يا ريت لو حد عنده حل يقولهولي عشان انا مبعرفش اصحي بدري خالص وكل يوم انوي اصحى بدري مبصحاش ولو صحيت بدري برجع انام تاني بحس وقتها اني مغيبه حتي لو شبعانه نوم برجع انام وحتي لو ورايا حاجات مهمه جدا مبقدرش اسيطر علي نومي فياريت حد يفدني
عايزك تروحي لدكتور باطنة و تشرحي له الأعراض بتاعتك دي و يعملك تحليل دم علشان لو فيه انيميا او نقص عناصر غذائية و ياريت تحليل وظائف كبد علشان نسبة الدهون الثلاثية .. و تحليل ( بول و براز ) علشان لو فيه مشكلة في المعدة او أميبا او بروتوزا او خلافه بعدها لو كله طلع تمام يبقي انتي محتاجة تغيري عاداتك الغذائية و تمنعي شرب القهوة و البيبسي علشان نسب الكافيين ، و كوب من الحليب الدافي هيفرق معاكي جامد قبل النوم بس يكون مش كبير و يكون من غير سكر تمامآ ، و ممكن تشتري باند Band او ساعات ذكية خصوصا تبع شركة Mi بتكون أصغر حجما من الساعة العادية بيبقي شبه الشريط بيتلبس في الايد و ممكن تظبط فيه منبه و هيصحيك بالاهتزازا في اي ميعاد تظبطه و هيقيس نبضات قلبك علي مدار اليوم و سعرها مش غالي و تقدر تلبسه و انت نايم بسبب حجمها الصغير الأنسيابي انت محتاج النوع العادي.
تم النشر الجمعة، ٢٧ سبتمبر ٢٠٢٤
عزيزتي، أقدر تمامًا مشكلتك مع النوم وأتفهم أهمية النوم الجيد للصحة النفسية والجسدية. هنا بعض النقاط التي قد تساعدك في تحسين عادات نومك: تحديد مواعيد النوم والاستيقاظ : حاولي أن تحددي مواعيد ثابتة للنوم والاستيقاظ حتى في أيام العطلات. هذا يساعد على تنظيم ساعتك البيولوجية. تجنب المنبهات : حاولي تجنب تناول المشروبات التي تحتوي على الكافيين مثل القهوة والشاي قبل النوم بعدة ساعات. تهيئة بيئة النوم : تأكدي من أن غرفة نومك مظلمة وهادئة ودرجة حرارتها معتدلة. كلما كانت البيئية أكثر راحة، زاد احتمال حصولك على نوم متواصل ومستقر. تقليل الأنشطة المحفزة قبل النوم : حاولي تقليل استخدام الهواتف الذكية أو مشاهدة التلفاز قبل النوم مباشرة، حيث إن هذه الأنشطة قد تنبه عقلك وتجعل النوم أكثر صعوبة. احرصي على الحركة خلال النهار : ممارسة الرياضة خلال اليوم يمكن أن تساعدك على تحسين جودة النوم، لكن احرصي على عدم ممارسة التمارين بالقرب من وقت النوم. إذا استمرت المشكلة، يمكنك التفكير في استشارة متخصص. يجب ألا تغفلي أهمية النوم واحتياجات جسمك. أسأل الله أن يوفقك ويسخر لك الطرق التي تساعدك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الجمعة، ٢٧ سبتمبر ٢٠٢٤
حاولي تنامي بدري اولا عشان تقدري تصحي بدري وثانيا لإن الدماغ مش بيفرز الهرمونات المهمة غير بليل زي السيراتونين (هرمون السعادة) والميلاتونين وهرمون GH (هرمون النمو)، فحتى لو نمتي بالنهار كتير هتحسي انك مش واخدة كفايتك مابالك بقا لو قليل!
تم النشر الجمعة، ٢٧ سبتمبر ٢٠٢٤
اجبري نفسك تصحي بدري يوم واحد لإنجاز مهمة معينة أو مشوار لا يمكن إنجازه إلا في الصباح ولا تنامي في النهار بعدها وآخر اليوم هتلاقي نفسك احتجت تنامي بدري وبعدها امشي على نفس المنوال في وقت النوم والاستيقاظ
تم النشر الجمعة، ٢٧ سبتمبر ٢٠٢٤
لعرض السؤال في فدني اضغط هنا