وعليكم السلام ورحمة الله وبركاته ، انا آسف جدا للى انتى مريتى به ومتفهم تماما ان دا موقف سببلك ألم وآثر على مشاعرك جدا.. لكن خلينا نتكلم سوا.. من الطبيعى انك تحسي بالكره والغضب تجاهه بسبب الى حصل دا رد فعل طبيعى منك.. انا مش عارف عملتى كدا ولا لا بس حاولى تتكلمى مع شخص قريب منك بتثقى فيه زاى والديكى او حد كبير من العيلة ، يقدر يوفرلك الدعم العاطفى والنفسي وهيساعدك انك تاخدى خطوة مناسبة وصح وهيريحك جدا انك تبقى معرفة حد.. وقت ماتكونى موجودة ف مكان معاه حطى حدود واضحة في التعامل معاه واتجنبى التعامل معاه او الكلام لو ممكن.. الكره شعور طبيعى فى موقفك دا لكن متخلهوش يسيطر ع حياتك لازم تتعاملى نفسيا معاه ومتخلهوش يحركك.. كونك عاوزة تخلى والدتك تكره ابن خالك دا مش حل ولا انتقام.. وف نفس الوقت مش قادر اقول لك متعمليش حاجة فانا رأيي حل من ٢.. يا إما تحاولى تتناسى وتتجنبى التعامل معاه ودا هيبقى موقف سلبى جدا ولا أفضله.. يا إما تاخدى موقف شجاع وجريء وتشرحى الموقف لأهلك ف البيت وتواجهيه بس ساعتها هيكون الموقف صعب جدا وممكن يخسر العيلة بعض.. فكرى كويس ايه الاصلح ليكى.. دا موقف حساس جدا والمهم هو سلامتك النفسية والجسدية متتردديش فى طلب الدعم والمساعدة من الى بيحبك ويخاف عليكى..
واكيد مش هتقدرى تواجهيه بالى عمله ف وشه منعا للمشاكل.. هو فى كذا احتمال ياما بيتعامل من باب إنه مش شايف نفسه عمل حاجة ولو حد كلمة هيقوله كنا صغيرين ولعب وهزار او هو خايف فعلا وبيحاول يلطف الدنيا معاكى من باب انك تنسى وتسامحيه ع الى حصل او ان هو متعلق بيكى فبيحاول يقرب.. اصل إيه الى يخلى حد مش طايقنى اتعامل معاه كدا احاول اقرب منه يعنى؟! غير حاجة من ال ٣ دول.. الشاهد مش مهم دلوقتى هو بيعمل كدا ليه.. انتى زاى ماقلنا فوق تجنبيه نهائى واقفشيه كتير بس بحرفنة من غير مايعملك مشاكل وانتى ماتسعيش انك تعملى مشاكل معاه تجنبا لمشاكل اكبر وحكى وحوارات مالهاش لازمة..
تم النشر الاثنين، ١٣ يناير ٢٠٢٥
لاء ملمحش لحاجه ذي كدا ، هو بقا مبيحبنيش ذي منا مبحبهوش
تم النشر الاثنين، ١٣ يناير ٢٠٢٥
هو عمل كدا عشان هو انسان مريض نفسيا وماخفش على عرضه ولا راعى دينه ولا خد باله إنه اخ كبير اعتباريا والمفروض يكون قدوة.. وانتى آسفة مالكيش ذنب فى كل دا ومضطرة تتحلمى المسئولية... انا عندى سؤال معلش هو عاوز يرتبط بيكى ؟ او بيلمح لحاجة زاى كدا ؟
تم النشر الاثنين، ١٣ يناير ٢٠٢٥
أنتِ مش لوحدك في اللي مرّيتي بيه، واللي حصل معاك مش غلطك. أول حاجة لازم تعرفي إنك تستحقي الأمان والاحترام، ومفيش حد يحق له يتعدى حدودك. لو مش قادرة تقولي لحد في أسرتك دلوقتي عشان خايفة من المشاكل، ممكن تلاقي حد تاني تثقي فيه زي مستشار أو شخص كبير في العائلة يساعدك. في كل الأحوال، لازم تفتكري إن السكوت عن الموضوع مش هيساعدك، بالعكس ده ممكن يسبب لك أذى أكبر. فيه مؤسسات بتدعم حالات زي دي وبتقدر تساعدك تتعامل مع الموقف بطريقة صحيحة. أنتِ قوية، وده مش نهاية القصة، فيه دايمًا أمل في كل موقف صعب. لو احتجتي لأي مساعدة، مفيش مانع تطلبيها
تم النشر الأحد، ١٢ يناير ٢٠٢٥
بابا عارف ان بدايق منو و مبحبهوش بس هو مش هيقدر يقولو متجيش خصوصا ان هو بيجي زياره من محافظه تانيه مع خالي و عيلتو ، بابا بردو عمرو مهيرضى ان هو يأڤور في الهزار معايا بس هو بينزل لما هم بييجوا عشان يسيبهم على راحتهم ، و هو معندهوش دم او احساس ان بردو المفروض اقعد على راحتي و مبينزلش ، هو جو مقرف فعلاً مش قادره استوعب ليه عمل كدا انا كنت بعتبرو اخويا الكبير خصوصاً ان معنديش اخوات ولاد و هو الي كان متربي معايا
تم النشر الأحد، ١٢ يناير ٢٠٢٥
هو بيلعب على نقطة انك مش طايقاة وبيتبارد ف الموضوع وعارف انك مش هتتكلمى ففارد نفسه... مش هيلم نفسه غير لو خاف منك ومش هيخاف منك الا لو مسكتى عليه غلطة او حاجة تهدده.. جو مقرف وسلبى حقيقى
تم النشر الأحد، ١٢ يناير ٢٠٢٥
عاوز يوصل باسلوبة دا إنه يجرك انك تغلطى فيه بيستفزك عشان تبانى انتى الوحشة وهو المظلوم.. هتلاقيه بيحاول يكون حبيب الكل.. حاولى تتكلمى مع والدك بلاش والدتك اكتر من مرة انك كبرتى ومابقاش ينفع حد يجى يبات عندكم لانك مش هتكونى مرتاحة.. وابعدى عنه قدر المستطاع واقفشيه لو حاول يهزر معاكى.. حطى حدود لتعاملك معاه من منطلق الدين.. وخلى حد يتكلم معاه إنه يتجنبك.. ماينفعش تقفى ساكتة وخلاص لازم تاخدى اكشن..
تم النشر الأحد، ١٢ يناير ٢٠٢٥
شكرا لكلام حضرتك، بس انا فعلا مش هقدر اقول لحد خصوصاً إن هو ابن خالي و ده هيوقعهم في بعض و كمان بابا صاحب خالي جدا يعني لو قلت هكون وقعت كلو في بعضو ، انا اتخطيت الموقف شويه و لكن وجوده قدامي بيعصبني و كل مدى بكرهه اكتر كنت بتجنب ان اتعامل معاه و مروحش لتيتا و اقولهم مباخدش راحتي هناك او اتلكك ان مش فاضيه و هعمل حاجات كتيره و كمان بارد في تعاملو رغم ان عارف الي عملو كويس يعني على الأقل يوقف تعامل معايا او يحس حتى بندم شويه لكن بيتعامل قدامهم عادي و كمان بيهزر معايا و كدا و انا مبحبش كدا و هو عارف و باين ان مش طايقاه لكن بحاول ارد و كدا عشان محدش من العيله يفهمني غلط و لما اجي اقولهم بكرهه و بكره وجوده يقولو مش للدرجادي دا طيب و ابن خالك و كلام من ده و ليه كدا، و رغم كل الي حصل و تعاملي الوحش معاه بردو بيجي عندنا و يبات كمان ،مش قادره افهم هو عايز يوصل لإيه ب اسلوبو معايا ؟، مش عارفه اتصرف معاه ازاي
تم النشر الأحد، ١٢ يناير ٢٠٢٥
لعرض الإجابة في فدني اضغط هنا