الموضوع كله من اوله كان غلط ..لقيت نفسك معحب بيها كنت تروح لاعلها وتتقدم رسمي ..انت معملتش كده ..وبعد فترة لقيتها جت تكلمك وهي مخطوبه وانت عجبك الموضوع فجاريتها فيه بدل ما تحترم خطيبها او تحط نفسك مكانه او تقول لها ده مينفعش رد فعل اهلها وخطيبها طبيعي جدا وانت المفروض تنساها تماما وتتقي الله وتغير حياتك لما يرضي ربنا مفيش في ديننا صحوبيه وكل واحد وصاحبته ولا حبيبته حضرتك يا بتكون خاطب يا متزوج وهي يا مخطوبه يا متزوجه مفيش حاجه اسمها صاحبتي ربنا يصلح لك حالك ويهديك للخير
تم النشر الأربعاء، ١٨ يناير ٢٠٢٣
هي حبت حبك ليها
تم النشر الأربعاء، ١٨ يناير ٢٠٢٣
كل التفاصيل مش مهمه خالص بصراحه لان الخلاصة واحده. متعرفش عنها حاجة ومتحاولش تعرف عنها حاجة ولا اصحاب ولا غيره ولا ينفع اى شىء بينكم. وبلاش التجمعات اللى بتؤدى للعلاقات الملغبطة دى وحط حدود اجتماعيه متسمحش بده.
تم النشر السبت، ٢١ يناير ٢٠٢٣
على ما اعتقد الكلام ده حصل في سن صغير مش كده؟ على العموم ردا على سؤالك .. هي حبتك؟ لأ وأقولك على كمان انت كمان محبتهاش. انا عرفت ده من اول سطر ليك في طرح مشكلتك .. انت اول ما شوفتها حبيتها؟ هل يعقل انك اول ما بتشوف انسان تحبه .. لأ طيب امال ايه اللي بيحصل يعني الشعور ده ايه مثلا؟ ده اسمه انجذاب .. مش حب والانجذاب ده ممكن تحسه ناحية كذا شخص بشرط يتوافر فيه عملية الانجذاب الاولى فيه واللي هي زي ما بنقول (الكيميا). لكن الحب لأ .. ده مكانش حب. وهي ممكن تكون انجذبت ليك، وحبت الاهتمام بتاعك، طبيعي جدا لما انت تهتم لحد وتبين ليه اللهفة بتاعتك والاعجاب .. طبيعي هيتشد للكلام ده. تاني حاجة .. الموضوع بعد كده برده فضل مكمل غلط .. هي اتخطبت وانت رغم انك عارف انها مخطوبة فضلت تكلمها وهي كمان فضلت تكلمك، طيب بالنسبة للشخص المخدوع خطيبها ده ايه؟ هل تقبل على نفسك في يوم من الايام كده؟ واحدة تخدعك وتكلم واحد تاني من وراك.! محدش هيرضي على نفسه كده؟ هي حتى لو مكانتش بتحبه .. كانت على الاقل تحترمه .. وتحترم وجود شخص في حياتها .. وتتكلم معاه وتصارحه انها مش قادرة تكمل معاه وانها على سبيل المثال كانت معجبة بحد. بس هي معملتش كده .. هل شايف ان الموضوع صح؟ هل شايف انها اساسا تصرفتها صح؟ راجع نفسك وراجع حساباتك.
تم النشر الأربعاء، ١٨ يناير ٢٠٢٣
هو المفروض اول مكنت اتعلقت بيها واعجبت بيها كنت رحت لأهلها وكلمتهم وطبعا غلط جدا تكلمها وهي مخطوبه تخيل ان نفس الموقف اترد فيك يوم من الايام رد فعلك هيكون ايه .... والبنت شافت حالها وادت كذا فرصه تثبتلها انك عايزها مش بالكلام بس لا بالفعل يعني حصلها مشكلتين كان ممكن تظهر ف الصوره وتخطبها بس انت معملتش كده ف هي مشيت وقررت انها تبدأ حياه جديده ده احتمال واحتمال تاني انها اتأذت جدا من علاقتكم واهلها مبهدلنها وساحبين فونها ف متلومهاش على اي حاجه ولو فعلا بتعزها سيبها تشوف حياتها بشكل صح او حارب عشان تكون معاها
تم النشر الأربعاء، ١٨ يناير ٢٠٢٣
هي في اول محنة ليها لجأت لحد بيحبها مش حد بتحبه .. طبعا تصرفك وتصرفها كانوا غلط طبعا قلقك حقيقي بس انت محتاج تكمل حياتك لان حتى لو هي رجعت مفيش امل انكوا تبقوا مع بعض على الاقل عشان اهلها
تم النشر الأربعاء، ١٨ يناير ٢٠٢٣
لعرض السؤال في فدني اضغط هنا