انا عندى 25 سنه وبحب واحد غير جوزى وهو بيحبني ومستعد يجبلى نجهه من السماء وعندى بنت 4 سنين وجوزى على طول مسافر مفكر انى ديما الفلوس هتعوضنى عنو بس اصلا انا مش بحبو لان جوزى ديما بيشتم وممكن توصل بيها انو يضرب عادى وهو دلوقتي مسافر وطار ورايها عند أهلى واهلو هو جو علشان يرجعونى البيت بس انا رافضه انى ارجع علشان هو اصلا مش موافق ارجع بيقولى عايزه تروحي روحي وسبب المشكله اني كانت تعبانه وراحت المستشفى وإحدى بقولو كانت بموت قالى لم تموتي زنبك يبقي في رقبتى وانا مش عارفه اعمل ايه حبيبي بيقولى قبل ما تفكرى فى اى حاجه فكرى فى بنتك انا مستعد اخدك انتى وهى بس هو مش هيرضى وانا وانتى متعلقين بيها جامد وانا مش عارفه اعمل ايه رغم انى جوزى ديما أهلى مش شايفين غير الحلو اللى هو عايز مش الوحش اللى انا شايفه ومش عارفه اعمل ايه انا عند أهلى دلوقتي هل اطلق واعيش انا وبنتى ولا اهو قعده علشان بنتى رغم اني لم بكون تعبانه وبيصرف عليه فلوس بيعيرنى بيها حد يحل معايا مش عارفه احل انا هل اطلق ولا اروح مش غير ما هو يقولى روحى
الشخص ده لما قرب منك واتكلم معك كان عارف إنك متزوجة؟ ولما عرف فضل مكمل عادي؟ مشكلتك مع زوجك ممكن دفعتك تدوري على مشاعر واهتمام في مكان تاني لكن أنتِ شايفة الشخص ده كويس؟ الشخص اللي معندوش مشكلة يقرب من واحدة على ذمة شخص تاني ويخليها تحبه وهو عارف إن دي خيانة لربنا ولشخص تاني انتِ على ذمته، أنتِ شايفة إن ده شخص كويس ومحترم وبيحبك فعلًا؟ أشك إنه بيحبك أصلًا وأشك إن عنده ذرة دين وخوف من ربنا. مشكلتك مع زوجك ممكن تلاقي لها حل لكن مشكلة علاقتك بشخص لا يحل لكِ وأنتِ متزوجة دي كبيرة جدًا. محتاجة تراجعي علاقتك بربنا وهل صح اللي انتِ فيه ولا لأ قبل ما تفكري في طلاق أو غيره. وعلى فكرة، كل الحكايات اللي واحد قرب من واحدة متزوجة وخلاها تحبه كان بيضحك عليها ولما تطلق بيرميها ويرفض يتزوجها أو لو حصل وتزوجها فعلا بيفضل شاكك فيها وهيفضل يفكر إن زي ما خانت زوجها معه أكيد هتخونه مع رجل تاني. معلش لو كلامي كان قاسي لكن انتِ فعلا محتاجة تفوقي لنفسك من كل ده. ارجعي لربنا واستغفريه عشان مهما كانت تبريراتك، أنتِ عارفة إن علاقتك بالرجل ده ذنب كبير. ادعي ربنا يغفر لك ويساعدك ويخرجك من مشكلتك. ابعدي عن الرجل ده مهما كان كلامه حلو ومستعد يجيب لك نجمة من السما زي ما بتقولي... الشخص اللي معندوش خوف من ربنا مش هيتقي ربنا فيكِ. نصيحة وقفي كل ده ومشكلتك مع زوجك إن شاء الله تلاقي لها حل. حتى لو انفصلتِ ربنا يعوضك مع شخص تاني يعرف يحترمك ويكون بيتقي ربنا بجد. تحياتي.
تم النشر الاثنين، ١١ نوفمبر ٢٠٢٤
السلام عليكم ورحمه الله وبركاته. بتحبي واحد غير جوزك غلط وحرام. هو بيحبك غلط وحرام. اي قرار هيبقى مرتبط بالمشاعر اللي عندك تجاه الشخص دا او المشاعر اللي عنده تجاهك او اي وعد منه ليكي او منك ليك. في الحياه المستقبليه هيبقى قرار غلط وبرده حرام لانك لو طلقتي من جوزك عشان عندك نيه انك تتجوزي. حد ثاني فجوازك من الشخص ده هيبقى مش صح شرع. وهيبقى في شبهه من اللي عنده تعيشي ملعونه دول حياتك ليه يعني؟ بنتك اللي الشخص ده بيقول لك ان هو متعلق بيها. هو من الاخر كده عارف انه بيخلع بالطريقه يعني بيجيب لك السبب اللي هو يعني بصي اصل حتى لو فكرنا فهنا الوضع هيبقى ان بنتك مش هتبقى معاكي وانا مش هستحمل ان بنتك تبقى مش معاكي يا راجل. انا مش عارفه انت ازاي مصدقاه بس يعني العذر معك عشان السن الصغير وعلشان انت عندك احتياج عاطفي زوجك مش عارف يديهولك بالشكل اللي انت محتاجاه خبرتكم في الحياه قليله ولا انت فاهمه ولا هو فاهم. بعد اذنك والمصلحتك والمصلحه بنتك. عشان خاطر حاجات كتير قوي. انت محتاجه انك توقفي كل اللي انت بتعمليه حاليا ترجعي بيتك السبب اللي انت مشيتي به من البيت اه طبعا حقك انك تزعلي لكن الشيطان بيهيا لك ان ده سبب كافي انك تاخذي بعضك وتخرجي من البيت وتطلبي الطلاق وتبقى حجه يعني ارجعي بيتك. وخدي بعضك وروحي مش لازم هو بقى يتحايل عليك ويقول لك لا ارجوكي ارجعي خلاص طالما هو جه هو واهله فهم جم وقدموا. الاعتذار او قدموا المرضيه الكافيه انهم بيقولوا لك انت ضروري ترجعي بيتك ومش حاجه صح انك تسيبي البيت وانت مهمه عندنا. اي ترجمه ثانيه بقى انت هتحاولي تحطيها فانت هتبقي بتحطيها عشان خاطر الكلام الفارغ التاني اللي مع الشخص اللي انت بتقولي بيحبك وبتحبيها. بعد ما ترجعي البيت يا بنت الحلال. حاولي تصلحي علاقتك بزوجك ازاي تستخدمي الطريقه الصح انا وهي انك توصلي له احتياجك وتفهمي انت كمان احتياجاته. افهمي الراجل ده محتاج ايه وشوفي هل انت فعلا عامله اللي عليك وزياده ولا انت كمان مقصره بس كل اللي انت بتعمليه انك بتطلبي باللي انت محتاجاه وبس بعد ما تجربي مره واثنين وثلاثه وعشره وتبقي جبتي اخر خالص ولقيتي في نفسك يا بنت الحلال انك يعني لا تثقي العيش مع الراجل ده وانك فعلا احتياجك ده والحاجه اللي هو رافض ان هو يديها لك اللي انت محتاجاها هتوصلك لدرجه الفتنه وانك همم هتعملي حاجه غلط ابقي اطلبي الطلاق منه وقولي انه الراجل ده هيؤدي بيا ان انا اعمل حاجه غلط وهو مش قادر يعفني بالشكل اللي انا محتاجاه ساعتها يكون معاكي كل الحق وهتكوني قدام ربنا تمام وزي الفل وبعدها بقى لو قالك من طريق الحلال انك تتجوزي حد وتحبيه يبقى مبروك عليك غير كده انصح.
تم النشر الاثنين، ١١ نوفمبر ٢٠٢٤
أختي الكريمة، أولاً، أود أن أعبّر عن مشاعري تجاه الموقف الصعب الذي تمرين به. من المؤسف أن تجدي نفسك في علاقة مهددة بالأذى وعدم الاحترام. إن مشاعر الحب التي تطرحينها لشخص آخر قد تكون ناتجة عن فقدان الأمان العاطفي والعلاقة غير المستقرة التي تشهدينها مع زوجك. من المهم أن تأخذي بعض الخطوات الهادئة لتقييم وضعك الحالي. إليك بعض الأفكار التي يمكنك التفكير بها: حماية نفسك وابنتك: صحتك النفسية والجسدية وسلامتك هما الأولوية. إذا كان زوجك يشتم أو يُسيء إليك جسديًا، فلا تترددي في اتخاذ القرار الذي يحميك ويضمن سلامتك وسلامة ابنتك. التحدث مع عائلتك: يبدو أن عائلتك قد لا ترى الصورة الكاملة. إذا كان ذلك ممكنًا، تحدثي معهم بصدق عن وضعك، واجعليهم يفهمون ما تمرين به لتحصيل دعمهم. استشارة مختص: من الضروري التفكير في المشورة أو الدعم من مختص في العلاقات أو علم النفس لتغطية مشاعركم ومساعدتك في اتخاذ القرار الصحيح. التفكير طويل الأمد: فكري جيدًا في العواقب المستقبلية لأي قرار تتخذينه. إذا كان ابنك هو كل ما تملكينه، فكّري في مستقبلها وكيف يمكن أن يؤثر أي قرار على حياتها. اتخاذ القرار بناءً على القيم: تذكّري أن اتخاذ أي قرار يجب أن ينطلق من قيمك ومعتقداتك. إذا كانت فكرة الطلاق تتوافق مع ما تعتقدين أنه الأفضل لك ولابنتك، فكّري في ذلك. في النهاية، مهما كان قرارك، تأكدي أنه يجب أن يأتي من رغبتك في تحقيق الأفضل لنفسك ولابنتك. ربّما تكون هذه خطوة جديدة في حياتك، لكن يمكن أن تكون بداية لفرصة جديدة مليئة بالسلام والسعادة.
تم النشر الاثنين، ١١ نوفمبر ٢٠٢٤
هتسمعي كلام كتير طالما متخانقين فتجاهلي عادي ولو عندك شك واجهيه واسأليه عادي الرجاله بتحب المواجهة والاسئله المباشرة فواجهيه وهتعرفي وتريحي قلبك تاني حاجه اه اكيد ليكي حقوق بس مش عيب انك تعرفيه وتطلبيها منه وتعرفيه اللي بيزعلك وان شاء الله خير
تم النشر الثلاثاء، ١٢ نوفمبر ٢٠٢٤
وانا عارفه البار وابن امو بس زاى ما اهلو ليهم اهتمام انا برضو ليها اهتمام وانا هحول اديها فرصه ولاخر مره بس اللى عرفتو انو عايز يرجع لحبيبتو القديمه
تم النشر الثلاثاء، ١٢ نوفمبر ٢٠٢٤
هو اللي اعرفة الزوج البار بأهله هيراعيكي ولو شاف اهتمامك بأهله أكيد هيقدر ده ويراعيكي ويقرب منك جدا ويعملك اللي عاوزاه بس فيه فرق طبعا بين البار بأهله وبين اللي يبقي ابن امه وابوه واضح انك مش من مصر اصلا بس انتي هتيجي هنا مصر عند مين اصلا معاكي ناس قرايبك يعني ما علينا المهم ارتاحي وافصلي من المشاكل دي ولما تتعالجي كويس ان شآء الله وتخفي وتفكري ف الموضوع تانى وقتها ممكن امور تننكشف او الأمور تتصلح بمرور الوقت المهم متسيبيش دماغك لأفكارك السلبيه خاصة ف المشاكل اللي زي دي وتعاملي ببساطه عادي ومتخليش الشيطان او الناس تصورلك انها حاجات ملهاش حل بس اصبري وادعي وان شاء الله خير وربنا يوفقك
تم النشر الثلاثاء، ١٢ نوفمبر ٢٠٢٤
شقه لم هو مش راضي يبنى بيت بعد عن اهلو رغم الأرض معانا وكل لم بقولو خلاص اعزل واقعد في شقتى اخدم نفسي وبنتى وانت اصلا مسافر يقولى لا واهلى وانا اصلا ابويا رافض تمام انى ارجع هناك وهسافر هقعظ في مصر احسن واحسن اريح نفسي واعصابى واتعلج هناك
تم النشر الثلاثاء، ١٢ نوفمبر ٢٠٢٤
مش عارف اقول ابه بصراحه بس طالما عملوا كده خليكي معززة مكرمة ف بيتك اهلك ووقت ما يقدروكي ويقول شاريكي روحي بقي هناك وحاولي تكون بنتك معاكي وبعد ما تخفي ان شآء الله وربنا يقومك بالسلامه ساعتها لومي عليه وفهميه انه مش عارف كده يتحمّل مسئوليّتك ولا مسئوليّة بنتك وبأول خلاف بيرمي المسئولية من عليه وه ده مش مسموح لا شرعا ولا خلقا ولا رجوله والله 😅 انتي لازم تحسي وياه بالأمان مش العكس اولا وحاولي ترجعي الأمور وانه تبقي ليكي مساحه ليكي ولحياتك الشخصيه ولو شقة بعيد عن اهلة هيبقي عظيم جدا بس كده وادعي ربنا دايما بالهدايه وصلاح الأمور وانه ربنا يلطف بيكي ويسهلك
تم النشر الثلاثاء، ١٢ نوفمبر ٢٠٢٤
ابويه راح ليهم امبارح وقال ليهم انى انا تعبانه قالو ليها وهو صرف عليها ومافيش نتيجه وابويا اتعصب وقال خلاص بنتى عندى ما حدش يرن عليها ويقولها ارجعى وانا هصرف عليه من حنيه لمليون ولم تخف تبقي ترجع براحتها بعد يوم وبعد شهر بعد سنه هى مش سيبها حاجه في البيت انتو تخدمها بالعكس هى اللى كانت تخدمكم ورغم هى كانت تبقى تعبانه مافيش حد اعترض وقال لا ده مراتو وهو اللى يصرف عليها خلاص بالعكس هم بس عايزنى ارجع البيت علشان اخدمهم وبس
تم النشر الثلاثاء، ١٢ نوفمبر ٢٠٢٤
اه طبعا ملزم لأخر لحظه صدور ورقه الطلاق نفسها دي ملهاش دخل بخناقاتكم بلغي اهله وبلغيه انك تعبانه ومحتاجه تكشفي بما انك مراته لو غلطانه اعتذري وبلغيهم بكده ولو بعد الاعتذار قالك لا مش هدفع وفهمتيه انك زوجته وهو ملزم بكده وقالك لا يبقي حكمي حد ما بينكم من اهلك واهله وبعد كده قرروا
تم النشر الثلاثاء، ١٢ نوفمبر ٢٠٢٤
تمام هعمل اللى عليها لآخر لحظه طيب انا دلوقتي عند أهلى مش هو ملزم انة بدفع العلاج والكشف اعلم كده ازى انا وهو انا دلوقتي تعبانه
تم النشر الثلاثاء، ١٢ نوفمبر ٢٠٢٤
لا طبعا هو اللي ملزم ايه العبط ده ولا ليهم الحق هما يقولوا كلمه اصلا وبعدين دي حاجه تخصك انتي وجوزك ف الاول والاخر المهم ما علينا اعملي اللي عليكي واتقي الله فيه لاخر لحظه واللي فيه الخير هيقدمه ربنا وارضي بيه ربنا يسعدك
تم النشر الثلاثاء، ١٢ نوفمبر ٢٠٢٤
حولت بدل المره مليون انى اسيطر عليه بس اهلو هم اللة مسيطرين عليه يعني هو علي الاقل ملزم بمصاريف تعبى وعلاجى مش يصرف ويقولى انا بصرف عليكي مش هو برضو اللى ملزم وغير كده اهلو يعيرونى ويقولي ده هو صارف عليكى وعلى علاجك ولو ليهم هم الفلوس اهلو او اخوتو مت حدش يتكلم ولا انا اقدر اتكلم
تم النشر الثلاثاء، ١٢ نوفمبر ٢٠٢٤
اتفق معاكي انه جوزك ممكن يكون سئ جدا بس خليني اقولك انك قادرة بشخصيتك وفهمك لجوزك تقدري تحطيه خاتم ف صباعك زي ما بيقولوا وتحلوا المشاكل سوا هتقابلي رجاله حنينه كتير وكلامهم كأنهم ملايكه ونصايحهم كأنهم مش بيريدوا غير الخير للشخص ده ولو علي حسابهم متصدقيش الناس دي تاني حاجه حتي لو جوزك سئ وبيعاملك بطريقة مهينه او مبيحترمش وجودك وشخصيتك فحاولي تاخدي هدنه او تبعدي فترة لحد ما ترتاحي نفسي لكن الطلاق تأكدي انه مصيبه كبيرة مش سهلة ليكي فيما بعد عشان تلاقي شخص كويس ويقدرك كشخصيه مش يقلل منك كمطلقه ومعاكي بنت ومصيبة كبيرة لبنتك لما تطلقي عشان هتبقي عايشه بدون سند وهيبقي فيه اهمال كبير من ابوها نظرا للمشاكل اللي بينكم بإختصار قبل ما تفكري تاخدي قرار شوفي مميزاته وعيوبة ايه وايه اللي نقدر نعمله لحل المشكلة وحاولي تتكلمي مع زوجك عادي وتتودي ليه وتقربي وتحكيله عن اللي بيزعلك بصراحه وقربي منه وف النهاية لو مفيش حل فهو أمر الله وانتي عملتي كل اللي تقدري عليه قدام ربنا وساعتها ان لله ف ذلك حكمه ف اصبري واربطي علي قلبك وربنا يعوضك
تم النشر الثلاثاء، ١٢ نوفمبر ٢٠٢٤
ونعمه بالله بس انا جوزى سيبنى عايشه مع اهلو وبيضغط علي كرمتى وشخصيتى علشان اهلو واهنى وشتيم حتى ممكن يمد ايدو قدام بنتو عليه وانا مش بوهم نفسي بالكلام علشان انا فعلا بعدت عن الشخص التانى من فتره ودلوقتي عايشه انا وبنتى عند بيت أهلى وجوزى سيبنى واقت ما فكر انى نرجع البيت علشان اخدم اهلو وهو مش موجود اصلا وما فكرش في تعبى اللى بمر بيها الفتره ده
تم النشر الثلاثاء، ١٢ نوفمبر ٢٠٢٤
انتي بتوهمي نفسك بالكلام ده وبتقنعي نفسك انك بتبحثي علي الراحه النفسية وانه جوزك توكسيك وانك مستعده تعيشي مع بنتك بس وتبعدي عن الشخص الاخر بس في الحقيقه دي اعذار وهمية عشان برضو يتحقق اللي نفسك فيه وده حقك وميمنعش ابدا انه ممكن جوزك يكون توكسيك فعلا لكن بيحاول عشانك وعشان بنتكم ف ده معناه فيه الخير بس الأمور مش تمام تاني حاولي تصلحي الأمور بينك وبين عيلتك وأعطي كل الفرص لجوزك بدون ما تقللي من كرامتك او شخصيتك واعملي كل ما بوسعك للحفاظ علي العيلة لكن اذا تم الطلاق ف دي إرادة ربنا ساعتها ممكن تشوفي بعدها ممكن تعملي ايه لكم دلوقتي اعملي اللي يرضي ربنا من طاعه زوج وبره وحافظي علي عيلتك واذا تم شي فهو أرادة الله وربنا يسعدك يارب
تم النشر الثلاثاء، ١٢ نوفمبر ٢٠٢٤
والله انا عارفه كل ده وانا عندى استعداد ابعد عن شخص ولا أنى ابقي مع جوزى ومش شخص تانى اللى يحرك مشاعري وانى احبو انا مستعده اعيش انا وبنتى وبس ومش عايزه اى شخص يدخل حياتى تانى
تم النشر الثلاثاء، ١٢ نوفمبر ٢٠٢٤
اتفق مع التعليق اولا ثانيا كيف تسمحي لنفسك اصلا انك تحكي مع حد او مشاعرك تتحرك ناحية شخص تاني غير زوجك ثالثا تأكدي انه مشاعرك اللي اتحركت لشخص تاني يمكن هي تكون سبب كل شي وانك مش عارفة تقربي ولا تفتحي قلبك لجوزك وده السبب اللي بيخليكي تحاولي وتبحثي علي اي اغءار وتقفي علي كل العيوب لجوزك عشان تقنعي نفسك انك صح وترضي رغبتك بالزواج من غيره وانه هو مش مقدر النعمه اللي هو فيها ومش بيشبع احتياجات بإختصار كل اللي انتي فيه باب ابتلاء من ربنا وفتحه شيطان واجب تقفليه وركزي ف حياتك واسرتك وادعله بالصلاح وكوني زوجه صالحة وصابرة وربنا يسعدك
تم النشر الثلاثاء، ١٢ نوفمبر ٢٠٢٤
أبقي لاجل ابنتك وزوجك وادعي ان يصلح الله حال زوجك لعل وعسي ان يهدي الله بينكم
تم النشر الثلاثاء، ١٢ نوفمبر ٢٠٢٤
لعرض السؤال في فدني اضغط هنا