السلام عليكم ورحمة الله
انا اسمي جني وعندي 17 سنه ومسلمه الحمد الله دلوقتي انا علشان رمضان قرب وكده فبفكر اني اقرب من ربنا واتحجب ومش حجاب في رمضان بس لا وبعد رمضان كمان وعلطول يعني بس مش عارفه يعني جربت طرح من ماما وكده حسيت اني شكلي غريب شويه وبعدين انا اصلا عندي شويه عدم ثقه ف نفسي ومش بحب شكلي اوي فمش عارفه
اخواتي قالولي انو عادي يبقي شكلي غريب ف الاول وبعدين حتعود وان لازم اخد القرار بجد علشان مرجعش واقلعها بس مش عارفه حاجه اني لو فضلت افكر في الموضوع مش حلبسها اصلا خالص لان انا متعوده علي شكلي من غير طرحه وعاجبني بس عايزه ارضي ربنا فمش عارفه المفروض اعمل اي
وفنفس الوقت ان انا هدومي كلها كانت نص كم وكم الا كده يعني فمعظم هدومي مش حتليق خالص وفنفس الوقت انا مش بحب البس فساتين او جيب فهلبس بنطلونات واسعه عادي وكمان حاسه ان ماما مش متحمسه للموضوع دا اوي يعني
انا رأيي ماما عندي اهم من رأيي فشيفاها بتقولي عادي لو عايزه تتحجبي ماشي ولو مش عايزه ماشي برضو فحساها مش عايزه معرفش والموضوع دا مدايقني لان اهم حاجه انها تكون راضيه بس بابا طبعا نفسه اني اتحجب من زمان وعايز ينزل يجبلي طرح وكده علشان البسهم فمش عارفه وخايفه اكون متحمسه كده ف للاول وبعدين الحماس يقل واحس اني مش جاهزه ليه دلوقتى
انا بمر بنفس التجربة حاليا😂😭، انا وجهي صغير وأغلب اللفات طلعت مش حلوة عليه، انا حاليا بشوف لفات حجاب وبتدرب كيف ألفه عشان اشوف اني اللفات الي حلوة ع وجهي واطبقها، بس انتي ما تتهوري بقرارك، اذا انتي جد حاسه حالك مش جاهزة ما توخدي هاي الخطوة الا عن قناعة كاملة،وجيبي مستلزمات الحجاب وهيك عشان في الوقت الي بتحسي حالك جاهزة فيه انك تتحملي وخلص حسمتي قرارك تحجبي، صلي استخارة وشوفي بعدها شو بصير معك، والله يوفقك ويوفقني يا رب😂💗
تم النشر الأحد، ٢ مارس ٢٠٢٥
ادي نفسك فرصه والبسيه ف رمضان 🤍🤍 وهتتعودي اكتر لما يكون ليكي صحاب لابسين الحجاب وهتحسي أن الموضوع عادي ووحده وحده انتي هتلاقي نفسك بتنسيق هدومك وتجيبي استيلات لائقه عليكي و تناسب الحجاب ومش شرط من اول فترة تعرفي تلفي الحجاب كويس وحده وحده هتتعودي ع شكلك فيه وهتلاقي مظبوط عليكي اختي الصغيرة كانت بتعدي بنفس الكلام وربنا يراضيكي ويصلح حالك 🤍🤍
تم النشر الأربعاء، ٢٦ فبراير ٢٠٢٥
وعليكم السلام ورحمة الله وبركاته، بصراحة ياجنجون حلو جدا انك بتفكري في الحجاب دي خطوة جميلة جدا واه شكلك بيبقا غريب فالاول لان دي حاجة جديدة عليكي ولازم لانك مش متعودة عليها تبقي حاسة نفسك غريبة، عشان تلتزمي خلي عندك مبدء "اني لو بدأت في حاجة هكمل" انا بعمل كده، وخليكي عارفة ان ده فرض عليكي انتي لازم تلبسيه ياجنجون ربنا مش هيأمرنا بحاجة تضرنا دا بيحفظك، جايز ان عدم حبك للفساتين لانك متعودة على البناطيل هل انتي جربتي تلبسي فستان فضفاض قبل كده؟ بالنسبة لرأي والدتك ده رأي طبيعي لانك انتي الي هتلبسيه وهي بتقولك كده مش معناه انها بتقولك لا واديكي اهو بتقولي اهم حاجة رضا ماما طب ورضا ربنا مش اهم؟ طب دا احنا عايشين عشان نعبد ربنا ودي عبادة، عايزة اقولك مفيش حاجة بتخطر في بالنا الا وربنا مقدرنا عليها " ( لا يكلف الله نفسا إلا وسعها ) " بما ان ربنا امرنا بالحجاب يبقا دي خطوة مش هتندمي عليها، شوفي ياجنجون انا كلامي ده على الخمار انك تلبسي حاجة ساترة بجد، لكن الطرحة بتاعت البنات حاليا الي بتظهر الرقبة او الشعر و اللبس الضيق وكده ده مش حجاب اصلا وبلاش تفكري فيها وتحبي تلبسي زيها لا حاولي تحبي الخمار لان هو ده الحجاب فعلا وفكرة انك بس تلبسي الخمار دي حاجة كويسة جدا ومتقوليليش لازم الاول البس الطرحة واتعود عليها وبعدها البس خمار، ماشي هو حلو وكل حاجة بس انتي لو اتعودتي على الطرحة وحبيتي شكلك بيها هيبقى صعب تنقلي للخمار وتقولي بكرة طب الاسبوع الجاي اصل معنديش خمارات وهكذا، حتت بقا الثقة بالنفس دي حاولي تقعدي مع نفسك مثلا نص ساعة هدوء كده وتسألي نفسك ايه الي مخليكي مش واثقة من نفسك لو على الشكل فعادي ربنا مابيخلقش حد وحش مش احنا الي هنقيم واسمعي فيديوهات ثقة بالنفس وفكري في الكلام بتاعها صدقيني هتحسني ثقتك لان دي اهم حاجة، انتي لو واثقة في نفسك هتثقي في قراراتك ولما حد يجي يكلمك بعد كده انا عارفة انا خدت القرار ده ليه ومش بعمل حاجة غلط، حاجة كمان انتي لما تلبسي الخمار هتبقي زي داعية للخير كده في ناس مثلا شيفاكي سواء في دروس او اي مكان لو من صحابكك مثلا والفكرة دي كانت في بالهم وانتي لبستيه هتشجعيهم انهم يلبسوه وهتاخدي حسنات ودي حاجة انا بجد شفتها اهم حاجة تكملي وقولي لنفسك انا مش صغيرة عشان ابدا حاجة وملتزمش بيها نفسك لازم تشدي معاها بس براحة لانك لو اتدلعتي هتاخدك لطريق تاني خالص متنسيش ان "النفس أمارة بالسوء"، واهو بدل ما والدك يشتري طرح يشتري خمارين وفستان واسع وجربي لفات الخمارات وبجد حتى لو هيبقى عندك فستان واحد بس وخمار اهم حاجة الستر، واعمليها وانتي متحمسة وبإذن الله تكملي لانه مش قرار متهور ده احسن قرار تاخديه، سواء اختلفتي معايا او اتفقتي اعتبريني زي اختك وحابة الاحسن ليكي وربنا يوفقك وتختاري الصح🤍.
تم النشر الأربعاء، ٢٦ فبراير ٢٠٢٥
فخلينا نقول انه دي حاجه انت محتاجه تعمليها طبعا محتاجه تعمليها فورا ليه عشان احنا كده اصلا متاخرين احنا متاخرين وضروري نلحق نفسنا عشان ربنا ما يزعلش مننا اكثر من كده ان احنا تاخرنا ان احنا ننفذ قرض علينا ماما ربنا يبارك فيها رغم ان هي طبعا حابه تشوفك جميله وبشعرك وبتلبسي لبسي بيبين حلاوتك كده علشان هي شايفاك جميله طبعا الا ان ه ان شاء الله ربنا يتقبل منك ودي تبقى من اجمل الحاجات اللي تبداي بيها رمضان وما بعد رمضان هتشوفي قد ايه انت حلاوتك هتبان اكثر واكثر وشك هينور اكتر واكتر وكده كده كل حاجه بنتعود عليها وهتتعودي عليه وهتبداي انت اللي تبدعي بقى في لفه الطرحه وفي الالوان وفي الاستايل هتلاقي حاجات حلوه كتير جدا جدا ربنا يوفقك.ي ما قالتلكيش لا لانه اكيد ماما عارفه ان دي حاجه كده كده لازم تحصل كان طبيعي انها تحصل من بدري شكلنا بقى وهيبقى حلو ولا مش هيبقى حلو هنقدر نتقبل الفساتين ولا ولا الجيبات ولا البناطيل الواسعه كل ده مش مهم دلوقتي المهم نبدا من دلوقتي. نلتزم بالحجاب الحجاب مش بس طرحه هنلبسها. الحجاب هيكون ان احنا مغطيين جسمنا كله واللبس اللي هنلبسه يكون فضفاض يعني ايه فضفاض يعني مش لازق على جسمنا يعني مش مبين دراعنا تخين ولا رفيع مش مبين رجلينا تخينه ولا رفيعه مش مبين وسط وسطنا اا حدوده قد ايه ولا اي حاجه من دي طبعا مش مبينين رقبتنا مش مبينين حته من شعرنا خالص مغطيين فعلا وساترين جسمنا كله.
تم النشر الثلاثاء، ٢٥ فبراير ٢٠٢٥
وعليكم السلام ورحمة الله وبركاته، أختي جنى. أولًا، أشكرك على سؤالك الصادق والمباشر. قرار الحجاب هو قرار مهم وجميل في حياة المسلم، ويعكس الرغبة في التقرب إلى الله تعالى. أفهم تمامًا ما تمرين به من مشاعر مختلطة، وكذلك المخاوف المتعلقة بالشكل والثقة بالنفس. من الضروري أن تدركي أن تغير المظهر قد يستغرق بعض الوقت ليصبح جزءًا من حياتك اليومية، وأن هذا التغيير يحتاج إلى تفهم ودعم من المحيطين بك، بما في ذلك والدتك. قد يبدو الأمر غريبًا في البداية، لكن مع مرور الوقت ستعتادين عليه، وتصبحين أكثر راحة. إذا كنتِ تشعرين بأن قرار الحجاب هو ما يرضي الله ويدفعكِ نحو التقرب منه، فهذا هو الشيء الأكثر أهمية. حاولي التحدث مع والدتك بشكل مفتوح عن مشاعرك وأفكارك، وقد تحتاجين إلى الدعم والتفهم منها. وكذلك، إذا كان والدك يدعمك، فهذا شيء جيد ويجب عليك أن تأخذي من ذلك دفعة إيجابية. بالنسبة للملابس، يمكنك أن تبحثي عن خيارات ملائمة ومتوفرة لك دون الحاجة للابتعاد عن أسلوبك. الخيارات متعددة، وهناك العديد من التصاميم التي قد تناسبك وتجعلك تشعرين بالراحة والثقة. أما بالنسبة لموضوع الحماس، فمن الطبيعي أن يتغير المستوى بمرور الوقت. ولكن إذا كنتِ تحرصين على وجود نية صادقة ومستمرة في التقرب إلى الله، فبإذن الله سيساعدك ذلك على الاستمرار. إذا كان لديك أي تساؤلات إضافية أو تحتاجين إلى دعم، لا تترددي في استشارتنا. وفقك الله لما يحب ويرضى وأعانك على اتخاذ القرار الصحيح.
تم النشر الثلاثاء، ٢٥ فبراير ٢٠٢٥
ي حبيبتي الحجاب فرض علينا يعني لازم تتحجبي وكل سنه وانتي طيبه استغلي شهر رمضان فالقرب إلى الله وحاولي تجاهدي نفسك علقد ما تقدري لما تبصي عالحاجه من بعيد هتشوفي قد ايي
تم النشر الأحد، ٢ مارس ٢٠٢٥
ابدأي طبعا علطول 💜💜
تم النشر الأربعاء، ٢٦ فبراير ٢٠٢٥
ابدي دلوقتي وشوفي هتستريحي بس هو عامة فرض يعني لازم مش اختيار وخدي رمضان كبداية جديدة مع ربنا و علشان تبدي رمضان صح وبعدين لازم تكوني مقتنعة علشان لو لبستيه مش هينفع تقلعيه تاني و ربنا يوفقك يارب العالمين وإن شاء الله اكون أفدتك
تم النشر الأربعاء، ٢٦ فبراير ٢٠٢٥
حبيبتي الحجاب فرض شئتي ام ابيتي طبعا رأي أهلنا مهم فكل حاجه لاكن لما نتكلم في حاجه ربنا فارضها علينا فاحنا مش بنشاور حد عشان نعملها خدي الخطوه وتوكلى على الله ومتفكرينش غير فانك عامله كدا عشان ترضي ربك لا لأجل ترضي نفسك ولا الناس
تم النشر الأربعاء، ٢٦ فبراير ٢٠٢٥
يمكن ده ابتلاء الكل مر بيه لازم تكون في محنة في بداية طريقك الحجاب فرض ربنا اللي خلق الأنساب ومحبة أمك ليك ومحبتك أنت لأمك هو اللي قال عنه رسول الله ﷺ لا طاعة لمخلوق في معصية الخالق، وهو اللي قال رسول الله ﷺ عنه ، إن الله لا ينظر إلي صوركم ولا أجسامكم .. ولكن ينظر إلى قلوبكم وأعمالكم ،، أو كما قال ، حاولي تكوني في مجموعات لبنات ملتزمه في دينها راح يثبتوك وهتحبي اللي هما بيحبوه ربنا قال واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم
تم النشر الخميس، ٢٧ فبراير ٢٠٢٥
لعرض السؤال في فدني اضغط هنا