في الحقيقه لا اعلم كيف اسوغ كتابة كلماتي ولكن اختي الصغيرة البالغه من العمر ١٠ أعوام عملت اليوم بالصدفه أنها تستمع لفديوهات لا اعلم كيف اقولها ولكن محتواها تجاوز الحدود بين الشخصين كاللمس و التقبيل حتي أنني عندما دخلت محتوي البحث رأيت أنها بحثت عن فديوهات معينه تخص هذا المحتوي ازلت محتوي البحث أمامها اعتقد انها كانت لا تعرف كيفية حذف محتوي البحث لأنها سالت عن كيفيه حذفهم و بعد ذالك تركت لها التاب و قامت هي بمسح كل محتوي البحث من غير معرفتي ولكنني عرفت أخبرت والدتي بالموضوع اعتقد انها صدمت لأنها طلبت مني الدخول علي السجل الخاص باليوتيوب كل ما قالته امنعي ظهور هذة الفيديوهات تكلمت معها عن عدم إخبار اختي لمعرفتها بالأمر و أن تترك الأمر لي لعلي اجد من يفيدني ، تكلمت مع اختي قليلا حتي لا تعتقد أنني ساتجاوز أمر هذه الفيديوهات أخبرتها بأن سامعها يدخل النار و سالتها عن كيف استطاعت الوصول إلي هذه الفيديوهات لربما قالت لها أحدي اصدقائها ولكنها قالت انها وجدت فديو أمامها عن هذا الشيء فقامت بالبحث عنه ارجو الافادة في
كيفيه التعامل معها و التصرف الصحيح ؟
و كيف امنع ظهور هذا المحتوي لها ؟
و هل يمكنني ربط التاب الخاص بها بهاتفي ؟
و كيف اجعلها تنسي هذا الموضوع مازالت صغيرة ؟
اللي حصل إنها ظهر قدامها محتوى أو إعلان ودا سبب فإنها جالها فضول تعرف دا إيه وبحثت عنه شايفه من وجهه نظري اللي مفروض يحصل: تعلموها الآداب الإسلامية الخاصة بستر العورة و النظر هتبدأي تتكلمي معاها في الدين و الحرام و الحلال وتشرحيلها إن النظرة لعورة أي شخص تاني حرام كل ثانيه بتشوف فيها عورة ( جسم شخص عاري ) بتاخد عليها ذنوب كتير هتقوليلها الآية قال تعالى: وَالَّذِينَ هُمْ لِفُرُوجِهِمْ حَافِظُونَ *إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ {المؤمنون 5ـ 6}. وتشرحيهالها إن دا كلام ربنا و معنى الذين هم لفروجهم حافظون يعني بيحفظوها من النظرة و اللمسة. التوعية الدينية وإنكم توجهوا تفكيرها للنظره هيحل مشاكل كتير .. بعكس لو منعتوها بدون شرح الفضول هيكون أقوى. وممنوع إنها تمسك التاب لوحدها وتتفرج على فيديوهات لأن دا مش تصرف حكيم إنتِ بتسيبي طفلة مع عالم كامل لوحدها تكتشف فيه بدون رقابة و حاليا الأطفال بيجيبوا طرق يفكوا فيها ربط الهاتف. في طرق كتير تمنع المحتوى و تربطي فيها التابلت بموبايلك و لقيت ذكية جاوبت عليها من شوية..
تم النشر الخميس، ٣٠ مايو ٢٠٢٤
طيب السلام عليكم؟ السلام عليكم ورحمه الله وبركاته الطفله مش هنقدر نلومها لان هو الصح انه ما يكونش. هي معرضه ان هي تشوف محتوى يظهر بشكل عشوائي لانه المحتويات طبعا دلوقتي الفلتره بتاعتها بتبقى مش موجوده تقريبا اللي انا واحنا عملناها الحاجه المفرقيه الحاجه اللي مفتوحه لها دلوقتي لو بتفتح ابلكيشن زي اليوتيوب فاليوتيوب في يكون عليه نوع من الفلتره اللي ممكن تتعمل على المحتوى علشان ما يظهرش المحتوى الكبير في سنها في يوتيوب كيدز ممكن يتفتح على جهاز لوحدها وما يظهرش غير المحتوى اللي هو خاص بالاطفال مع ان برده في محتويات خاصه بالاطفال المفروض انها ما تتشافش لانه محطوط جوه على رسايل مش مظبوطه. لو جينا لنقطه نخليها ننشفه ما فيش حاجه اسمها كده. لانه هي طبيعي جدا هتبدا تتعرف على حاجات في الحياه واحنا محتاجين ناهلها ان هي لما تلاقي حاجات مش صح تعرف انها هي لوحدها تبعد عنها دي بقى المرحله اللي تبدا تدينا كده فكره ان احنا نبدا احنا نواعيها قبل ما هي تتعرف على الحاجات من بره. فاحنا نفهمها حدود العلاقه ما بين الولد والبنت وليه في حدود في العلاقه علشان ايه صح وايه الغلط عشان ايه حلال وايه حرام وعشان ايه العواقب اللي ممكن تحصل وعشان ربنا قال لنا ينفع ايه وما ينفعش ايه كل الحاجات دي لازم تيجي مننا احنا ضروري تتقال باكثر من طريقه تتقال بطريقه مره مباشره مره تانيه بطريقه غير مباشره عن طريق موقف نحكيه مش لازم نقعد معاها قاعده ونقول لها تعالي نديكي محاضره لا خالص او مش لازم نقول لها بسبب ان انت شفتيه ده عشان نفهمك حاجات لا مش كده خالص برده احنا ممكن بس نبدا بشكل غير مباشر كل اما نلاقي فيه حاجه مثلا ده احنا رحنا فرح فنقول هم الناس بيتجوزوا ليه علشان هي دي الطريقه اللي ربنا قال انه حلال فيها الولد والبنت ان هم يقدروا يعيشوا مع بعض في بيت واحد غير كده ما ينفعش غير كده ما ينفعش بنت. هم الاتنين يكونوا موجودين في اوضه واحده وهكذا نبدا ندخل الايه التفاصيل دي واحده واحده واحده لحد ما نديها الصوره كامله علشان هي يكون عندها حدود عندها تقدر توقف نفسها بها او لما تشوف محتوى تعرف المحتوى ده غير مناسب وما ينفعش انها تشوفه لكن دلوقتي ما تعرفش هي دلوقتي دي حاجه استثارت فيها الفول وحبه تشوف حاجه هي ما شفتهاش قبل كده وما تعرفش عنها حاجه. يا ريت بقى بالنسبه للابلكيشنز والبرامج في حاجات هي بشكل عام بلاش الاطفال يدخلوا عليها زي التيك توك بتاعه الفيسبوك او الريلز بتاعه اليوتيوب بلاش منها خالص لان دي ما فيش عليها حكم وما تقدريش توقفي بتاعها ان هو ما يظهرش بشكل عشوائي. لو في رقابه اكتر ان البنت لما تكون اصلا ماسكه التابلت تكون موجوده وسطكم ما تكونش قاعده لوحدها ما فيش مشكله في الوقت اللي مسموح لها ان هي هتقعد بالتابلت بتاعها الافضل ان هي تكون قاعده معاكم ومش قاعده لوحدها وبلاش انه موضوع التابلت او التعرض للفيديوهات او للمحتويات الالكترونيه يكون يعني ملهوش لا هو ضروري جدا يكون ليه ليمت محدده ان احنا بنشوف بنقعد نتفرج بس ساعه في اليوم كفايه قوي قوي قوي نص ساعه ونص ساعه كده يعني وبعدين احنا نبدا ننتقل معاها المحتويات يعني نشوف لها قنوات يكون فيها مثلا. محتوى معمول زي اللي هو معمول بالصلصال او المحتويات اللي فيها معمول قصص بالكرتون وهي هتحبك تشوفها في دلوقتي حاجات كتير جدا واحنا نبدا نشترك لها فيها ونعرفها انه لو فتحتي الافضل ان تتفرجي على دول وتبعي دول ونبدا نسالها هات على حلقات جديده احكي لنا شفت فيها ايه علشان نبدا نخليها عندها فضول لاشياء تانيه افضل وما تلاقيش نفسها قدام الفضول للحاجه اللي ظهرت بشكل عشوائي وبس.
تم النشر الجمعة، ٣١ مايو ٢٠٢٤
فهمت من كلامك انها بعمر 10 سنوات بمعنى انها على بداية فترة مراهقه وعندها احساس بالفضول للمعرفة وده نتيجة التغيرات الهرمونية والفسيولوجية اللي بتمر بها ... في هذه المرحلة ببنصح بالتوعية اللازمة على الجانب الديني والنفسي والسلوكي بدون تهريب لان في هذه المرحلة بيكون عندهم الممنوع مرغوب.. واذا استصعب الأمر واتكرر لابد من تحويلها لاستشاري تعديل سلوك للقيام بالإجراءات اللازمة والبحث عن الدوافع والأسباب المؤدية لذلك
تم النشر الخميس، ٣٠ مايو ٢٠٢٤
تنشغل بحاجات هي بتحبها بمشاركه حد ليها تكون بتحب الحد دا واعملوا اي اكتيفيتز سوا
تم النشر الجمعة، ٣١ مايو ٢٠٢٤
يمكنك الغاء ظهور هذه الفيدوات عن طريق البحث الامن م اعدادات التطبيق
تم النشر الجمعة، ٣١ مايو ٢٠٢٤
السلام عليكم ورحمه الله اهلا بيكي في الغالب ظهر ليها عن طريق الانترنت اعلان او فيديو و السن دا فضولي عاوز يعرف ايه دا , و بالتالي دخلت علي الموقع أو الصفحه و شافت الفيديوهات. و خلي بالك أن الموبيل قنبله موقوته 📌 اهم حاجه عدم التعنيف او التعامل معاها بشكل سيئ. 📌 اعملي خاصيه المتابعه الوالديه و فيه برامج كمان بتساعد علي ربط موبيل الابن بالاباء. 📌 خليها تستخدم الموبيل في البيت ماعدا الحجره اللي بتقعد فيها لوحدها و اقعدي معاها لما يكون الموبيل معاها. 📌و اهم حاجه تعرفيها و تفهميها الثقافه الجنسيه ، و تجاوبي علي الاسئله اللي جواها بما يتناسب مع عمرها 📌 حاولي كمان تشغلي وقتها بما يتناسب مع هوايتها، او تشارك في أعمال البيت بما يتناسب مع السن. 📌 في فيديوهات كتيره بتتكلم عن الثقافه الجنسيه ممكن تشوفيها هتساعدك كمان.
تم النشر الخميس، ٣٠ مايو ٢٠٢٤
يا حبيبتي، فهمت تماماً قلقك وصدمة والدتك، وكويس إنك أخذتي خطوة للتعامل مع الموقف. الأطفال في السن ده ممكن فعلاً يفضّلوا الفضول ويشوفوا محتوى مش مناسب لهم. خليني أساعدك ببعض النصائح عشان تتعاملي مع الموضوع ده: الحوار المفتوح: حاجه كويسة إنك اتكلمتي معاها، استمري في الحوار العفوي والمفتوح. خليكِ صبورة وطوّلي بالك، واشرحي لها ليه النوع ده من الفيديوهات مش مناسب لسنها. ممكن تستخدمي أمثلة بسيطة ومفهومة زي إن دي حجات للكبار وهي لسه صغيرة. التحكم الابوي: تقدري تفعلي خاصية الرقابة الأبوية (Parental Controls) على التاب الخاص بها. في يوتيوب وتطبيقات تانية، ممكن تحددي محتوى مناسب للأطفال بس، وتستخدمي الأكواد لتحديد نوعية الفيديوهات اللي تتفرج عليها. في يوتيوب، تقدري تفعلي خيار "وضع تقييد المحتوى" (Restricted Mode). حاولي تسجلي الدخول بحسابك بدل حسابها وفعلي "Family Link" من جوجل عشان تراقبي النشاط. التربية على الإنترنت: ارشديها لمواقع وتطبيقات تكون مناسبة لعمرها. مثلا، يوتيوب كيدز بيكون كنترول أكثر للمحتوى. الأنشطه البديلة: حاولي تنمي مهاراتها واهتماماتها في حاجات مسلية ومفيدة غير الشبكات الاجتماعية زي الرسم، القراءة، الألعاب التعليمية. مراقبة النشاط: من حين لآخر راقبي نشاطها على الأجهزة بدون ما تحس بيه إنها تحت المراقبة الصارمة عشان ما تفتكرش إن فيه عدم ثقة. رابط الأجهزة: ممكن تربطي التاب بهاتفك عن طريق الحسابات العائلية عشان تقدري تراقبي نشاطها. التوعية المستمرة: خلي الحوار دايماً شغال معاها عن الصحة النفسية والجسدية وأهمية المحافظة على النفس وكيفية التعامل مع الإنترنت بذكاء. ربنا يوفقك وتقدري تحلي المشكلة دي بحكمة وبرفق. دائماً خلي الحوار والتربية قائمة على الحب والتفاهم مش الخوف والزجر.
تم النشر الأربعاء، ٢٩ مايو ٢٠٢٤
الموضوع سهل جدا اولا تقدري عن طريق جوجل بلاي او الرقابه الابويه تتحكمي في الجهاز زي تقدر تستخدم التاب كام ساعه و التاب بيتقفل بعد الوقت المحدد و مش ينفع يتفتح تاني غير من تلفونيك انتي لانيك انتي المسؤله و تقدري تتحكمي في الحاجات الي ممكن تظهر عندها و البرامج الي ممكن تحملها او مش تحمل حاجه غير بي ازن منك و ده بيكون بين التاب و التلفون بس الموضوع كلامه كتير بصراحه بس التنفيذ سهل جداً في برامج برضو بس خليكي قي الطريقه دي حاليا لو في اي خدمه اقدر اساعد فيها انا في الخدمه
تم النشر الخميس، ٣٠ مايو ٢٠٢٤
امنعوا التاب عنها و يكون بوقت محدد
تم النشر الجمعة، ٣١ مايو ٢٠٢٤
تقدري تمنعي ظهور الفيديوات دي ع. طريق البحث الامن
تم النشر الجمعة، ٣١ مايو ٢٠٢٤
اشغليها بحاجات زي مثلا خليها تلعب رياضة ، تقرا كتب وتقديري تتحكمي من الاعدادات وتقيدي المحتوي الغير مناسب
تم النشر الجمعة، ٣١ مايو ٢٠٢٤
هي دخله على مرحله خطر خلي بالك منها وانصحيها براحه عشان متتدايقش والموضوع تعمله عند
تم النشر الخميس، ٣٠ مايو ٢٠٢٤
بس ياريت لو حد يعرف عن الرقابة الابوية يفيدنا عشان نعملها
تم النشر الخميس، ٣٠ مايو ٢٠٢٤
تقدري تربطي اليوتيوب بالايميل بتاعك و تعرفي هي اتفرجت على ايه
تم النشر الخميس، ٣٠ مايو ٢٠٢٤
مصحه نفسيه هيتعاملو معاها قبل ما يتحول الى ادمان
تم النشر الخميس، ٣٠ مايو ٢٠٢٤
لعرض السؤال في فدني اضغط هنا