انا واحده اتخرجت من سنتين وحرفيا حياتي واقفه ولا عندي صحاب ولا مرتبطه ومحدش بيتقدملي اصلا ولا عارفه الاقي شغل وبدعي ربنا كتير إن حياتي تتغير وكل مره بدعي بكون واثقه جداا إن ربنا هيحققلي احلامي بس مافيش حاجه بتتغير فهل في حد زي ولا صحاب ولا مرتبطه ولا بتشتغل انا حرفيا كإني مش عايشه💔
بالعكس .. ليه بتقولي غضب من ربنا! تعالي ناخد كل جزء ونفسره مع بعض .. اول حاجه بالنسبة للشغل هسالك سؤال هل اخدتي خطوات عملية ي موضوع الشغل؟ يعني لو عايزة تشتغلي بشهادتك عملتي ايه مثلا علشان تلاقي شغل؟ طيب لو مش لاقيه شغل بشهادتك .. عملتي ايه برضه علشان تلاقي حاجه خارج النطاق ده؟ اتعلمتي او دورتي على حاجه، او طورتي نفسك ف حاجات معينه؟ لان اكيد لازم الواحد يسعى علشان ع الاقل يلاقي ثمرة عمله. طيب بالنسبة للصحاب .. الصحاب رزق عموما ولكن الموضوع برضه عايز اجتهاد شوية 😂 يعني اكيد لو قاعدة ليل نهار في غرفتك وملكيش علاقة بحد .. مش هيكون فيه علاقة مع اي حد .. حاولي تطلعي بره الكومفورت زون اللي انتي فيها .. لانك ساجنة نفسك بنفسك. انزلي تطوع حتى .. هتعلمي علاقات كتير، وكمان هتتعلمي، وهتاخدي خبرة .. بالنسبة للارتباط او الزواج .. اوعي تفكري او دماغك توديكي ان انتي فيكي حاجه غلط ..! ده ملهوش اي علاقة بان مفيش حد اتقدم او لا. ده في الاول وفالاخر نصيب وربنا كاتب ليكي هتتجوزي ولا لا وهتتجوزي مين .. يعني متفكريش في الموضوع ده .. انك فيكي حاجه غلط، اطلاقا. نصيبك هيجي .. مستعجليش. ف ياريت تنطلقي ومتقفليش على نفسك .. المثل بيقولك الحركة بركة. ربنا يوفقك 🤍
تم النشر الخميس، ٢٨ مارس ٢٠٢٤
بسم الله الرحمن الرحيم إن الله لا يغيروا ما بقوم حتي يغيروا ما بأنفسهم حضرتك حاولي تخرجي تكوني علاقات لأن العلاقات مش بتتكون من عدم لازم حضرتك تصاحبي ناس وتكوني علاقات أما عن الشغل حاول تتعلمي اكتر اتعلمي لغه جديده مهاره جديده حاجه تخليكي مميز لما تتقدمي لشغل بحيث انك متترفضيش أما عن الارتباط وعدم ارتباطك بحد ده طبيعي جدا لواحده معندهاش أصدقاء ومش بتشتغل بمعني أبسط مش موجوده في علي الساحه غايبه عن الأنظار وعشان تدخلي الساحه الحل في المشكلتين الي طرحتيهم وهما الشغل و العلاقات حاولي تكثفي جهودك في البحث عن شغل وطوري من نفسك لعل وعسى شخص يجد فيك الي كان بيتمناه من نجاح وتفوق وحاولي تكوني علاقات وتتشري لنفسك سمعه كويسه بين الناس ده برضوا هيساعدك في كتير
تم النشر الجمعة، ٢٩ مارس ٢٠٢٤
نعم ربنا كتييره والرزق ومحبة ربنا مش بس فى الصحاب والشغل والجواز يعنى انتى بتصحى كل يوم الحمدلله بصحتك وفى نعمه من السكن والاكل والامان ..وبتسعى لتطوير نفسك زى ما بتقولى .,....يبققى كل ده تسميه حياه واقفه ده حكم بالسجن على نفسك بدون داعى مفيش حاجة ليها مواعيد وراحت يعنى
تم النشر السبت، ٣٠ مارس ٢٠٢٤
بصي متزعليش اولا لان كل حاجة رزق من ربنا وكل حاجة بتيجي في وقتها لكن انتي لازم تحاولي تغيري من روتين حياتك عشان تحسي بفرق ابدأي بالشغل شوفي شغل في مجال دراستك ولو معاكي لغة استغليها ولو مفيش اتعلمي لغة جديدة او مهارة جديدة تشتغلي بيها زي شغل الهاندميد بجميع انواعه ولما تتقدمي في شغلك هتتعرفي علي ناس جديدة وتكونى علاقات جديدة وتكون فاتحة خير عليكي باذن الله وتوكل على الله اهم حاجة
تم النشر الخميس، ٢٨ مارس ٢٠٢٤
اسعي الدنيا واسعة والمجالات كتيرة وربنا هيكرمك متيأسيش ربنا عنده الخير كله اطمني دي وسوسة شياطين علشان تكتأبي ربنا عالم بيكي وبأحوالك خلي عندك أمل في ربنا
تم النشر الخميس، ٢٨ مارس ٢٠٢٤
ادعي ربنا كتير باللي نفسك فيه الدعاء بجد عظيم وربنا يحققلك أحلامك يارب
تم النشر السبت، ٣٠ مارس ٢٠٢٤
يارب نكون قريبين
تم النشر الجمعة، ٢٩ مارس ٢٠٢٤
انتي منين طيب
تم النشر الجمعة، ٢٩ مارس ٢٠٢٤
والله زيك اتخرجت برضه ومش مرطبه ولا متجوزه وحياتى واقفه الحمد لله كل شئ بقدر ارضى وادعى ربنا ان شاءالله ربنا يرزق باابن الحلال
تم النشر الجمعة، ٢٩ مارس ٢٠٢٤
انا من القاهره وانتي
تم النشر الجمعة، ٢٩ مارس ٢٠٢٤
لعرض السؤال في فدني اضغط هنا