ازاى اعرف وافهم نفسى
طبيعة شخصيتك انك باحث عن الهوية..و نصيحة مني لله ما تركزش مع نفسك اكتر من اللازم و ركز في الحياة عشان اللي انت عايزه دة ممكن يضرك و يعمل لك ازمات نفسية ..
تم النشر الجمعة، ٩ يونيو ٢٠٢٣
أقعدي معاها بورقة وقلم، أكتبي عيوبك ولو مش عارفاها فكري فيها، وأكتبي مميزاتك، أكتبي أكتر صفة بتحبيها فيكي، وأكتر صفة مبتحبهاش وتتمني تتغلبي عليها ومتكنش فيك، واكتبي الحاجة ال بتحبي تعمليها، وال شغفك فيها، أكتبي ال بيضايقك من الناس ال حواليك ونوع الناس ال بتحبي تتعاملي معاهم، أكتبي عاوزه إيه وهدفك إيه، الإنسان طبيعي بيلاقي نفسه تايه لو وقته علي السوشيل وليله زي نهاره، لازم يكون في يومك وقت لنفسك لوحدك ريحي دماغك وفكري وتأملي، ومتنسيش أحنا هنا فالدنيا وجهتنا الأساسية الصلاة وعلاقتنا بربنا، ف طبيعي من غيرهم ضايعين💜
تم النشر الجمعة، ٩ يونيو ٢٠٢٣
انت ممكن تقرأ كتاب انا مش فاهمني للشيخ حازم شومان
تم النشر السبت، ١٠ يونيو ٢٠٢٣
في كتاب جميل جدا لدكتور عبد الرحمن ذاكر الهاشمي اسمه *فقه النفس* جربي تقرأي ممكن يساعد , تقدري تحملي اونلاين دوري علي الاسم الكتاب و الكاتب. الكتاب صغير جدا حاجة شبه دليل كدة مش مكمل 100 ورقة ده غير انه عامل شرح ل ابوابه في جلسة حوارية علي YouTube لو عملتي search بنفس اسم الكتاب. و كلمة من عندي حابب اقلهالك ان في ناس كتير بتعيش حياتها تعرف عن كل حاجة حواليها تخصها و متخصهاش إلا نفوسها رغم انها اول حاجة جينا بيها الدنيا , سؤالك في محله و قرار صح فعلا ... بالتوفيق 💜
تم النشر السبت، ١٠ يونيو ٢٠٢٣
فكرت اعمل كده بس تجاهلت الموضوع معرفش ايه السبب يمكن لانى مبتكلمش مع حد خالص وبفضل السكوت
تم النشر الجمعة، ٩ يونيو ٢٠٢٣
أكتب أى حاجه بتحس بيها او بتيجي فى خاطرك فى note book صغيرة هيا هتكون فى جيبك وقت لما تلاقي فى فكره فى نفسك و عايز تكتبها اكتبها أو فى فكره مخلياك مدايق اكتبها داوم على كده اسبوع و فى اخره اقرأ أنت كاتب إيه لو مش عايز تكتب كل يوم بليل سجل لنفسك ريكورد اتكلم فيه عن اللي فرحك و زعلك فى يومك و بعد فتره اسمعه تاني بس نصيحه ابعد عن الكتابة على التلفون علشان لما بتكتب على التلفون مبيكنش الكلام معبر أوي فهيبقى ناقص حاجات كتير.
تم النشر الجمعة، ٩ يونيو ٢٠٢٣
نفس مشكلتى و فى الاخر بدايق من نفسى و معرفش انا عايزه اى و ارجع لنقطه الصفر تانى 🥲🥲
تم النشر الجمعة، ٩ يونيو ٢٠٢٣
حاولي تفضي وقت بينك وبين نفسك كتير
تم النشر الأربعاء، ١٤ يونيو ٢٠٢٣
ورقة وقلم وإسأل نفسك وهي راح تجاوبك بالتفصيل الممل
تم النشر الأربعاء، ١٤ يونيو ٢٠٢٣
انا بشوف ان ده بيحصل من التجارب المختلفة و ردود فعلك عليها يعني مثلا انا جربت اكلة فلانة لقيتني محبتها عرفت معلومة جديدة عن تفسي اني مش بحب الاكلة ده و هكذا و لكن المحراب ده لازم اتأكد أن ينفع ادخلها زي مثلا مثلا هلي ينفع اكل لحم خنزير لا فمدخلش التجربة من الأحساس و احط لنفسي مبادئ تحميني من دخول اي تجربة غلط
تم النشر الأحد، ١١ يونيو ٢٠٢٣
سؤال فلسفى وانا بحب الفلسفه بس مش هتفلسف كتير متقلقيش😂 بصى بأختصار تفهمى نفسك( بالمراقبه) راقبى تصرفاتك وأفعالك وردود أفعالك وتطلعاتك وطموحاتك، النفس بشكل عام غامضه ومستحيل فهمها فهم كامل ولكن ما لا يدرك كله لا يترك جله، فبنحاول نفهم الى نقدر عليه عشان الحلو نكتر منه والسئ نحاول نصلحه بس كده. سؤال مهم فعلا لأن عدم مراقبة الذات أمر خطير لأن الأنسان بحاجه دائمة للأصلاح من نفسة أتمنى أكون قدرت أفيدك.... بالتوفيق
تم النشر السبت، ١٠ يونيو ٢٠٢٣
لن تحصلي على إجابة مفيدة من غير تفاصيل - يمكنك تعديل السؤال وإضافة تفاصيل أكثر
تم النشر الجمعة، ٩ يونيو ٢٠٢٣
لعرض السؤال في فدني اضغط هنا