سلام عليكم ورحمة الله وبركاته
أنا عندي تبلد مشاعر في الوقت الحالي
لأني ضعيف الشخصية
ومدح الناس بيزود الطين بلة أكتر بسبب كده
بقيت شخص نرجسي ومعفن شايف نفسه على الفاضي
أنا ضايع ضايع ضايع
ومبتلى بحاجات كده ربنا يسترها علينا
ومش عارف أقول للوالد إني عايز أروح لدكتور نفسي
لأن حرفياً ممكن يبقى الوضع فيه تريقة
وأنت مخنوق بقالك يومين بس وكده أعمل إيه
بلاش طبعا تقول لحد من أهلك انك حابب تتعالج خد خطوة انت بنفسك عادى .. تانى حاجة حاول قصص عن الأنبياء كتير وبودكاست، حاول تتعلم حاجة انت مجربتهاش قبل كدا وافشل فيها عادى لحد ما تنجح هيعملك الصبر وانك تشغل وقتك بعيد عن افكار النرجسية عامته مفيش حد نرجسي بيقول ع نفسه انه نرجسي انت هتلاقيك بس مش قادر تفهم نفسك وحابب تكون أفضل واحسن ودة هيكون من خلال مساعدة حد متخصص يحاول يعرفك غ نفسك
تم النشر الأربعاء، ١١ سبتمبر ٢٠٢٤
وعليكم السلام ورحمة الله وبركاته علشان تقوي شخصيتك لازم انت تقول لنفسك انا شخصيتي قويه يعني لازم تكون ايجابي وعلشان تكون قوي الشخصيه من الداخل عود نفسك علي الجرائه ومتهتمش لكلام الناس غير نظرتك في نفسك الاول شوف انت عندك ايه مميزات وخليها تعمل لصالحك انا شايفه ان مشكلتك انك بتكلم نفسك بطريقه سلبيه وتقدر تقوي شخصيتك من خلال مواجهة مخاوفك خليك واثق في نفسك و لو فضلت تقول انا لو عملت كذا او لو اتقدمت خطوه الناس هتتريق عليا طيب مايتريقوا المهم انت تعمل اللي انت حابه وعايزه وعايزه اقولك حاجه متديش لحد فرصه انو يتمسخر عليك اعمل لنفسك قيمه بس مش معني دا انك تتكبر التكبر حاجه والثقه في النفس حاجه تانيه
تم النشر الخميس، ١٢ سبتمبر ٢٠٢٤
انا مش عارف انت حكمت على نفسك انك ضايع ازاي لازم تكون مع اختصاصي نفسي ويعرف جميع جوانب حياتك علشان يقدر يحدد انت ايه بالظبط.. متترددش وقول لوالدك انك عاوز اختصاصي نفسي
تم النشر الخميس، ١٢ سبتمبر ٢٠٢٤
وعليكم السلام ورحمة الله وبركاته عزيزي يجب عليك اولآ ان تفهم نفسك وتقدرها يجب عليك أن تحبها كي لا يأثر عليك ايا انتقاد يجب أن تكون صادق معها ومتوازن من أجل فقدان الثقة ذالك امر شائع لا تقلق خطوات بسيطة يمكنك أن تصبح فخورآ بنفسك قم بتنمية نفسك اقرأ الكتب الثقافيه وايا نوع تفضله حاول قدر الأمكان الإبتعاد والتجاهل الناس المنتقضين وكن انت مهما كان يجب عليك أن تدرك قيمة نفسك يجب عليك أن تدرك انك قوي ويمكنك فعل كل شيء فقط أن كانت لديك ارادة حفظك الله.
تم النشر الأربعاء، ١١ سبتمبر ٢٠٢٤
وعليكم السلام ورحمة الله وبركاته. أولاً، أشكرك على صراحتك وفتح قلبك لمشاركة مشاعرك وهواجسك. من الواضح أنك تمر بوقت صعب، وهذا طبيعي في حياة الكثير من الناس. لدينا جميعًا لحظات نشعر فيها بالضياع أو عدم التوازن. تبلد المشاعر قد يكون نتيجة للضغوط النفسية أو التحديات التي تواجهك. من المهم أن تعرف أن طلب المساعدة هو علامة من علامات القوة، وليس الضعف. إذا كنت تشعر أنك بحاجة إلى استشارة مختص نفسي، فالأفضل أن تحاول توضيح هذا الأمر لوالدك بطريقة تجعله يدرك أن ما تمر به يتطلب الدعم. يمكنك أن تخبره أنك ترغب في التحدث مع شخص يمكنه مساعدتك في فهم مشاعرك وتحسين حالتك النفسية. في الوقت نفسه، حاول أن تركز على الأمور التي تجلب لك السعادة أو الاسترخاء، حتى لو كانت بسيطة. تكوّن أسرة أو صديق جيد للتحدث معه حول مشاعرك هو أمر مهم أيضًا. لا تخجل من التعبير عن مشاعرك واحتياجاتك، واستمع لإرشادات الأطباء والمختصين الذين يمكنهم مساعدتك في السير نحو التعافي والتحسن. تذكر أن كلنا معرّضون للفشل أو الضعف في بعض الأحيان، ولكن الأهم هو كيفية التعامل مع هذه المشاعر والسعي نحو التغيير الإيجابي. أسأل الله أن يفتح لك أبواب الفرج ويعطيك القوة لتجاوز هذه المرحلة.
تم النشر الثلاثاء، ١٠ سبتمبر ٢٠٢٤
حاول تسمع بودكاست طيب او تحب نفسك أكتر وتشوف انها تستحق كل خير والابتلاءات يعني ربنا بيحبك وربنا بيحب التوبة دائماً
تم النشر الأربعاء، ١١ سبتمبر ٢٠٢٤
لعرض السؤال في فدني اضغط هنا