اخر روشته لحضرتك اللي بتاريخ ١٨ مايو بتقول ان عندك ارتجاع المرئ و الادويه لازم المواظبه عليها و مانوقفهاش او نغيرها الا من خلال الطبيب المعالج اخصائي جهاز الهضمي..الصداع و زغللة العين الاتنين بيأثروا على بعض بمعنى ان ممكن يكون نظرك ضعيف بالتالي لو مش لابسه نضاره هتحسي بصداع او لو ضغطك منخفض بسبب انيميا مثلا هيعملك صداع و زغلله في العين..الحل اننا نعمل تحليل هيموجلوبين عشان نشوف نسبة الانيميا و نتأكد كمان انه تم الشفاء من جرثومة المعده من خلال التحليل..و مهم جدا لمريض الارتجاع نصائح للاكل و ممنوعات الأطعمة الممنوعة على مرضى ارتجاع المريء: الأطعمة الحارة الطماطم المشروبات الغازية المشروبات الحمضية الدهون المشبعة الشوكولاتة القهوة والشاي الثوم والبصل النعناع نصائح لمرضى ارتجاع المريء: تناولي وجبات صغيرة يعني بدل ٣ مرات في اليوم هنقسم الوجبات من ٤ ل ٦ مرات بكميات قليله تجنبي النوم بعد الأكل مباشرة يعني تستني من ساعتين ل ٣ ساعات قبل ماتنام رفع رأس السرير أثناء النوم او تحطي مخده عاليه تحت راسك ارتداء ملابس غير ضيقة عشان ممكن تسبب ضغط على المعده مضغ الطعام جيدًا الابتعاد عن التوتر عشان بيزود الادرينالين اللي بدوره بيهيج المعده و ممكن يسبب الغثيان و بعد كده الترجيع في اغلب الاحيان
مش عايزة اروح عند دكاترة تاني تعبت من العلاج اخر مره تابعت مع دكتور 10شهور وانا المناعه عندي ضعيفة الناس اللي بتاخد دور برد تاخد اي مسكن و تخف انا لا بتعب خالص الحمدلله على كل حال شكرا لحضرتك
تم النشر الأحد، ٢ فبراير ٢٠٢٥
تمام ، حضرتك هتلتزمي بالتعليمات بس ضروري لازم نعرف سبب الصداع هل هو ارتفاع او انخفاض في الضغط ولا مشكاه في النظر ولا جيوب انفيه او صداع نصفي مزمن او اي سبب تاني و ممكن برضو تكون انيما انتي اخر مره حللتي كان من سنه وارد جدا تكون موجوده..اكشفى عند طبيب باطنه ضروري عشان نعرف ايه سبب الصداع
تم النشر الأحد، ٢ فبراير ٢٠٢٥
لا دي اول روشته اخر واحده بتاريخ12ديسمبر اخر مره عملت تحليل جرثومة المعده من سنه والدكتور قال انو هي مش نشطة دلوقتي الدكتور قال احلي حاجه معندكيش انيميا 😅النسبه كنت 14 الحاجه الوحيدة اللي مش بشربها الشاي اما الباقي كلهم 🙈 الحمدلله عندي اهل يجيبولك التوتر العصبية كل حاجه
تم النشر الأحد، ٢ فبراير ٢٠٢٥
لعرض الإجابة في فدني اضغط هنا