حصل بيني وبين خطيبي مشكله بسبب انه مقصر معايا آخر فترة و هو مضغوط فالشغل فعلا فابقوله انا ماقلش اهميه عن الشغل يقولي لا الشغل اهم منك وانتي مكنتيش هتوافقي عليا لو مكانش ليا مكانه ومستقبل قولتله بس انا المفروض يبقي ليا وقت عندك قالي لا مالكيش وقت عندي وانا طبعا دمي اتحرق واتصدمت لانه كويس جدا معايا في العادي وحنين اوي ومتفاهمين بس هو قلبته وحشه اووووي وبيبقي صعب جدا وقاسي ودايما هو الصح وهو معترف انه وقت الخلاف بيكون قاصي علشان من وجهه نظره هو كده بيقومني وبيقولي انا مستحيل اتغير لان دا طبع واعتبريه عيبي الوحيد بس قصاد العيب دا هتلاقي حد بيحترمك وبيبسطك ويقدرك
المهم تاني يوم رنيت عليه كتير بيكنسل عليا لحد ماكلمته اخر اليوم خالص وانفجرت فيه وقولتله انت مؤذي وحسبي الله ونعم الوكيل فيك ايه الجحود دا انا بقولك تعبانه قالي تعبانه مالك يعني انتي مجنونه ولا ملبوسه وانا عايز اللي يدعمني وانتي بتعطليني قولته لو سمحت هديني انت ذلتني طول اليوم قالي انتي اللي ذليتي نفسك بترني كتير وانا فالشغل ""مع العلم انه كان بيرد عليا وبيكلمني وهو فالشغل عادي"" وبعدين قالي اركني علي جنب و مش عايز المحك الفتره دي علشان مش هرد عليكي لحد ماخلص اللي عندي وقفل السكه ف وشي وبعديها بيوم بعتله قولته للدرجادي مافرقش معاك ف يومك ماتتطمنش عليا حتي انا مصدومه فيك ربنا يهديك ويحنن قلبك وطبعا شافها ومردش رنيت مرتين مردش فابعتله انت متستاهلش اني اتعب نفسي واجري وراك واتحايل عليك علشان اكلمك ومش هتشوف اسمي تاني علي تليفونك وبقالنا خمس ايام متجاهلين بعض تماما وهو مش بيشوف الاستوري بتاعتي مع اننا لما كنا بنتخانق قبل كده كان بيشوفها دايما وهو نزل استوري واحده وهو اصلا مالهوش فالاستوريهات والكلام دا وانا شوفتها بس متأخر.. كمان كنت حاطه بوست اني المفروض هعمل عمليه وانا فعلا احتمال اعمل عمليه ومعبرنيش ولا سأل ولا اطمن
هو شخص بيخاف علي شكله ووضعه جدا ومالهوش فالستات والرمرمه بس يا جماعه هتجنن وبصراحه شكيت فيه بسبب طريقته مش عارفه هل دا موقف هو واخده ولا فعلا انا ضغطت عليه في وقت زنقه الشغل ولا بيخوني ولا ايه واخليه يكلمني ازاي منغير ما اقلل من نفسي ومن كرامتي
لا هو مش بيخونك ، هو فعلا مضغوط في شغله والحقيقة اللي لازم تتفهميها ، ان شغله عنده هو رقم واحد .. وله الاولوية ، وهتفضل دي طريقة تفكيره مدى حياته .. انتي قلتي انه بيخاف على شكله ومظهره وسمعته اوي .. معنى كدا ان الشغل بالنسباله هو مصدر من مصادر الحفاظ على صورته ومكانته في وسط الناس .. هو فاهم ان الشغل ومكانته فيه ومرتبه ومستواه المادي هي الاسباب اللي خلتك توافقي عليه .. وانها دي اللى بتبني علاقاته وشخصيته وتعاملاته وبناء على كدا ، هيبقى شايف ان اي تقصير في الشغل ممكن يهدد منصبه او تقدير مديره له ، يبقى بيهدد صورته ومكانته في الشغل قصاد زمايله ، وقصاد نفسه .. في الغالب هو بيمر بفترة ضغط كبيرة في شغله .. ومحتاج يخلص تاسكات كتير ، وفاكر انه بكدا بيحقق نجاح ، يعني بيحقق مستوى مادي اعلى ، فهيقدر يخلص تكاليف الزواج اسرع ويجهز بيته على المستوى اللى هو يبقى راضي عنه ، ككجزء بردو من شكله وصورته الاجتماعية حتى لو دا بيحصل على حساب انه يبقى مقصر ناحية جوانب تانية في حياته ، زي خطيبته او اهله ، او ولاده في المستقبل .. ولو حد جه يلوم عليه هيقول مانا بعمل كل دا عشانهم اصبري شوية ، فعلا اختفي خالص من حواليه .. واشغلي وقتك بحاجات تانية بأكدلك انه هيظهر تاني .. وساعتها حاولي تفهمي منه ايه اللى كان ضاغطه في الشغل .. وفترة الضغط دي هتخلص امتى؟ وهيحقق ايه فيها؟ وبتمثله ايه في الكارير بتاعه حاليا؟ وحقق ايه لحد دلوقتي؟ ...كل دا بدون ما تلومي او تعاتبي ازاي هونتي عليه كل الفترة دي .. (هو شايف كل محاولاتك دي انك مش فاهمة ومش مقدرة ظروف شغله وتعبه ولا طبيعة شغله ، لا كمان عاملة عليه ضغط زيادة بلومك وعتابك وانك محاوطاه كل شوية بتليفونات ورسايل وبتعطليه عن شغله) فترة الخطوبة معمولة عشان تتعرفو على شخصيات بعض في الظروف المختلفة ، اللى منها وقت ضغطة شغله زي كدا .. فلازم تفهمي انه ممكن دي هتفضل طريقة تعامله في اوقات الضغط .. انه مش هيبقى شايف غير الشغل اللى وراه ويرجع البيت كام ساعة يادوب للنوم لا قادر يتكلم ولا يحكي ولا يسمع شكاوي ولا يحل اي مشاكل ، وفي الغالب في الاوقات دي هيبقى بيطلب منك تتحملي مسؤولية نفسك والبيت والاولاد لوحدك .. لحد ما يخف الضغط من عليه ويرجع يشوفك ويراعيكي ويراعي بيته واولاده. فاعتبري الفترة الحالية دي دي دلوقتي هي عبارة عن تجربة للي ممكن تعيشيه معاه بعد الجواز ، وشوفي التجربة للاخر هتوصلك لفين معاه ، هتقدري تتفهمي وتتحملي الفترات دي ، ولا فوق طاقتك ومش مناسبة مع شخصيتك واحتياجاتك من شريك حياتك او لا ، فيبقى القرار في ايدك تكملي او لا
تم النشر الأحد، ١١ أغسطس ٢٠٢٤
يا حبيبتي، المسألة دي حساسة جدًا ومؤذية، ومرتاحين لكن كمان محبطين. واضح إنه في ضغط عليه في شغله، لكن مش معناته إنه يتجاهلك أو يقسى عليك. العلاقة لازم يكون فيها تفاهم واهتمام من الطرفين. ممكن يكون موقفه من الضغط هو اللي مخليه يتصرف كده، لكن برضه مش عذر إنه يؤذي مشاعرك. أهم حاجة إنك تتكلمي معه بصراحة وبدون زعل. قولي له إنك محتاجة إنه يدعّمك ويكون جنبك، وإنه مش لازم يكون عنده ضغط عشان يقدّر وجودك. بالنسبة لتجاهله لكِ، ده ممكن يكون مؤشر إن عنده حاجة كمان بيفكر فيها. حاولي تدي له مساحة، بس كمان لا تضحي بكرامتك. إذا كان يستمر بهذا الشكل، لازم تفكري في مصير علاقتكم. حافظي على نفسك وعلى كرامتك، وافتكري إنك تستحقين الحب والدعم. لو حسيت إنك تعبت من كل ده، خذي فترة تفكري فيها، ولازم تحطي حدود لنفسك. لو حبيتي تكلمي مع حد أو تاخدي استشارة، اتفضلي. أنا هنا لو محتاجة تتكلمي أكتر.
تم النشر الأحد، ١١ أغسطس ٢٠٢٤
السلام عليكم بصي هنا المشكله ان انت في وادي وهو فؤادي. ااا انت مركزه نقطه وهو نقطه ثانيه خالص الحاجات دي هي اللي عشانها فتره الخطوبه بتبقى مهمه. هل انت بالنسبه هتفضل من اولويه ان هو؟ يحسسك انه طول اليوم مشغول بيكي ولا دي بس الفتره الاولانيه اللي احنا بنقول عليها البدايه. طيب هل هو طول الوقت هيكون بالنسبه له ده الوضع طالما هو في الشغل طالما هو عنده حاجه شده تركيبه قوي قوي في الشغل ولا برده دي فتره مؤقته عنده حاجه دلوقتي استثنائيه. طريقه تعامل كل واحد في الحياه لازم يحترمها نحترمها الاول نقدرها ان هي مش مش حاجه شخصيه يعني هو مش مهتم بشغله عشان هو قاصد ان هو حاسس انك مش هو الموضوع مش كده. بس انت اتخطبتي الشخص ده وانت لسه بتعرفي على اولوياته مبادئه عنده خط احمر واللي مهم عنده اي واللي مش مهم بعد ما تعرفي الحاجات دي وهتعرفيها بالمواقف. تحددي الراجل ده انا هينفع اتجوزه واقدر اتحمل الحاجات دي كلها الكوكتيل كله ولا لا ضروري جدا تركزي في النقطه دي لانه احنا مش ناخذ الموضوع ونقول اه ده هو صعب لا انت اللي اوفر يعني قدام الموضوع كده بس هنقول انه هل انت بطابعكم وهو بطبعه هينفع ان انتوا تعيشوا حياه فيها شكل كبير من الاستقرار ولا لا لانه لو فضل انت عندك الاحتياج ده وطول الوقت انت بتلحمي على الاحتياج ده وهو مش عارف يديهولك باي شكل وانت مش عارفه ترضي باي شكل تكون مستقر ولو هو فضل طول الوقت شايف انك بتمثلي ضغطه عليه بسبب احتياجك ده بسبب الحاحك ده برده مش هتكون شكل الحياه مستقر فركزى كويس قوي هل تقدري انك تعملي توازن في النقطه دي وتقدري شغله وتشوفي الجوانب الاخرى تقدروا تشوفي ان هو لا والله الراجل طول ما هو في شغله انا هسيب المساحه دي مش هبقى زنانه فيها. لما يخلص شغله نتكلم بقى براحتنا ونتعايش في الحياه وتقدري تعملي ده ومش هتربطي نفسك واهتمامه بيكي وتقديره ليكي بتوقيت الشغل اوكي هيبقى حاجه كويسه جدا هتفضلي كده طول الوقت عاوزه انت تبقي محوره حياته راجل واضح جدا ان هو مش هيعمل ده برضو قرري ازاي هتعرفي تتعايشي وانت مش لاقيه الحاجه اللي انت خلي بالك علشان الموضوع كده هيتحول معاكي لتعلق لطيفه وخلي بالك برضه انك مش هينفع يكون محور حياتك هو جوزي واللي انت مستنيه منه او خطيبك مستنيه منه ده مش صح خالص في الحياه لازم يكون لك انت ادابك الشخصيه والحاجات اللي انت بتعمليها انا هذه الحياه كل واحد عنده حاجات بيعملها بيعملها وبعدين بيجي الوقت اللي احنا بنتقابل فيه بنبدا نشارك بعض بقى باللي احنا بنعمله في الحياه زائد ان احنا نشتغل على علاقتنا ببعض ونتبادل. كل التفاصيل بتاعه العلاقات خصوصا العلاقات الزوجيه. سكرت كلامي كويس خلي بالك قبل ما تكملي الجواز.
تم النشر الاثنين، ١٢ أغسطس ٢٠٢٤
انا عندي من ده وبيتجاهلني ومبيكلمنيش مشكلة الرجالة انه تفكيرهم انه الست مش هتقبل تتجوزه الا وهو عنده فلوس ومكانة وده صح ومش صح في نفس الوقت صح لاننا هنعيش ازاي احنا واولادنا لو مكنش عند الراجل شغل الحياة هتبقي صعبة لو مفيش دخل علي الاقل من واحد من الطرفين ولاننا مجتمع شرقي فغالبا بيبقي الراجل ده صح وكل حاجة ووممكن يعجب كمان الست المادية من ناحية انه غلط فده بيبقي اكتر في العلاقات والحب انا كبنت مبقلكش اهمل شغلك لكن يا حبيبي انا محتاجة وقت زي زيه فضي نفسك ليا شوية علي الاقل متبهدليش نفسك معاه وكرامتك وحاولي فعلا تبعدي عنه الفترة دي
تم النشر الأحد، ١١ أغسطس ٢٠٢٤
حاضر ربنا يهديه يارب
تم النشر الأحد، ١١ أغسطس ٢٠٢٤
سيبك منه لفتره..اوعي تكلميه..احيانا ده مطلوب..حيرجع يكلمك..بس نصيحه بلاش ترجعي تكلميه كتير سبيه هو اللي يكلمك..صدقيني حيكلمك اكتر من مره
تم النشر الأحد، ١١ أغسطس ٢٠٢٤
اتجاهليه شويه افضل
تم النشر الأحد، ١١ أغسطس ٢٠٢٤
انا مش قادره اديكي نصحيه بس بقولك اني مريت بنفس ابشي انا مش ندمانه اني مرضتيش ارجع حتي لو كان روحي فيه لانه انسان بياع
تم النشر الأحد، ١١ أغسطس ٢٠٢٤
سيبك منه بجد و حطي حدود متسمحيش لاي حد ايا كان مين يعاملك بالشكل دا متذليش نفسك له عززي دايما نفسك يبنوته عنه متكلم وانتي متتكلميش لان عيب يتعامل بالشكل دا دي قلة ذوق الرجوله مش فالعصبيه ولا فالكلام دا الرجوله فالحنيه والطيبه ومينفعش يبقا في تعامل كدا وقت خناق اصلا المفروض الراجل الصح متهونيش عليه يتعامل معاكي بالشكل دا وبجد متكلميهوش ولا تعبريه وفكرك كمان انه قاعد 5 ايام من غير كلام ودا عادي! يعني هونتي عليه صدقيني متجريش وراه لانه قليل الذوق اعرفي قيمة نفسك وقدريها انتي متستهليش دا
تم النشر الاثنين، ١٢ أغسطس ٢٠٢٤
ربنا يقدملك اللي في الخير
تم النشر الأحد، ١١ أغسطس ٢٠٢٤
لعرض السؤال في فدني اضغط هنا