السلام عليكم ...
انا بنت عندي ١٧ سنه عندي اخ صغير عنده ٩ سنين
وللأسف والدتي تعبانه مش بتهتم بيه اوي
ف بحاول علي خبرتي المتواضعه اني أعلمه الصح من الغلط
بس ف حاجه انا مش عارفه اتعامل معاها ووالدتي عارفها بس مش بتعمل حاجه
اولا . مش بيحب الخير لحد ..عرفت منين ..مره كان بيحكي انه وهو ف تدريب الكره ..كان واحد زميله هيجيب جون
ف بيقولي انه نبر في الكوره وبصله وقال ي رب مش يجيب جون وفعلا بيقول ان زميله دا وقع
انا من الصدمه مش عرفت اتصرف ازاي
ثانيا . طماع وطفس اوي..عرفت منين
كتير اوي يعني مثلا كنا جايبين حاجه حلوه لكل للعيله وتيته
المهم كل واحد كان ليه كيس كاراتيه ..راح خبه بتاعه وراح يلف ياخد من كل واحد مع ان بتاعه جوة
ومره كنا ف مطعم ناس قريبنا وبتاع ..المهم طلبنا وهما مش رضيوا ياخدوا فلوس فعرضوا علينا اكل تاني فقلنا لا وكدة
المهم بعد ما مشيوا الناس قلنا انتو مش طلبتو ليه ما الاكل ببلاش انة جعان
مثلا لما ضيف يجي ويسيب بق عصير او بيبسي ف الكوب بيكون عايز يشربه ..بنزعقله ..بس التصرف لسه زي ما هو
هو بيحوش مصروفه بس لما بيكون عايز حاجه يجي يقولي او يقول لأي حد حتي لو من ابن عمه المهم مش يصرف من فلوسه
مثلا حد من قريبنا مسافر ..يقولنا عاوزين ايه وكدا فنقوله مش تتعب نفسك ومش تجيب حاجه..دا يطلع يقول انا عايز وعايز ..وطبعا ف مواقف كتير احرجنا فيها بسبب الحوار دا
عايزه اعمله عزه النفس بس مش عارفه ازاي
فاتحت مع ماما الموضوع بس قلب خناقه ..وقالتلي يعني هي عيله جاية تحاسبني وتقولي اعمل ايه ومش اعمل ايه
الفكره ان التصرف دا لو زاد هتبقي مصيبه
بكلمه مره وبقوله من سبيل الهزار انا ناويه اشتغل تفتكر هتكون عايز تتجوز واحده بتشتغل ولا لا ..يقولي اه ..عشان تصرف هو انا هصرف لوحدي ..انا صعقت من الرد
ثالثا ...انه معفن
معرفش ليه هو كان نضيف وبيحب يستحمي..دلوقتي بيدخل يستحمي بالزعيق والخناق
مش بيرضي يغسل سنانه ..قولته لو غسلت سنانك كل يوم لمده اسبوع هديك هديه طنش
زعقت بس لا حياه لمن تنادي
رابعا ..انه شايف نفسه احسن من اللي حواليه ..عرفت منين
انا حاولت أن انا اديه ثقه ف نفسه ف بوصفه انه جميل وشاطر وذكي ..وبيطلع ف الاذاعه والمدرسين بيحبوه
دي حاجه حلوه
بس الفكره مش عارفه بس حاسه ان النتيجه جات عكسيه
بيتعامل مع صحابه اللي هو كتر خيري ان انا بكلمكوا اصلا
خامسا ..بخيل
هو ما شاء الله بيحب يحوش فلوسه
اسأله بتحوشها عشان ايه يقولي مش عشان حاجه
مش بيرضي بصرف من فلوسه ابدا
مثلا نكون مزنوقين ف اخر الشهر ف ٢٠٠ ج
فنقوله هاتها وهنديهالك تاني مش يرضي غير بطلوع الروح
كل شويه يقولي هاتي حاجه حلوه معاكي
الفكره ان مش عندي مشكله اجيب او لا بس حاسه ف حاجه غلط طالما معاك مصوره اصرف ..هو يعني بيجيب علي قفا الناس مش عليا انا بس
سادسا ..مش جدع خالص
يعني بنقوله عشان هو الولد هو اللي يفتح الباب ..يجيب الطلبات
يروح يجي كدا
لا مش عنده الحته دي انا عايز اقعد ف البيت
الفكره انه بيساعد ف شغل البيت بيكنس بتاع ...
وبعد ما يخلص يقعد بقي علي الفون لا شغله ولا مشغله
بالذات ف الاجازه
اقوله طب انزل العب مع العيال ف الشارع ..ينزل شويه ويطلع زعلان
اعمل ايه مع التصرفات دي ؟
فى البداية كده.من الواضح انك بنوته ذكيه وصبورة وده واضح جدا من كلامك .ممكن يكون اخوكى بيمر بظروف نفسيه فأثرت على نفسيته ممكن من المحيط العائلى أو الخارجى والسن ده ممكن تتعاملى معاه لكن لو سنه اكبر من كده التعامل معاه يكون صعب شوية. حاولى دايما تخليه يشاهد برامج وكرتون للاطفال تعلمه سلوكيات جديده خليه يتعاون معاكى ويساعدك فى أعمال المنزل وممكن تحكى ليه قصص عن التعاون وحب الخير وازاى السلوك ده هيقرب الناس ليه ويحبوه. وذكريه دايما بربنا والسلوكيات اللى تقربنا منه وإن الرسول كان متعاون جدا وبيحب عمل الخير حاجات كتير ممكن وسهل توصليها ليه المهم اسلوبك معاه يكون بطريقة سلسلة وبسيطه وخفيفة على قلبه ويفهم علطول منها .خليكى صبوره معاه وصدقينى هتلاقى تغيير رائع فيه بس اكيد كل حاجه بتاخد مساحتها ووقتها خصوصا السلوكيات وتذكرى دايما أن ربنا معاكى فى كل خطواتك وبيساعدك.وكونى واثقة دايما انك هتقدرى🌷
تم النشر الجمعة، ٢١ يونيو ٢٠٢٤
تحية وتقدير لمجهودك وحرصك على أخلاقيات اخوكي ،، أولا العمر في البدايات الأولى يسهل تشكيل السلوك جدا عن طريق التعزيز الإيجابي لكل فعل طيب ورفض الأفعال الغير طيبه ،، ثانياً المدرسة والمسجد ومن فيهم من معلمين او شيخ أشخاص داعمين بمكانتهم ويجب الاستعانه بهم في تعديل سلوكيات اخوكي ،، ثالثاً علميه العطاء الانفاق لمن يحتاج فعليا ،، اجعليه يقدر النعم وهذا قد يكون بالذهاب لمستشفى أطفال مرضى أو دار ايتام يجب أن يعلم فضل الله عليه عيانا ،، استعيني به في شراء مستلزمات المنزل واستشيريه في كيفية الشراء حتى تكسبي ثقته اعطيه مال يدخره لكي وانتي ادخري له ليتعلم التبادلية في العلاقات ،، اللعب مع أقرانه وتخيري من لديه سلوكيات طيبه ،، الرياضه اشتركي له في العاب رياضيه فيها فرق ليتعلم تبادل الأدوار ،، وأخيرا لا تيأسي أبدا واحتسبي الاجر عند الله في تقويم سلوك إنسان واياكي والقسوه أو التدليل لأنهما قاتلان ،، تحياتي لكي
تم النشر الاثنين، ٢٤ يونيو ٢٠٢٤
تم النشر الجمعة، ٢١ يونيو ٢٠٢٤
أولاً ربنا يعينك ووالدتك عليه و يهديه لأرشد أمره. طبعاً الأكمل انك توديه لشخص متخصص يتعامل معاه ولكن لو ده متعذر لأي سبب من الأسباب فأعتقد وجود عامل ذكوري في بيئة الطفل مهم جداً في نشأته وبناء الشخصية سواء كان قريب من الأسرة او معلم او شيخ مسجد لكن لازم يكون موجود الدور ده بالذات انك وضحتي أن والدته تعبانه (اسأل الله أن يعافيها) فغياب العامل ده أعتقد انه من أسباب تصرفاته دي لازم حد يربيه و يبني نفسه، حاجاا زي مجالس القراءة الصغيرة مثلاً ربع ساعة في اليوم عن سير السلف الصالح الأنبياء و الصحابة و تفهميه ازاي كانوا ناس جامدة و تعرفيه على أخلاقهم وطباعهم. ذهابه لشيخ محفظ للقرآن ومربي ده شيء مهم بردو. خليه يتعود على الصدقة و البذل وفهميه إن الفلوس دي بتروح لربنا مش لحد تاني خلي العاطفة دي تتنمى جواه. لو فيه شاب أكبر منه قريب يعني ياخده ويروحوا يعمله أي حاجة فيها حركة رياضة مثلاً يروح يشوف اماكن جديدة (يشيل طوب) أي حاجة تعلمه الخشونة و تحمل المسؤولية. وأخيراً أهم حاجة الدعاء طبعاً.
تم النشر الجمعة، ٢١ يونيو ٢٠٢٤
صراحة لا أخفي اندهاشي من سرعة بديهة أخيك ذي التسع سنوات، وأقول وبالله التوفيق: إن أخيك هذا أقطع بِأَنّه طفل ذكي، وهو لا يرى أحدًا في سنه خيرًا منه أو يفضله. والحل الفعال بإذن الله لهذه المشكلة هو إيجاد طفل آخر متقارب معه في السنّ، وحبّذا لو كان أصغر، وتهتمّين بهذا الطفل الآخر وتراعينه وتُمدحينه وتحاولين أن تُوفّري له كلّ ما يحبه الأطفال، ولكن هذا بالطبع إنْ كان هذا الطفل الآخر أو الجديد مطيعًا ونظيفًا وكريمًا ومهذبًا و...إلخ. و الحقيقة أنني أود أن تُشاركينا كيف سيكون سلوك أخيك بعد ثلاثة أشهر... إذا طبق هذا الحل أو غيره.
تم النشر الجمعة، ٢١ يونيو ٢٠٢٤
وعليكم السلام! يا عزيزتي، أنا فاهمة إن الموضوع صعب ومشاكل أخوكي الصغيرة بتضايقك. خلينا نحلل المشاكل ونتكلم عن حلول خطوة بخطوة. عدم حب الخير لغيره : ده طبيعي في بعض الأطفال وبيحتاج وقت وتعليم. حاولي توريه قصص وأفلام بتأكد على قيمة التعاون وحب الخير للآخرين. كمان اعملي نشاطات مع بعض تركز على التعاون، زي لعبة جماعية أو مساعدة حد محتاج. الطمع : ابدأي بتعليمه عن القناعة والرضا. ممكن تقولي له قصة عن أهمية القناعة ولازم يفهم إنه مبيتصرفش بالفلوس لمجرد إنه عاوز. اتفقوا على نظام مكافآت بسيط، زي لو هو تصرف بشياكة في موقف معين، ياخد نقطة يجمع بيها نقاط ويشتري حاجة يحبها. نظافة الشخصية : لازم تشجعيه بطريقة لطيفة. مثلا، ممكن تخلي وقت الاستحمام ممتع بجوائز صغيرة أو خليه يختار صابون أو شامبو بيحبه. وكمان خليكي قدوة، يعني خليكي انتي دايما مهتمة بنظافتك قدامه. الشعور بالكبرياء : حاولتي تعطيه ثقة بس النتيجة كانت عكسية. حاولي تعززي فكرة التواضع، وممكن توريه نموذج من الناس المتواضعة اللي هو بيحبهم. ومهم إنك توضحي له إن كل الناس ليها قيمة وبرغم إنه ذكي وشاطر، دا مش معناه إنه أعلى من غيره. البخل : الفلوس شيء حساس. حاولي تعملي له خطة مالية بسيطة، يعني يكون ليه جزء يسميه "مصروف" وجزء تاني "للادخار". وبالتدريج هيشتري حاجات بنفسه ويقدر قيمة الفلوس. عدم التعاون : ممكن يكون محتاج وقت أكتر ومواقف تشجعه على المشاركة. حاولي انك تلعبي معاه ودخليه في نشاطات عائلية صغيرة تكون مسؤوليته هو، زي ترتيب شيء بسيط في البيت. الأهم من كل دا، حاولي تكلمي معاه بروح لطيفة واخلقي حوار مفتوح بينكوا. كمان، حاولي تتكلمي مع ماما بطريقة هادية وعقلانية عن أهمية النقاش مع أخوكي والسماع له. أنتي بتعملي شغل عظيم والله واصبري، مع الوقت هتحسي بفرق إن شاء الله!
تم النشر الجمعة، ٢١ يونيو ٢٠٢٤
انا ما عنديش خبرة قوي في التعامل مع الاطفال بس لو عرفتي تاثير به بي القران وتنمي عنده عادة القراءة هيتغير بجد لاني انا كنت عندي نفس سلوكه مع بعض الاختلافات بس من ساعة ما بدات اقراء بالصدفة اتغير حالى بفضل البه
تم النشر الجمعة، ٢١ يونيو ٢٠٢٤
بصي انا في نفس عمرك عندي ١٧ فأنا معنديش خبره كبيره اوي لكن علي أظن أن اخوكي محتاج راجل لازم يكون في راجل يعلمه الحنيه و الخشونه و الحب للغير وأن هو كرجل المفروض يعطي مش يأخد حتي المشاعر لازم ، يتعلم أن هو سند لبيته وأهله ولازم حد يفهمه إنه مبقاش صغر ده خلاص مقبل علي البلوغ وحاولوا تبدأوا معاه من ناحيه الدين يعني كلموا في العقيده الاسلاميه وحاولوا تخليه يواظب علي الصلاه بالحب ويعني متكرهيوش في الصلاه وعشان تحببو في الصلاه حاول تفهموا إن احنا ليه بنصلي وهل ربنا محتاج إن احنا نعبد ولا لأ ؟ هتقوليله إن الملائكه اصلا بعبد ربنا وأن احنا الي محتاجين لربنا ومش ربنا الي محتاج لعبادتنا ربنا خلقنا عشان يمنحنا هل هنقدر نوصل لربنا ولا لأ لأن احنا المخلوق الوحيد الي عنده الحريه يعبد ربنا ولا لأ فربنا بيمتحنا هل هنعبده عن حب ولا لأ حاولي تأخدي بإيده حاولي تكوني الجزء الحنين الي في حياته وفي نفس الوقت لا يكون في حد بيشد عليه لأن زي ما قولتلك هو مبقاش صغير ده خلاص مقبل علي أنه يبقى رجل كمان كام سنه في فديو حلو انا هسيب الينك بتاعه حاول تخليه يتفرج عليه بشكل غير مباشر بس يكون مركز في الفديو انا زي ما قولتلك انا في نفس عمرك ف معنديش خبره في تعامل مع اخوكي بس اتمني إن اكون قولت حاجه مفيده ومش لازم أن يكون كل كلامي صح الموضوع محتاج منك صبر وربنا معاكي ويسر امورك.. ده الينك بتاع الفديو https://youtu.be/jr6aAb5ZxWI?si=CUlKzMqjWkMLLh3x
تم النشر الجمعة، ٢١ يونيو ٢٠٢٤
حاولي تستشيري خبير نفسي وانك تحسسيه بقيمه غيرة وانه ميقدرشي يعيش لوحده
تم النشر الجمعة، ٢١ يونيو ٢٠٢٤
شوفي دكاتره على اليوتيوب وحاولي تتفرجي وتشوفي اي الي بيعمل في كده او اي الي خلاه بالاذى ده لانه لو كبر على كده هيبقى مؤذي القريب قبل الغريب وفهمي ولدتك باللين وحاولي تشتهدي ب دكاتره وكلامهم
تم النشر الجمعة، ٢١ يونيو ٢٠٢٤
لعرض السؤال في فدني اضغط هنا