انا مريضه ب بحبي ل ماما حرفيا مبحبش اشوفها تعبانه حتي لو شوية صداع ، وبحب اسألها كتير انتي كويسه حاجه تعباكي، وهي نايمه بتابع نفسها وبخاف اووي عليها ودي حاجه مش مخلياني عارفه انام كويس ولا اعمل اي حاجه لو تعبت شوية تعب حياتي بتقف حرفيا اعمل اي انا تعبت والله، عارفه انها بتتضايق شويه من كتر اسألتي بس والله غصب عني ،
حبيبتى..مقدرش اقولك علاج عشان حب ماما مش مرض . هو التعلق هو المرض الخوف هو اللى مرض ماما ربنا يبارك فى عمرها بالنسبالك مصدر امان..طبعا انتى خايفة ان الامان يروح لا قدر الله. متعلقة انتى بوجودها بسبب انكم اكيد عايشين اغلب التفاصيل سوا مع بعض بعيد عن اى حد . انا كان بيحصل ده معايا وانا صغيرة وكنت بنهار لو ماما اتأخرت بره....بس بعد ما كبرت وبدأت افهم ويبقي ليا علاقات ونشاطات خارجية وكمان لما قربت وتعلقت بعلاقتى بربنا عرفت انه مينفعش نتعلق بحد ولا باى شىء ع الارض اكتر من ربنا. بالراحه على نفسك وكل ما تحسي بكده خدى نفس عميق واشربي كوبايتين ميه كبار و قولى لا حول ولا قوة الا بالله وسبحان الله كتير. رجعى كل حاجة لله الخالق ....اللى انعم عليكى بماما وبحبك ليها هو الجدير بالحب الاول والتعلق وكل شىء دونه يزول ويمر الا هو الله باقى.
تم النشر الأربعاء، ٢٢ فبراير ٢٠٢٣
ربنا يخليلك مامتك ويديها الصحه والعافيه يارب بس الموضوع اكيد مرهق عليكي وع اعصابك ونفسيتك طبيعي نحب اهلنا ونخاف عليهم لكن لما بيزيد بيتحول لقلق مرضي وده بيكون ليه اساس من الطفوله زي انك متعودتيش تنفصلي عن مامتك خالص ف الطفوله ... وده محتاج منك شويه مقاومه وتساعدي نفسك اول حاجه لو بتنامي معاها ف نفس الاوضه نامي ف اوضه تانيه واي افكار قلق حاولي تشتتيها بأستغفار وتسبيح وبتمارين الاسترخاء واتطمني عليها مره واحده وبوسيها قبل متنام ولو جالك فكره هقوم اتطمن عليها متستجبيش وخلي فكره تانيه معاكي ترد وهي انا شفتها قبل متنام وهي كويسه ان شاءالله هنام عشان اصحى اعرف لقعد معاها اليوم كله حاولي متستجيبيش لأفكار انك تطمني كل شويه وشتتيها او واجهيها بأنك مش هتنفذي دلوقتي خالص وهتحسي غالبا بقلق وتوتر ف البدايا حاولي انك تسترخي اكتر بتمارين الاسترخاء والتنفس
تم النشر الأربعاء، ٢٢ فبراير ٢٠٢٣
وتقبلت فكرة أن مش معني اني مركز كتير معا امي كده هي مش هتتعب ولكن صرفت تفكيري في حاجات انفع زي ان لو قدر الله تعبت بسبب حاجة معينة اكون عارف علاجة مثلا او ايه اقدر اعمله لم يحصل اي حاجة
تم النشر الأربعاء، ٢٢ فبراير ٢٠٢٣
كان نفس الموضوع بالظبط معايا
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا