اوقات كتير ببقي محتاجه دعم من الي حواليا وفي الغالب مش بلاقي الدعم ده في الوقت المناسب وده ممكن يأثر علي نفسيتي ازاي اتخطي ده واكون أنا الداعم والساند لنفسي
بالظبط .. زي ما قولتي أوقات كتير الواحد مش بيلاقي الدعم اللي عايزه، أو مش بيلاقي دعم اصلا. وفي الحالة ديه المفروض الواحد ميستناش الدعم من حد. ازاي الواحد يعمل كده؟ أساس أي سلوك هو فكرة، والفكرة اقتناع. يعني دلوقت أنا لو اقتنعت بإن اساسا الحياة مفيهاش ضمانات، وبالتالي صعب جدا اني اتوقع ان فيه حد ممكن يدعم أو لا! هسأل نفسي سؤال إفرض مش معايا حد، أفرض مفيش حد يدعم، أو يساند؟ هعمل إيه ..؟ يعني هل هقع لمجرد أن مفيش حد يقول كلمة حلوة مثلا؟ أكيد لأ .... اقتنعي الاول بنفسك واقتنعي أن لو مفيش حد يجي يسند انتي نفسك الساندة والداعم. اقتنعي وثقي واشتغلي على نفسك اولا، لأنها بتبقى مشكلتنا احنا مش مشكلة حد بدعم ولا لا. بتمنى ليكي التوفيق
تم النشر الجمعة، ١٦ ديسمبر ٢٠٢٢
مش هتكونى ابدا الداعم الوحيد ...بس ممكن اوقات زى دى تفتكرى كل مره بدأتى حاجة لوحدك وخلصتيها لوحدك من غير ما حد يعرف عنها حاجة واكونى فخورة بنفسك بسببها. بالطريقة دى هتدعمى نفسك بانك تفكريها بانها اعتمدت على نفسها وانجزت وانها مش ضعيفه ولا هيتوقف مجهودها على دعم الاخرين. طريقة تانيه: انك تطلبي الدعم...دايما يكون عندك حد ثقه ..تطلبي منه يدعمك ويقولك رأيه ويشجعك .ودى مش حاجة هنتكسف منها ..ده احتياج هيفرق معانا يبقي نطلبه عادى
تم النشر الأحد، ١٨ ديسمبر ٢٠٢٢
علي الانجازات الصغيره والكبيره ؛ مثلا لو ذاكرت الشابتر ده هسمع فيلم بعده ، لو صليت ال٥ صلوات هشتري لنفسي أندومي مثلا ؛ حتى لو التارجيت كبير خلي المكافئه كبيره مثلا لو جيبت أمتياز الترم ده هشتري لنفسي دريس مثلا ؛ كدا يعني ؛ و مش لازم اكافئ نفسي بحاجات ماديه بس دا ممكن اكافئ نفسي ب أن انام كتير مثلا
تم النشر الجمعة، ١٦ ديسمبر ٢٠٢٢
كافئي نفسك أول باول
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا