ممكن يكون مر بتجربة او يعرف حد مر بيها ولكن انا واحد دخل هندسة وفشلت فيها من اول سنة ولكن كملت عشان أعلى وعشان اخلص تعليم ولكن برضو فشلت 4سنين عبارة عن فشل وبعد كدا حولت للمجال اللى انا كنت بحبه حاسبات ومعلومات ولكن اتفاجات بوجود مادة زى الرياضة والفيزياء اللى كانو سبب عناء ليا فى هندسة
كل يوم بفكر فى الفشل اللى حصل وكسرها أعلى وضياع حلم وسنين و قت مني
وصلت انى تعبت جدا ودائما دماغي مشتت
ازاى ارجع اعيش طبيعي واعيش حياتى ومرجعش لنقطة الفشل
مش لازم اللي اتكرر يحصل تاني سؤالك بيدل على انك مش عايز تفشل تاني، ولكن بيدل أيضًا على انك خايف أو قلقان. اللي حصل حصل خلاص في هندسة ليه بترجع تاني عندها .. الرياضة والفيزياء دلوقت هل برده هما عائق ليك برده في حاسابات، ولا خوفك منهم عموما هو اللي موترك للدرجة ديه؟ ولكن علشان تعرف تعدي المرحلة ديه، لازم تتجنب خوفك وتخليه على جنب، لانك حاليا خلاص مش ف هندسة، انت في كلية بتحبها وعايز تنجح فيها. شوف الماديتن دول صعبين في ايه؟ وهات حلول ليهم، شوف وجرب واسعى وربنا باذن الله مش هيضيع تعبك. شوف الدكاترة وشوف صحابك وروح مثلا لدكتور واتكلم معاه على مشكلتك فيهم .. لو علاقتك بيه كويسة .. باذن الله هتلاقي حل. لكن اوعي تشوف قدام عينك هندسة واللي حصل فيها. احنا كده كده اساسا لازم نفشل علشان نعرف احنا عايزين ايه في حياتنا. واظن انت عرفت انت حابب ايه وشاطر في ايه ومش شاطر في ايه. من خلال تجربة هندسة. اعرف انها مجرد تجربة .. واتعلم منها وربنا يوفقك باذن الله
تم النشر الخميس، ١٩ يناير ٢٠٢٣
اول حاجه مش معنى انك اخفقت ف تجربه مره انك فشلت مش مواد الكليه هي الي بتحدد نجاحك ومش هتحتاج الرياضه الدسمه دي لما تتخرج ولا الفيزياء يعني هم مجرد مواد انتقاليه بس عشان نحقق هدفنا لازم نواجههم ومعنى انك دخلت هندسه وبعد كده حاسبات ف انت ماشاءالله عليك ذكي ثق ف نفسك وانك هتقدر تعديهم زي معديت حجات كتير قبل كده وفكر ف المواقف الكتير الصعبه الي مريت بيها وكنت فاكر انها نهايه العالم بس اتحلت ونجحت بتفوق فيها كمان ده غير ان معظم طلبه الجامعه بتشيل مواد ومش دايما بيكون بسبب تقصير او ضعف منهم ف كمل انت مفشلتش ربنا يكرمك يارب
تم النشر الخميس، ١٩ يناير ٢٠٢٣
لعرض السؤال في فدني اضغط هنا