صباح الخير.
انا عندي مشكله كده انه انا انا متجوزه وما عنديش صحاب خالص ولا لي حتى اتكلم معاه. ولا ولا حتى والدتي ولا والدي ولا اي حاجه يعني اسرتي بعيده عني خالص وما عنديش اي حد خالص اتكلم معاه بلس بقى كمان يعني حتى زوجي مش بيتكلم معايا مش بيتناقش معايا. اتكلمت معاه كتير اكتر من مره اني محتاجاه يتكلم معايا بس مش شايفه منه اي رد فعل. خلاص بقى في حاجات كتير قوي تعبانه كثير قوي مضايقاني.
السلام عليكم ورحمه الله وبركاته بما انك لسه متجوزه جديد فخلينا نقول ان انتوا وجوزك هتقعدوا فتره كويسه لحد ما تلاقوا افضل طريقه انتوا الاثنين تتوافقوا بها على حسب الطلابكم المختلفه على حسب كل واحد محتاج ايه او ايه الحاجه اللي تفرق معاه في يوم فخلينا اقول لك كده شويه حاجات اول حاجه انت لازم يكون عندك روتين خاص لك يكون في حاجات انت بتعمليها انت يومك بتصحي عشان تعملي حاجات خاصه بيكي حتى لو ما عنديش صحاب اتكلم معاهم انا مش لازم يومي بدور على حد اتكلم معاه. ااا حتى لو انا ما عنديش حد اتكلم معاه ودلوقتي في حاجات محتاجه ان انا اعبر عنها ممكن يبقى في عندي. نوته او اجنده بدون فيها يومي انا النهارده حاسه بايه انا النهارده فكرت اني نفسي اعمل ايه انا النهارده خططت ان انا هعمل كذا وعملته او ده انا خططت اعمل كذا بس للاسف ما عملتهوش قبل ما يبقى عندي حد اتكلم معاه لازم اكون بعرف اتكلم مع نفسي كويس لو مش بعرف اتكلم مع نفسي كويس وادير حوار مع نفسي كلامي مع اي حد ممكن يتعرض لاخطاء كتير جدا ممكن اقول حاجات انا مش عايزه اقولها او مش المفروض ان انا اقولها مش هحط الضوابط دي مره النفس الاول ان انا اتكلم مع نفسي وده اللي هيخليني اقدر اخلي الحياه احسن واحسن سواء في علاقتي مع جوزي او في علاقتي مع اهلي او في علاقتي مع الصحاب لا لازم صاحبتهمش لانه في الحياه هتبدا تعرفك على ناس ممكن يكونوا قريبين منك مش شرط يكونوا دخلوا في منزله الصحاب لكن واحده واحده. ااا ضروري تحطي لنفسك اهتمام الاهتمامات بتاعتك ايه الحاجات اللي بتحبي تعمليها ممكن تبدئي تدخلي كورسات يكون فيها مجموعات في مجموعات مثلا دلوقتي عملت التليجرام بيحضروا مع بعض دروس او حاجات تكون بتشرح ايات او احاديث او حاجات في الدين هتبقي تعلمتي وهتبقى في نفس الوقت وسط ناس وصحبه بتعمل نفس الحاجه وعندها نفس الاهتمام تقدري تلاقيه مجموعات برده في اي حاجه انت ممكن تكوني مهتمه بيها لان كل ما هتضيقي المساحه بتاعتك هتحسي ان اللي حواليكي اللي في المساحه الضيقه دي مقصرين في حقك وده مش بالضروره يكون الحقيقه اا انت بس علشان مضيقه المساحه ابداي وسعي انت المساحه ودفي ايدك وتقدري تعمليه ان شاء الله بكل بساطه ونعيد عليك ثاني ارجوكي جربي نفسك انك تبقي تقدري تعمليه حوار مع نفسك وتتكلمي مع نفسك قبل ما تكوني بتتكلمي مع اي حد تاني.
تم النشر الخميس، ٢٦ سبتمبر ٢٠٢٤
الحياة الزوجية مشاركة ، لازم تقعدي معاه و قوليله علي كل اللي في قلبي من غير ما تقللي من كرامتك او تبيني احتياجك له علي المستوي الاجتماعي و العاطفي ، ممكن تهتمي بيه بزيادة شوية بحيث يفك و يبدأ يتكلم معاكي ، و تكلميه و تصارحيه بمشاعرك و احساسك بالوحدة و الملل دا لو من النوع اللي بيقبل المناقشة ، سبب انه ساكت و حسب خبرتي الشخصية بيكون اما انه عنده مشاكل كتير او انه لما اتجوزك اكتشف ان شخصيتك غير شخصيته اما انك اعلي منه فكريا او اقل فبالتالي أصبحت مجالات الحديث بينكم محدودة علي قد الصباح و المساء و الأكل و الشرب و الطلبات ، لازم توصلي لسبب المشكلة لاحظي اني بقدم تحليل من كلامك و فيه تفاصيل كتير غايبة ، بس عموما افضل حل انك توسعي دائرة معارفك او تتعرفي بناس قريبة منك أو تنزلي تشتغلي ، علشان تشغلي وقت فراغك ، أو تقضوا وقت سوا .. لازم حتي لو انتم في غربة او هو بيقضي وقت كبير في الشغل لازم لما يرجع يكرس لك وقت تتناقش ا فيه .. خدي خطوة ناحيته و شوفي النتيجة .. بخلاف كده ممكن تشغلي نفسك بأنك تلاقي اهتمامات جديدة او تشتغلي الأنترنت في تعلم حاجه جديدة بس كده او كده لازم تحلي مشكلة الصمت المميتة مع جوزك . لو اتكلم وسعي صدرك و اسمعي للآخر و فكري قبل ما تتكلمي ..
تم النشر الخميس، ٢٦ سبتمبر ٢٠٢٤
انتي لسه ناقلة المكان دا جديد؟ او لسه متجوزة جديد؟ يمكن عشان كدا؟ زوجك اعذريه ربنا يرزقه أكيد الشغل واخد وقته. ممكن ترني على مامتك تتكلمي معاها او اصحابك اللي كانوا عند مامتك، بنت خالتك او بنت عمتك مش لازم في المكان اللي انتي فيه التليفون قرب المسافات.
تم النشر الخميس، ٢٦ سبتمبر ٢٠٢٤
صباح النور، حنان. أعتذر لسماع ما تمرين به من مشاعر الوحدة والافتقار إلى الدعم. من المهم أن تشعري بأن لديك شخص تتحدثين معه، خاصة في وقت يفتقر فيه التواصل مع الزوج. إليك بعض الخطوات التي يمكنك أن تفكري فيها لتجاوز هذه المرحلة الصعبة: التواصل بصراحة : حاولي مرة أخرى أن تتحدثي مع زوجك، لكن احرصي على اختيار الوقت المناسب. قد يكون من المفيد أن تعبري عن مشاعرك بوضوح، دون اتهام، أي التركيز على ما تشعرين به وليس على سلوكه. البحث عن دعم خارجي : حاولي الانخراط في نشاطات اجتماعية أو مجتمعية، قد تكون هناك مجموعات نسائية أو أنشطة تُقام في محيطك. هذا سيمكنك من التعرف على أشخاص جدد وبناء صداقات. استشارة مختص : إذا كان الأمر مستمرًا ومرهقًا، قد تفكرين في استشارة مختص نفسي أو مستشار عائلي. لديهم الخبرة لمساعدتك في التعامل مع مشاعرك وتحسين التواصل مع زوجك. الاعتناء بنفسك : اعملي على تطوير مهاراتك وهواياتك، كأن تتعلمي شيئًا جديدًا أو تهتمي بشيء تحبينه، مما سيساعدك على تعزيز ثقتك بنفسك ويعطيك مواضيع للتحدث مع زوجك. تذكري، من المهم أن تحافظي على أملك وأن تسعي لتحقيق السلام الداخلي. إذا كنت بحاجة للمزيد من المساعدة، فلا تترددي في طرح أسئلة أو مشاركة أفكارك.
تم النشر الخميس، ٢٦ سبتمبر ٢٠٢٤
لعرض السؤال في فدني اضغط هنا