مش عارفه احكي اي ولا اي بس الملخص ان جمدت قلبي و اي مشكله تحصل او صدمه تحصلي من اقرب الناس ليا او اتخذل بجمد قلبي و مبعيطش و بتعامل ببرود رغم ان ببقي بموت جوايا و حزينه و مقهورة علي نفسي و بقعد ادور ع اي مكان فاضي اعيط فيه عشان معيطش قدام حد و يتقال عليا ضعيفه و زنانه و تافهه و كدة كدة مش بلاقي اهتمام اصلا فبقيت باخد اي حاجه بتحصل وحشه بضحك و مبقتش بعرف اعيط خالص الوقت الوحيد اللي ببقي حساسه زياده ع اللزوم وقت البيريود بس فغصب عني بعيط و اما بيشوفي كدة بيقولوا اني دراما و بعمل صعبنيات عشان كدة بقيت كل م احس اني اعيط بزعق لنفسي من جوايا و بقول اسكتي خليكي جامدة انا مش مضايقه من الحوار هو اة وحش و غلط عشان بيجي ع صحتي و اما بزعل النفس بيروح جسمي يسيب بدوخ وشي بيطلع في حبوب بس المهم اني مسمعش كلمه تأذيني اكتر من اللي بسمعه انا مشكلتي دي بقت بتكبر و مبقتش بتأثر بحاجه يعني اما ماما بتتعب يغم عليها انا بتنح حتي مش بعرف اساعد انها تفوق بفضل ساكته و بتفرج بابا برده اما بيجي عليه وقت و بيجيله انهيار عصبي بسبب الظروف و النفسيه و كدة بقعد ساكته و ممكن اضحك كمان و مش بدخل في حاجه حتي اني اهديه لا بخش انام و ابعد عن التوتر وخلاص دلوقتي هما بقوا شايفني انهم مش فارقين معايا مش بزعل عليهم و كدة و اخواتي بيقولوا دي بتبقي قاعده بتتفرج و خلاص عايزة حل عارفه ان دي مشكله نفسيه عندي و مدركه دا بس مش عارفه اقنع نفسي ان لازم احل دا عقلي بيقولي كدة احسن هما كانوا بيتهزقوا بكل حاجه بقولها حتي مش بيدوني اهتمام اقول رأيي و كدة فبقيت اكبر دماغي من كل حاجه مع اني مش بنسي بس بقعد اقول لنفسي مفكرش عشان ماضايقش خليني مسالمه و مكبرة دماغي
اعالج دا ازاي و لا افضل كدة انا بس عارفه اعمل اللي يرضيهم و لا اللي بيريحني
صح هو ده الصح اتعامل ببرود عشان تعرف تعيش الزعل ممكن ان يموت الشخص
تم النشر الأحد، ١ أكتوبر ٢٠٢٣
هو طبعا غلط اننا نكبت مشاعرنا، ليه عايزة تغيري الطبيعة البشرية والانسانيات اللي اتخلقنا بيها! انا عارفه انك بتعملي ده كله علشان متتألميش، كل مشكلتك حوالين الالم. مع ان الالم مهم في حياتنا زي الفرح بالظبط، بل انه اهم كمان .. من وجهة نظري. لان الالم هو اللي بيشكل الانسان، الالم هو طريقه للنور، الالم هو المعرفة. وانتي بتحاولي انك تقمعيها حاليا. لحد ما يجي عليكي يوم وهتنهاري، الكبت ده نتيجته هتكون مش كويسة ابدا بعد كده. سيبي نفسي تحس، وتتألم .. لان اللي بتعمليه انك بتجمدي قلبك، طيب وبعدين، هل اتعلمتي من المشكلة؟ الناتج صفر. يعني دلوقت اتخذلتي، حد عمل ليكي مشكلة، ايا ماك كان اللي حصل .. انتي متعلمتيش من التجربة. واول الطريق اننا نتعلم هو اننا نتألم.
تم النشر الخميس، ٢٨ سبتمبر ٢٠٢٣
طبعا انتى اخدتى نفسك بعيد عن الطبيعه اللى ربنا خلقك عليها لين القلب من الحاجات اللى بتحدد انسانية الواحد ...ده الواحد ممكن يدخل الجنة عشان لين قلبه بس انتى قيمتى الاذى والدفاع غلط ....الاذى الحقيقى انك تشوهى نفسك عن طبيعتها بهدف الدفاع عنها وقت هجوم الاخرين . الحالة دى هتحتاج انك تشيلى طبقة الحديد اللى صبتيها بايدك على قلبك ..حطى نفسك فى مواقف عدت عليكى وزعلتى بس معيطييش ...فكرى نفسك قد ايه زعلتى بس المره دى عيطى بالعافيه ...ايوه انشالله تمثلى العياط . الخشوع فى الصلاه وانك تدعى ربنا يلين قلبك ويبعد عنك القسوة .,..هيساعدك اكيد مش مهم مين يقول انى دراما ولا انا فى نظرهم ايه ..المهم انى اكون طبيعيه
تم النشر الخميس، ٢٨ سبتمبر ٢٠٢٣
وده بسبب اي
تم النشر السبت، ٣٠ سبتمبر ٢٠٢٣
اول حاجه انتي شبهي ف حكايه اني كنت بعيط على طول ف فتره فحياتي بعد ما امي ماتت ربنا يغفر لها ويرحمها وعافها وعفو عنها وجعل قبرها روضه من رياض الجنه ولا تجعله حفره من حفر النار كنت بعيط كثير اي كلمه بتأثر فيا مع أن ممكن الكلام ده يكون عادي بس كنت بعيط لحد ما جه اخويا قالي انتي بتعيطي على كل حاجه انتي مش هتكبري الكلام ده اثر فيا جامد مكنتش بعيط نهائي كنت بقول مفيش حاجه تستاهل اني اعيط عليها كان يحصل مشاكل موته اي حد قريب ولا بعيط ولا حاجه كنت عادي لاني امي كانت غاليه جامد ف كنت بقول أن مفيش حد بعدها يستاهل اني اعيط عشانه منكرش اني ده تعبني جامد لان كانت مشاكل بتجيلي مكنتش بديها اهميه لمن ده سبب ليا تراكمات اني بتعب كثير من الزعل أنا من النوع الي بحب أنا ازعل اقعد مع انفسي افكر ف حل لاي مشكله بس انا مع اهلي وأصحابي يعني بتأثر بتكلم معاهم يعني هما معايا ويتكلم معاهم عادي انتي مشكلتك انك مش بتكلمي مع حد هقولك كل واحد بيمر بوقت صعب عليه لازم تدي كل مشكله وقتها ف الزعل عشان ده هيأثر عليكي بعدين حاولي تصاحبي حد تحكيله لازم تتكلمي مع عائلتك حتى لو هما مش بيفهكوكي معظمهم مش بيبقوا فاهمين احنا بنمر بإيه وكل حاجه اننا بندلع قربي منهم صحابي اخواتك وبإذن الله حالتك تتحسن
تم النشر السبت، ٣٠ سبتمبر ٢٠٢٣
لعرض السؤال في فدني اضغط هنا