بيتك متسيبهوش.. ده بيتك انت ربنا قال " لا تخرجوهن من بيوتهن".. واخدة بالك من " بيوتهن" مشكلة كبيرة.. يمشي هو لكن تمشي انت وتتبهدلي وتقعدي ضيفة عند حد ليه؟ تسيبي سريرك ومطبخك، وتسيبي ولادك، أو تزعزعي استقرارهم وتاخديهم عند الناس ليه؟ تسيبي له البيت يهيص براحته ليه 🙂 تفضلي تضربي أخماس× أسداس هييجي يصالحني امتى، واتأخر ليه، ومتصلش ليه، ولو كان بارد أو حد زن في ودنه يسيبك تتربي هتضعفي وتخسري وتضطري ترجعي لوحدك.. ولو جه صالحك مرتين تلاتة خمسة، بعد شوية لو الموضوع اتكرر مش هييجي. ازعلي في البيت.. اتخاصموا في البيت خلي عندك أدوات وحركات لو سحبتيها وبطلتيها يحس بفرق ويتعب مش لازم تهددي بالطلاق أو تسيبي البيت كل ما تحصل مشكلة، انت كده زي الي بيقطع شجرة عشان فيه فرع ضعيف أو مريض. فين قوتك كزوجة.. قوتك الناعمة مش قوة المحاربين القدماء الرسول عليه الصلاة والسلام كان بيعرف رضا وزعل أم المؤمنين عائشة من كلمة صغيرة " إِنِّي لَأَعْلَمُ إِذَا كُنْتِ عَنِّي رَاضِيَةً وَإِذَا كُنْتِ عَلَيَّ غَضْبَى ، قَالَتْ : فَقُلْتُ : مِنْ أَيْنَ تَعْرِفُ ذَلِكَ ؟ فَقَالَ : أَمَّا إِذَا كُنْتِ عَنِّي رَاضِيَةً ، فَإِنَّكِ تَقُولِينَ : لَا وَرَبِّ مُحَمَّدٍ ، وَإِذَا كُنْتِ عَلَيَّ غَضْبَى ، قُلْتِ : لَا وَرَبِّ إِبْرَاهِيمَ ، قَالَتْ : قُلْتُ : أَجَلْ ، وَاللَّهِ يَا رَسُولَ اللَّهِ مَا أَهْجُرُ إِلَّا اسْمَكَ " . لما يبقى فيه حاجات حلوة كتير بتتعمل وانتو كويسين دلع وحب وحضن ومراعاة واهتمام، يبقى لما تزعلي مش محتاجة تهدي المعبد، ولا توصلي لآخر مراحل التهديد والانهيار 🔴 خلاصة الكلام بيتك بتاعك انت متمشيش دي مملكتك
تم النشر الاثنين، ١٢ فبراير ٢٠٢٤
0 تعليق
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك