عندي مشكلة في حياتي الاجتماعية من و انا مجرد طفلة كنت انطوائية و شبه متوحدة بس بعد كده بدأت تكون اجتماعية اكتر بس للاسف رغم اني بقيت اجتماعية اكتر من الاول الا ان في كل مراحل حياتي مكنتش بعرف اكون صداقات طويلة الأمد و دلوقت انا في ثانوي و داخلة جامعة قريب و برضو معنديش صحاب كويسين
انا عارفة ان الصحاب قد يكونوا مش شيء أساسي و ان كل شخص ليه وقته في حياتنا و و و .... بس انا بتكلم ان مش فاهمه ليه رغم اني ودودة مع الكل و طيبة و بساعدهم الا اني معنديش صحاب كويسة و الي معايا بقيت بحس انهم بيكرهوني او مش طايقيني او غيرانين مني
بقيت بحس انهم بيتجاهلوني
و طول الوقت بسأل نفسي هل انا السبب هل انا الوحشة
اصل مش معقول يعني ان كل الي قابلتهم في حياتي يتصرفوا نفس التصرف و اكون انا الصح و البريئة يعني
بس المشكلة اني مش عارفة اي الغلط الي ممكن اكون عملته و خلاهم يكرهوني
بقيت بشوف ان انا الشخص السيء و الغلطان حتى في العلاقات الي بكون انا الطرف الي اتأذى فيها
يعني مثلا كان عندي زميلة و كنت بحبها اوي و كنت بساعدها كتير و بحاول اقرب منها و لكن البنت دي كانت دايما بتحسسني اني مش كفاية و اني و لا حاجه بالنسبة ليها من خلال تصرفاتها
يعني مثلا كانت تتكلم معايا و اول ما تيجي صاحبتها تروح تسيبني و تروح تقعد مع صاحبتها و لما كنا بنروح مع بعض للحصص برضو فجأة قالتلي انها هتتأخر على الحصة عدو ان انا انزل و ما استنهاش و فضلت تعمل كده كتير لحد ما بطلت اقولها نروح مع بعض لأن كان واضح يعني أنها مش عاوزة تمشي معايا و برضو لما كنا بنروح من الحصص مع بعض و معانا صاحبتها مرة قالت لصحبتها قدامي أنها عاوزة صاحبتها في موضوع مهم و عاوزة تمشي معاها لوحدهم و انا لما شوفتها بتتصرف بالطريقة دي روحت من غير ما اقول و لا كلمة مشيت و سيبتهم و البنت دي كانت كمان بتغير مني لأني شاطرة في الدراسة و هي كانت من واحدة من الأسباب الي خلتني ادخل في حالة اكتئاب لفترة و بعد كده بعدت عنها و حياتي بقت احسن من الاول بس لحد الآن بحس ان انا الشخص السيء و ان تجاهلي للبنت دي في الحصص قليل ذوق و ان من الاخر انا الشخص الغلطان مش هي و هكذا مع كل علاقاتي و الموضوع تعبني بجد لأن مبقتش عارفة مين الي حابب يكون صاحبي و مين الي مش طايقني بس بيحاول ما يبينش عشان مضايقش
اسفة جدا اني طولت في الكلام و اتمنى بجد حد يفيدني لأن موضوع الصداقات و العلاقات الاجتماعية ده تعبني جامد لدرجة اني دخلت في اكتئاب و بعد ما اتعافيت منه مازلت مش عارفة اتعامل صح
بصي ....انا أصغر منك بسنه عندي ١٦ وعندي حرفيا نفس المشكله ....بالتمام والكمال وفعلا فعلا الموضوع يقهر ...انتي بتقولي انك متفوقه ف الدراسه دا سبب كافي انهم يغيروا منك .....مش كل الناس عشان انتي كويسه هتحبك .لاا.....دا انتي عشان كويسه مش هيحبوكي .....صدقيني والله والله والله الاكتئاب دا انا دخلت فيه وف لآخر كلهم جابوا اعلي مني ......عارفه الموضوع فعلا صعب ووممكن ايام مش تقدري تقومي من السرير اساسا ...ف بكل بساطه المكان اللي انتي انتي مش مستريحه فيه امشي ....لو باقيه علي البنت عاتبيها لو مش باقيه امشي .....كل ما افتكر حياتي وانا لوحدي كانت احلي ولما قررت اكون اجتماعيه فعلا تعبت ...ف مش تشغلي بالك بموضوع الصحاب دلوقتي عارفه ان موضوع يضايق تبقي ماشيه لوحدك واللي حواليكي معاهم صحابهم ويضحكون ويهزروا بس احسن ما تحطي ف مكان مش بتاعك او حتي مش كان ليكي من الاول كل اللي عليكي الفتره دي تذاكري وترفعي راس نفسك وامك وابوك لان حرفيا ف الاخر محدش هيشيل الطين غيرك للاسف الشديد يعني
تم النشر الأربعاء، ١٣ مارس ٢٠٢٤
يعني انت بتقولي في منهم حاسه منهم أن هم مش عايزينك تمشي معاهم والبعض قلتي أن هي فالمشكله بتعتكد علي حد غيرك مع أن انتي بتساعديها طيب
تم النشر الاثنين، ١١ مارس ٢٠٢٤
اختي الكريمه انتي المخطأه انتي تظنين أن هؤلاء يجب أن نبلي ذاتنا من أجل رحيلهم هؤلاء لا يجب أن نفكر فيهم حتي لانهم ببساطه انتهازيون وعلاقاتهم معك مبنيه علي مصالح شخصيه لديهم بمجرد أن تنتهي تنتهي معها علاقتكم فلذلك يجب أن لا نحزن ابدا علي رحيلهم أما من منظور آخر هم من خسروا انسانه جيده مثلك ومن جانب آخر يجب أن تكوني رؤوفه علي ذاتك وان لا تبلي ذاتك بالتفكير في هل انا اخطئت حتي قطعت هذه الانسانه علاقتها معي ولا تسمحي من الأساس لهذا التفكير وان كنتي اخطأتي فعلاقه الصداقه مبنيه في الأساس علي أن يتحمل صديقك أخطأك وانت تتحملي اخطأه هذه هي علاقة الصداقة الحقيقه المشكله يااختي ليست بك بل بهؤلاء المرضى الذين ينتهيزون هذه الطيبه المشكله بهم ليست بي تقوي بذلك علي هذه المشاعر السلبيه
تم النشر الاثنين، ١١ مارس ٢٠٢٤
ثالت حاجه انتي اصلا قاعدة فالدنيا دي. عشان تعرفي معادن الناس وتدرسي نفسك وسطهم. يتقدري علي التعامل وتثفي بنفسك وسطهم. بامه انتي هتتعبي وهتمرهي الناس وبرضو هياثر علي صلتك بالمجتمع بعدين
تم النشر الاثنين، ١١ مارس ٢٠٢٤
فانا انصحك أن انتي تعزيز ثقتك بنفسك وتبق مرنه شويه. عشان تكسبي المحبه. والناس تخس أن تصرفهم ده حتي لو صحيح عادي. براحتكم انتوا خرين انا عملت اللي عليا وخلاص. كده يعني هما سعتها هيحسوا أن انتي انسانه قويه من حواكي وراي الناس مش فارق. والناس بطبيعتها فالاراء بتحب الإنسان القوي الواثق من رأيه وتصرفاته
تم النشر الاثنين، ١١ مارس ٢٠٢٤
احيانا حتي لو اللي قدامي بيكون شيفني كويسه وانا عملت موقف أخرجه زي مثلا موقف المساعدة ده انتي اكيد بتدي رد فعل انك بتخلصي. بتزعلي. بتعملي حركه أن انتي قليله قدامها. ده علي فكرة الناس اللي قدامك بتحسه فبتثبتي عندها. ظنك أن انتي مش كافيه لان الناس بطبيعتها عيزين الإنسان القوي والمرنمش اللي بيبص علي رد فهل الناس عليه حتي لو كان بيعمل كويس معاهم
تم النشر الاثنين، ١١ مارس ٢٠٢٤
ليه انتي اصلا متثفيش فنفسك. واهيني ساعدتها وخلصت وهي حرة. ليه بتفكري دائما فالاسوء أن انتي غير كافيه. هما لو وحشين وحشين لنفسهم ده لو كان فعلا كلامك. مش احساس خاطئ. وعايزة اقولك أن سعات عدم ثقتك فنفسك بتنعكس علي غيرك فالتعامل معاكي. صدقيني
تم النشر الاثنين، ١١ مارس ٢٠٢٤
حبيبتي السبب لافيكي ولا فيهم ولا حتي السبب غيرة زي مبتقولي. السبب هنا هو ثقتك بنفسك فقط لاغير
تم النشر الاثنين، ١١ مارس ٢٠٢٤
لعرض السؤال في فدني اضغط هنا