ومن تلاه من الذين طهروا الأرض المقدسة من الصليبيين البعض سينجح في هذا الاختبار ويؤدي ما عليه ومنهم من يريد الله أن يصطفيهم بالشهادة (ويتخذ منكم شهداء) والبعض سيرسب .. وأنت بالخيار .. إما أن تبحثي عن دورك فتقومي به وإما أن تظلي في حلقة مفرغة من التساؤلات!
تم النشر الأربعاء، ١٨ أكتوبر ٢٠٢٣
طبعا ربنا نوحود سبحانه وتعالى، ويرى كل شىء ربنا يؤخر العقاب لأسباب هو يعلمها، أقولك حاجة شخصية قبل دخولى طريق الوعى، كنت متخبطة كتيير واتألمت الم لدرجة انى كنت بدعى لا أحد يرى هذا الألم مثلى حتى لو كان أحد يؤذيني لا اتمناه لاحد فضلت الظروف ضدى ويتضغد عليا كلمت ربنا وقولتله انا لا استحق هذا انا بحاول اعمل كل حاجة صح ولو غلط بستغفر اكيد ليك حكمة لا اعلمها ولكنى اعلم انك تحبنى واعلم انى مسؤلة عن حياتى ولوةاى شىء بمر به هو من نفسى وليس احد غيرى قولى لو عايزنى امشى فى طريق معين وسبحانه وتعالى جيت لى فكرة امشى فى طريق معين وفعلا اخذت قرار ومن وقتها وجدت رحمات وفتوحات لم اشهدها منىقبل يكفى انى تحررت من الأفكار السلبية الله يريد منك أن تعترف ان شىء انت فيه هو منك وانت مسؤل ويريد منك أن تقرب منه وتعرف انه الوحيد القادر على انقاذك ليس أفراد ولا دول ولا اى شىء ويريد منك أن تبدء اول خطوة فى التغيير وهو سوف يساعدك بشكل لا تتوقعه. إن الله لا يغير ما بقوم حتى يغيروا ما بأنفسهم علينا الدعاء لهم بالهداية اولا لانها سبيل النجاة وأنهم يروا حقيقة الموقف لان علمنا محدود جداااا.
تم النشر الخميس، ١٩ أكتوبر ٢٠٢٣
بسم الله الرحمن الرحيم {وَقَضَيْنَا إِلَى بَنِي إِسْرَائِيلَ فِي الْكِتَابِ لَتُفْسِدُنَّ فِي الأَرْضِ مَرَّتَيْنِ وَلَتَعْلُنَّ عُلُوًّا كَبِيرًا، فَإِذَا جَاءَ وَعْدُ أُولاهُمَا بَعَثْنَا عَلَيْكُمْ عِبَادًا لَّنَا أُوْلِي بَأْسٍ شَدِيدٍ فَجَاسُواْ خِلاَلَ الدِّيَارِ وَكَانَ وَعْدًا مَّفْعُولاً، ثُمَّ رَدَدْنَا لَكُمُ الْكَرَّةَ عَلَيْهِمْ وَأَمْدَدْنَاكُم بِأَمْوَالٍ وَبَنِينَ وَجَعَلْنَاكُمْ أَكْثَرَ نَفِيرًا} -سورة الإسراء ربنا أخبرنا فعلا بكل ده، من قبل ما يحصل وهذا أكبر دليل على افساد بني اسرائيل في الأرض. افساد بني اسرائيل هتلاقيه في كل حاجه حواليكي ولكن انتي مش واخده بالك من كده، مش في فلسطين وبس، في كل حاجه. ثانيا: فلسطين الوحيدة اللي محررة .. لأن فلسطين الوحيدة هي التي تجاهد. ثالثا: فلسطين ربنا حاليا بيختربهم. ( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) - سورة البقرة. يعني ربنا قاصد يختبر الناس ديه؟ يختبرها في الجوع والخوف والاموال والانفس.. هل فيه حد هيقول ليه يارب؟ هل فيه حد هيقول منهم ربنا مش موجود؟ هل فيه حد منهم هيقول ليه بيحصل فينا كده هو احنا كنا عملنا ايه يعني؟ لا، بالعكس هما عارفين ان ده اختبار، وبشر الصابرين ... اختبار المرحلة ديه الصبر. وربنا بيبعت ليهم شهادات تقدير حاليا (الشهادة) ديه اكبر دليل على ان خلاص الشخص ده اختباره خلص ونجح. المشكلة فينا احنا بقى، مش هما خالص .. هما مرابطين وصابرين الام بيبقى مات ابنها وفرحانه له انه بقى شهيد. صدقيني المشكلة فينا احنا دلوقت ... هل هنقدر احنا نصبر على كل ده لو حصلنا؟ فيه حديث بيقول: "بادروا بالأعمال فتنًا كقطع الليل المظلم بادروا بالأعمال يعني: الصالحة فتنًا كقطع الليل المظلم، يصبح الرجل فيها مسلمًا ويمسي كافرًا، ويمسي مؤمنًا، ويصبح كافرًا، يبيع دينه بعرض من الدنيا". تخيلي ان فيه حد ممكن يبقى في الليل مؤمن ويصبح كافر .. من شدة الفتنة اللي ممكن يتعرض ليها. في زلزال تركيا ده فيه ناس قعدت تحت في الانقاض اكتر من اسبوع، هو مش ممكن الانسان ده يقول فين ربنا من ده كله؟ الحرب والاطفال اللي بتموت .. سواء اللي كانوا في سوريا او فلسطين مش ممكن نقول فين ربنا زي ما بتقولي؟ هي ديه اعراض فتنه الدهيماء ... ف اتمنى تبحثي عنها وتدوري في كلامي.
تم النشر الخميس، ١٩ أكتوبر ٢٠٢٣
السلام عليكم ورحمة الله وبركاته اختي الكريمة سؤالك دليل على جوهرك بأنك تريدين معرفة الحقيقة والوصول للإيمان الحق الله يمهل ولا يهمل بمعنى آخر هذه مهلة لليهود للرجوع لربهم وفي ذات الوقت اختبار للفلسطينين بإيمانهم فهم لم يتخلو عن ارضهم فماتو شهداء فحقا على الله ان يرضيهم في الاخرة بالجنة هنيئا لهم ليتني معهم او مكانهم بصبرهم وقوتهم اما بالنسبة لطوفان سيدنا نوح متى جاء ؟...بعدما بُعث سيدنا نوح عليه السلام في قومه الف سنة الا خمسين عاما ٩٥٠ سنه يعني طب كل دي سنين عدت من ابتلاءات واختبارات ومسمعوش وشككو في قدرة الله عز وجل ف ربنا امر سيدنا نوح بصنع السفينه رغم انهم في صحراء فسخر منه قومه ف حمل سيدنا نوح في السفينه الذين ءامنو معه وبدأ بعدها الطوفان ....نهاية القول المؤمن مبتلى ليختبر في ايمانه هم باختبار ونحن باختبار هل سننصر ديننا ؟ من رأى منكم منكرا فليغيره بيده فإن لم يستطع فبلسانه فمن لم يستطع فبقلبه وهذا اضعف الايمان ووسائل الاعلام الان لها دور كبير في تكوين رأي عام وتغيير آراء منظومة كامله ف علينا بفعل المستطاع والدعاء (اى نفعل اقصى جهدنا في اى مجال نقدر عليه)
تم النشر الأربعاء، ١٨ أكتوبر ٢٠٢٣
وهل في فكرك إن ربنا انتقم منهم في ساعتها؟ زي ما أنتي عايزة يحصل في الصهاينة! فرعون عقبال ما حصل فيه إللي حصل كان سيدنا موسي كبر واتجوز وهو كأن مأويه وهو رضيع. دة أولا ثانيا: وأنتي أش عرفك إن دة عذاب ليهم، هو لما حد يدخل الجنة بدون مجهود كبير هو عمله يبقي وحش، في نظرك وحش لكن لما هنيجي كلنا في الآخرة كنا هتبقي متمنيين الشهادة. الشهيد منزلته كبيرة عند ربنا ومش أي حد بيطولها وهل أنتي عايزة معجزة تحصلك عشان تتاكدي إن ربنا موجود، هو الانبياء بس إللي بيحصلهم كدة، وخلينا نقول إن الجهاز إللي أنتي كاتبة منه السؤال أيًا كان هو أية ليه مخترع والكون دة كله ملوش خالق! أنتي دورك تشوفي اختبارك في حياتك زي ما هما ليهم اختبارهم وعادة ربنا مش سايبهم هو ربنا جعل عندك كل مقاومات الغني كأمة مسلمة وعربية تخلينا عندنا قدرة نحرر الأقصي وفلسطين بس فرق تسد ودة فعلا معني الاتحاد قوة إحنا كمسلمين مش متحدين وهو ربنا موصينا علي بعض وحتي علي غير المسلمين فهل في فكرك ربنا هيسيب كل حد سكت وكان عنده قدرة يساعد؟ هو كل دة زي مذاكرة وامتحان عشان النتيجة النهائية كل دول عندهم صبر علي البلاء زي ما سيدنا أيوب صبر علي مرضه وكان نبي (اعبده واصطبر لعبادته) أقرأي اكتر عن قصص الانبياء وعن قصص المؤمنين وقصص القرآن وانتي هتعرفي كل واحد هُلك بعد قد أية وعادة دة جزاء إننا بنتهاون وبنحاول نخلي سلام مع قوم ربنا غضبان عليهم دنيا وآخره وشتتهم بإرادته، فمفيش إرادة تعلي علي إرادة ربنا.
تم النشر السبت، ١١ نوفمبر ٢٠٢٣
تفكيرك طبيعى اه بس بلاش نبقى زى بنو اسرائيل واختصروا دليل وجود الله فى اشياء محدده دليل وجود الله يظهر فى ايمان هؤلاء ممن ابتلائهم هناك فى غزة ويقولون يارب ويقولون انا لله وانا اليه راجعون دليل وجوده اننا نظرنا الى ضعفنا وننتظر قوة الله اذا لم يكن موجودا لم تكونى تقولى عليك بهم يا الله وتنتظرى ان ترين انتقامة الذى تعلمين انه موجود وسيكون قويا بالتاكيد هو على كل شىء قدير ولكن تدبيره يعلمه وحده فى توقيت بحكمته وحده الحكمة الالهيه تتعدى حدود تفكيرنا البشرى .
تم النشر الأربعاء، ١٨ أكتوبر ٢٠٢٣
بجد انت مازل ينبض بدخلك الخير ربنا يبارك فيك لكن احب اقولك إن انا برضوا موش عارف انام وعندي نفس الأسئلة ولكن انا ابلغ من العمر ٢٧ حاليا ولدي عقل استطيع من خلاله اتعرف علي الله وعلي قدرته وما مررت به من تجارب ثبت لي الكريم أنه بجانبي وانة سبحانه وتعالى معنا بصير بحالنا ولكن دائما فيه شق غائب في علم الاقتصاد فيه تعبير جميل اووي اسمة" اليد الخفيه " فهذا الكون ربنا سبحانه وتعالى مسيطر عليه وله اياد خفيه وليس واحده فقط . ولكن ما يحصل في غزة وسوال المتكرر هو اين جنود الله في سماء والأرض ؟ ولكن الرسول صلى الله عليه وسلم قد مر بصعب ما يكون ولم يسأل هذا السؤال حتي عند انقطاع الوحي عنه كل ما في الأرض يشهد بان لا إله إلا الله ونرجع نسأل لماذا كل هذا يحصل في غزة ؟ لو معاليك رجعنا مع بعض للقران الكريم في سورة البقرة سنجد أن الملائكة عندما أخبرها الله سبحانه وتعالى عن ادم قالو.. اتجعل فيها من يفسد فيها ويسفك الدماء قال إني اعلم ما لا تعلمون. الاجابه : أن الله له حكمه نحن لا نعلمها ولكن يريد سبحان دائما في الاحول أن يوصل لنا رسالة فما هي الرسالة التي وصلت لك؟؟
تم النشر الأربعاء، ١٨ أكتوبر ٢٠٢٣
حبيبتي ربنا موجود وهتشوفي ده بعينك لما ينتقم اشد انتقام منهم ربنا ماجل حسابهم لحكمة عندة ولكن مع كل ده مينفعش نقول ربنا فين من الي بيحصل ربنا موجود اوعي تدخلي فطريق ده لو روحتي مش هترجعي هتخسري دنيا واخرة استعيذي بالله من الشيطان الرجيم واستغفري الله وصلي ربنا حاسس بينا كلنا والله سينتقم وانا علي يقين ان ربنا هينتقم اشد انتقام ربنا يقويكي
تم النشر الأربعاء، ١٨ أكتوبر ٢٠٢٣
بتفكرى كده لانك متعرفيش معانى اسماء الله الحسنى ولا معنى اسم الله الحكيم ربنا ليه حكمه فى كل حاجه بتحصل انصحك تعلمى معانى أسماء الله الحسنى لان الله لا يظلم وحاشاه سبحانه
تم النشر الأحد، ٢٩ أكتوبر ٢٠٢٣
لعرض السؤال في فدني اضغط هنا