اتخانقت انا وخطيبي من سنة قبل كده وقالي لو قولتي تاني مش عيزاك او تعال خد حاجتك من غير حرف حضري حاجتي وبلغي مامتك ويوم السبت حصلت مشكلة بسبب العفش قلتلو متلويش دراعي ومش هقبل باللي انت بتقوله دا، شوف واحدة ترضى بالكلام دا وقفلت صحيت تاني يوم لقيته عملي بلوك في الواتس والفيس شال إنه خاطب ولحد دلوقتي متكلمش ولا قال إنه هيجي ياخد حاجته ولا إنه مش عايز يكمل كل شوية بدخل أراقبه وبشوفه فتح امتي من اكونت تاني.
تعبت من إني بعمل كدة ماما بتقولي مش هتصل لما يعوز حاجته يرن هو، طالما قرر يكتب إنه أعزب ويفرج الناس ويقل بيكي مش عارفة اتخطى دا حب 10 سنين وخطوبة سنتين عايزة حد يفيدني أعمل ايه، استنى ولا متعشمش؟
وكمان عيد ميلاده 16/9 وانا بعده 22/9 للعلم ماما كلمت مامته تاني يوم المشكلة عشان اختها كانت ف المستشفي ومامته مبينتش حاجة وقالت ف اخر المكالمة ربنا يسعدهم ويكملهم علي خير بس هو لسة عاملي بلوك وشايل إنه خاطب هو فعلا قرر يبعد وينساني هموت من التفكير
السلام عليكم و رحمه اللّٰه و بركاته أولًا مينفعش حتى لو في خناقه بينكم انك تقولي مش عيزاك و تعال خد حاجتك مهما كانت الخناقه واصله لفين كدا لما تتزوجو بإذن اللّٰه هتقوليلو طلقني ف كل خناقه؟ كدا هيحصل مشاكل كبيره جداً بينكم و انا اسفه اني بقولك كدا بس انتي غلطانه انك تقوليلو حاجه ذي كدا و هو اكيد ك راجل هيعز عليه نفسو و هيرد عليكي بالرد دا حتى لو كان بيحبك لو انتي لسه بتحبيه و عايزه تكملي معاه ف انا شايفه انك تصارحيه هو حابب يكمل ولا لاء بدل متتعشمي اكتر من كدا انو يرجع و ممكن ميرجعش الله أعلم بردو بس متقوليش انك كنتي بتراقبيه من اكونت تاني او اي حاجه من دي هو بس اعرفي حابب يكمل ولا لاء لو الإجابه ب اه ف انا شايفه انكو تكونو متفاهمين اكتر من كدا و انك تقوليلو يعذرك وقت متكوني متعصبه عشان مبتكونيش عارفه بتقولي ايه و هو نفس الكلام اعذريه وقت ميكون متعصب حطو قاعده مبينكم ان اي خناقه تحصل مهما كان مين غلطان متناموش منغير متتصالحو سوا و بلاش هزار او كلام من ناحيه مش عايزاك و هو بردو مينفعش يقولك كدا عشان ذي مقولتلك لو حصل نصيب بينكم و اتجوزتو ف المشاكل ممكن الكلام دا يوصل للطلاق لقدر اللّٰه لو هو جاوبك ب لاء ف كوني متصالحه و إن عادي حتى لو كنتي بتحبيه بس كوني حاطه فكره ف دماغك ان مش هاخدو طالما هو مش عايزني المفروض هو اللي يعوزني اكتر منا اعوزو و خلي عندك عزه نفس و متتكلميش معاه اكتر من كدا لو صارحك ب انو مش عايز يكمل و اتمنى لكي التوفيق ف حياتك
تم النشر الجمعة، ٣٠ أغسطس ٢٠٢٤
السلام عليكم ورحمه الله. وبركاته هناكد ان فتره الخطوبه ضروري تشوفي فيها الحاجات هتفرق في حياتكم مع بعض تعرفوا اذا كان خلاص فعلا الشخص ده هو اللي يناسب انك تقدري تكملي معاه تقدري تحملي عيوبه وهو يقدر يتحمل عيوبك طيب العيوب لما نلاقيها او لما نلاقي نقط الاختلاف بنلاقي طريقه نتعامل بها مع وقت الاختلاف ولا من ده طول الوقت مش عارفين نتعامل فتره الخطوبه عشان كده مش مهم بقى احنا يعني ما عارف بقى لنا قد ايه ولا احنا حبينا بعض كم سنه ولا احنا مخطوبين بقى لنا كم سنه ضروري ان الفتره دي ما تخلصش وما تعديش الا لما نكون اتاكدنا من النقطه دي كويس جدا. الموقف ده موقف علشان تبداي تقيميه فيه دلوقتي انا وهو مختلفين في النقطه دي دي نقطه بتضايقوا جدا واا حاجه بالنسبه له ما ينفعش ان هي يتم ذكرها ولا من بعيد ولا من قريب ودي حاجه واجب احترامها اول حاجه بنعملها في الاختلاف ان احنا بنحترم اختلافنا عن بعض. طبعا انت ما اخذتيش بالك والكلام قلتيه كده طيب هو احد رد فعل بناء على انه دي حاجه فعلا بالنسبه له حساسه وحرجها وخط احمر لازم نحترم ده فيه رد فعله بقى عامل ازاي رد فعله مضايقنا او معصبنا طيب نتعامل مع الموضوع ده.
تم النشر الخميس، ٢٩ أغسطس ٢٠٢٤
عزيزتي، أقدر مشاعرك الصادقة وصعوبة الموقف الذي تمرين به. من المؤسف أن تواجهين هذه التغيرات بعد علاقة طويلة استمرت 10 سنوات وخطوبة لمدة سنتين. العلاقات لها تقلباتها، ومن الطبيعي أن تشعري بالحيرة والقلق تجاه المستقبل في مثل هذه الأوقات. عندما يقوم شخص ما بفعل مثل "البلوك" أو إزالة الحالة كخطيب، فهذا قد يكون إشارة إلى أنه يحتاج إلى مساحة للتفكير أو أنه في مرحلة من مراحل الفراق. عليكِ أن تستمعي إلى مشاعر أمك، فربما هي تعبر عن حقيقة أن هذا قد يكون الوقت المناسب للابتعاد والتركيز على نفسك. لا تترددي في التفكير في مستقبلك وتحديد ما تحتاجينه. قد يكون من الأفضل عدم الانتظار لتعرفي ما سيحدث، بل العمل على موقفك الخاص وما تشعرين به من راحة وسعادة. حاولي صرف انتباهك عن التفكير فيه وامضي قدماً في حياتك، من خلال التركيز على أصدقائك وعائلتك، والأنشطة التي تحبينها. وفي رغبتك للتخطي، من المهم أن تعطي لنفسك الوقت الكافي للشعور بالحزن، ولكن أيضاً استعدي للمضي قدمًا. تذكري، هذه المرحلة من حياتك ليست النهاية، بل قد تكون بداية جديدة لك. إن كنت بحاجة لمزيد من الدعم، يمكنك التفكير في الحديث مع متخصص نفسي يمكنه مساعدتك في تجاوز هذه المشاعر الصعبة بطريقة صحية. وفقك الله في اتخاذ القرار الصحيح الذي ينفعك ويسعدك.
تم النشر الخميس، ٢٩ أغسطس ٢٠٢٤
لحد دلوقتي متصلش ولا اتكلم عدي اسبوع لو هوا فعلا عايز ينهي متكلمش لي ولا خلي مامتة تتكلم. كل دا مش عارفة هوا مستني احنا نتكلم ولا ساكت لي 💔نفسيتي تعبانة جدااا
تم النشر الجمعة، ٣٠ أغسطس ٢٠٢٤
انت بتحكي انه خب ١٢ سنة... الاقضل تتواصلوا وتتفاهموا وتحطوا النقط عالحروف... اما كل واحد يشد من طرفه غلط.... وطالما بتحبوا بعض طول المدة هذي يعني تواصلك معه عشان تتفاهموا ما رح يقل منك...
تم النشر الخميس، ٢٩ أغسطس ٢٠٢٤
علاقه سامه..... كويس انها جت منه انت لسه ع البر وده سلوكه اومال لما تتجوزو سلوكه هيكون ايه... اتخلصي منه... اعتبريه مرض وبتتعالجي منه
تم النشر الخميس، ٢٩ أغسطس ٢٠٢٤
لعرض السؤال في فدني اضغط هنا