هو الجواز حلو يا جماعة ولا لا عاوز اعرف قبل ما اخد اي خطوة حد يفدني ياريت
لو فهمت معنى الزواج هتعرف انه مفيهوش حلو ووحش. الزواج احتياج فطرى ...جسدى ونفسي. الزواج سنه ورسولنا الكريم اوصانا بالزواج وعدم الانعزال عنه. الزواج لو نيتك فيه خير...فهيكون زيادة حلوة فى حياتك . ولو نيتك دخل فيها شىء سىء فاكيد النتيجة مش هتكون فى صالحك. الزواج اعتبره زى الزراعة...الاول اختار الارض اللى هتزرع فيها كويس واختار اللى هيشاركك فى رعاية الارض كويس واتاكدوا انتوا الاتنين انكم بتفهموا فى الزراعة وبعدين راعى الزرع بتاعك كويس اوى ولو حصلت مشكلة عالجها صح بدل ما تنتشر فى الارض كلها...وباذن الله تحصد خير فى الدنيا والاخره.
تم النشر الجمعة، ٣ فبراير ٢٠٢٣
السؤال هنا انت ايه اللي مخوفك ؟ وانت لو عاوز تتجوز .. هتتجوز ليه؟
تم النشر الجمعة، ٣ فبراير ٢٠٢٣
الزواج رابط مقدس وموده ورحمه وامان ...هيكون علاقه ناجحه وصحيه وامنه لو الاختيار كان كويس كان في توافق بين الشريكين والتوافق ده نفسي وعقلي واجتماعي وعلمي وعملي وعائلي وان يكون في نبته لمشاعر حب ووده بينهم هتكون العلاقه كويسه واي علاقه ف الدنيا لازم تمر بمشاكل وصعوبات والي بيعدي الصعوبات دي وعلاقتهم بتكون اقوى مع المشاكل ده بيبقا مؤشر لنجاح العلاقه ومدى انسجامهم طبعا مش هننسى المسؤوليات الطبيعي ان الزواج مسؤليه وده مش مسؤليه الراجل بس لا ده مسؤليه مشتركه بين الشريكين فكلما كان في توازن ف المسؤليات كانت العلاقه مستقره وكل واحد عارف حقوقه وواجباته وبيأديها بتوازن وانه مش دايما يقدم حقوقه واحتياجاته عن حقوق واحتياجات الشريك لازم يكون الموضوع مرن ابقا عارف امتى لازم انحي حقوقي واحتياجاتي وابقي احتياجات الطرف الاخر
تم النشر الخميس، ٢ فبراير ٢٠٢٣
كلام تمام جدا يعني اخد الخطوة دي ولا لا
تم النشر الخميس، ٢ فبراير ٢٠٢٣
لعرض السؤال في فدني اضغط هنا