لا أحب الأكل وكلما أكلت أشعر بغثيان وألم بالمعدة ووزني ينزل باستمرار، ما علاج هذه المشكلة؟

Question

انا عندي مشكله مش بحب الاكل 😅 و كان عندي شويه مشاكل زي ألم في المعده وبرجع كتير ممكن أربع مرت في اليوم بس دلوقتي الحمدلله مفيش ترجيع وكان عندي جرثومة المعدة والاثني عشر وكان فاضل شويه ويبقا عندي قرحة بس الحمد لله الدكتور لحقني واخذت علاج وكان عندي حمى التيفود و المالطي دلوقتي بقى فيه دوخه وصداع وخمول والصداع بيجي اكتر حاجه في الليل بحس دماغي تقيله وانو شويه ودماغي هتنفجر بس دلوقتي الصداع خف شويه بس لسه موجود وعندي زغللة في العين للاسف انا المناعة عندي ضعيفة المشكله الاساسيه انا مش باكل وكل ما أحاول اكل احس باني عايزة ارجع وبحس بالم في المعده وزني علي طول في النازل كنت 55 بقيت 46🤦🏻‍♀️ ممكن اخد العلاج ولا لا ولو فيه حل ممكن حد يقولي عليه ا

Accepted Answer

اخر روشته لحضرتك اللي بتاريخ ١٨ مايو بتقول ان عندك ارتجاع المرئ و الادويه لازم المواظبه عليها و مانوقفهاش او نغيرها الا من خلال الطبيب المعالج اخصائي جهاز الهضمي..الصداع و زغللة العين الاتنين بيأثروا على بعض بمعنى ان ممكن يكون نظرك ضعيف بالتالي لو مش لابسه نضاره هتحسي بصداع او لو ضغطك منخفض بسبب انيميا مثلا هيعملك صداع و زغلله في العين..الحل اننا نعمل تحليل هيموجلوبين عشان نشوف نسبة الانيميا و نتأكد كمان انه تم الشفاء من جرثومة المعده من خلال التحليل..و مهم جدا لمريض الارتجاع نصائح للاكل و ممنوعات الأطعمة الممنوعة على مرضى ارتجاع المريء: الأطعمة الحارة الطماطم المشروبات الغازية المشروبات الحمضية الدهون المشبعة الشوكولاتة القهوة والشاي الثوم والبصل النعناع نصائح لمرضى ارتجاع المريء: تناولي وجبات صغيرة يعني بدل ٣ مرات في اليوم هنقسم الوجبات من ٤ ل ٦ مرات بكميات قليله تجنبي النوم بعد الأكل مباشرة يعني تستني من ساعتين ل ٣ ساعات قبل ماتنام رفع رأس السرير أثناء النوم او تحطي مخده عاليه تحت راسك ارتداء ملابس غير ضيقة عشان ممكن تسبب ضغط على المعده مضغ الطعام جيدًا الابتعاد عن التوتر عشان بيزود الادرينالين اللي بدوره بيهيج المعده و ممكن يسبب الغثيان و بعد كده الترجيع في اغلب الاحيان

Answer

السلام عليكم ورحمه الله وبركاته دكتور وليد جزاه الله خيرا جواب الاجابه الطبيه اللي احنا مش هنعرف نعملها زيه انا هتكلم من الجهه النفسيه. من الجهه النفسيه هنا في شق نفسي وهو ان بقى مرتبط جواه جوه ذهننا ونفسنا انه الاكل مرتبط بالقلم بالقيء فطبعا دي حاجه الجسم او العقل او النفس مش عايزاها تتكرر مش عايزاها تحصل فلذلك هتبتعد عن السبب كل ما هشوف الاكل انا مخي على طول ما بيفتكرش غير القلم لذلك بيبقى الاكل خلاص حاجه ممم مش محببه عايزين نبعد عنها فاحنا محتاجين نعالج القصه النفسيه دي ونبدا نتصالح مع الاكل وما يبقاش عدو لينا لو مش عارفين نعمل ده لوحدنا ممكن بس يعني نلجا لمختص نفسي ويبدا يعني قلناها شويه تمرينات التمرينات دي تساعدنا ان احنا اا يعني نتخلص من الموضوع لو الموضوع محتاج شويه تفاصيل زياده.

Answer

أفهم أنك تعانين من مشاكل صحية عديدة تؤثر على شهيتك ووضعك الصحي العام. سأحاول مساعدتك ببعض النصائح العامة، ولكن يجب عليك مراجعة طبيب مختص للحصول على استشارة شخصية مناسبة. متابعة مع الطبيب : من المهم جداً متابعة حالتك الصحية مع الطبيب الذي يعرف تاريخك المرضي وتمكن من علاجك سابقًا، حيث يبدو أن لديك عدة مشاكل صحية قد تتطلب إشرافاً طبياً مستمراً. تحسين النظام الغذائي بشكل تدريجي : حاولي تناول وجبات صغيرة ومتكررة بدلاً من ثلاث وجبات رئيسية. اختاري الأطعمة الغنية بالسعرات الحرارية والمغذيات والتي يسهل هضمها مثل العصائر الطبيعية، اللبن المخفوق، والشوربات. تجنبي الأطعمة التي قد تزيد من شعور الغثيان مثل الأطعمة الدهنية أو التي تحتوي على الكثير من التوابل. الحفاظ على الترطيب : تأكدي من شرب كمية كافية من المياه والسوائل لتعويض فقدان السوائل وللمساعدة في تخفيف الدوخة. إدارة الصداع : إذا كان الصداع مستمرًا ومؤلمًا، يجب إبلاغ الطبيب، فقد يوصي بإجراء فحوصات إضافية أو تعديل في العلاج. الراحة والنوم : حاولي الحصول على قسط كافٍ من الراحة والنوم الجيد لتعزيز جهاز المناعة وتحسين حالتك العامة. هذه مجرد نصائح عامة، ويجب استشارة طبيبك المعالج قبل اتخاذ أي خطوات جديدة في العلاج أو النظام الغذائي، لضمان سلامتك وصحتك. أتمنى لك الشفاء العاجل. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)

لا أحب الأكل وكلما أكلت أشعر بغثيان وألم بالمعدة ووزني ينزل باستمرار، ما علاج هذه المشكلة؟

صحية

تغذية

سؤال من بسمه أنس

تم النشر السبت، ١ فبراير ٢٠٢٥

3 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك