ما هو علاج الكسل وحب الأنتخه؟؟
وبيجي أوقات ممكن أنام ١٥ ساعه متواصله هل ده تعب وهل ليه علاج؟؟
أنت محتاج حاجه تحمسك أنك تكمل باقي حياتك فحاول توجد لنفسك مجموعه أهدافك ودوافعك ليها هتجبرك علي الالتزام عود نفسك علي النوم بالليل بدري علشان صلاه الفجر فاربط وقتك بالعبادات وقتها هتجبر نفسك علي الالتزام المهم يكون عندك حاجه تدفعك أنت تقوم وتبذل مجهود حتي لو هتروح جيم وتمارس الرياضة أو هتقابل الاصدقاء
تم النشر الجمعة، ٢٥ نوفمبر ٢٠٢٢
كلنا بنحب الانتخة والراحة ده طبيعي لكن بمستويات .. اللي وراه مسؤولية أو هدف عايز يوصله أو أي دافع بيحركه هيبقى بالنسباله ده احسن من انه مأنتخ. 1- نحاول نكشف ونعمل تحاليل نتطمن اننا كويسين او لو في مشكلة نعالجها. 2- اتطمنا وكله تمام؟ .. نحدد لنفسنا حاجات نعملها الزامية كل يوم حتى لو نص ساعة رياضة مثلا. 3- كل اسبوع نزود مهمه جديده نعملها زي اننا نتعلم حاجه جديده او نشتغل وهكذا. 4- كل اسبوع ندي مكافأة لنفسنا حتى لو هتشتري لبان .. اي حاجه بتحبها المهم متبقاش المكافأة اننا هنأنتخ يوم ولا ناخد اجازة من حاجه الزامية ورانا. 5- لو قدرنا يبقى في ناس قريبه مننا تشجعنا ونستمد منها طاقة ودعم حتى لو بنعمل حاجه بسيطه مش على قدر كبير اووي من الاهمية بالنسبة للشخص ده. 6- لعب الرياضة والدش بتاع الصبح بيفوقوا وبيجروا الدورة الدموية ف الجسم وهيفيدونا ف اننا منرجعش للسرير تاني. 7- اي نشاط مهما كان مينفعش ابدا ابدا ابدا يكون على السرير.. ويفضل ان منبقاش ف الاوضة اصلا واي حاجه نعملها بره الاوضه عشان منكسلش ونلاقي السرير واخدنا بالحضن 😂. 8- منتضايقش من نفسنا ولا نفقد الامل لما نلاقي نفسنا كسلنا يوم ولا طنشنا الحاجات اللي ورانا .. ده طبيعي جداً خصوصاً ف الاول .. المهم اليوم ميجبش اللي بعده واللي بعده .. بوظنا يوم؟ مش مشكلة نبدأ تاني يوم.
تم النشر الأربعاء، ٣٠ نوفمبر ٢٠٢٢
هدف يحمسك تتحرك هتلاقى نفسك بتنام ممكن 4 ساعات وطبعا الافضل تعمل تحاليل لاطمئنان ان مفيش اى سبب عضوى يوجد اسباب كتير ملهاش اى اعراض غير النوم الكتير
تم النشر الأربعاء، ١٦ نوفمبر ٢٠٢٢
هي اوقات انك تنام 15 ساعه ده بيبقي ارهاق في اليومين اللي قبله ولا حاجه فا بتنام فا جسمك بيبدا يستريح فا مش بتقدر تقوم وده طبيعي عند اي حد بس هو عايز بس اراده انك تقدر تقاوم الكسل ده وتقوم
تم النشر الأحد، ٤ يونيو ٢٠٢٣
اقرا كتاب قاعده الخمس ثواني
تم النشر الخميس، ١ ديسمبر ٢٠٢٢
لو شاكك ان الموضوع مرضي ممكن تكشف كنوع من الاطمئنان
تم النشر الثلاثاء، ٢٩ نوفمبر ٢٠٢٢
حافز
تم النشر الجمعة، ٢٥ نوفمبر ٢٠٢٢
لعرض السؤال في فدني اضغط هنا