عايز طريقه احفظ بيها القران
التكرار ثم التكرار ثم التكرار على حسب مقدرتك وحفظك السابق -إن وجد- تقدر تحدد مقدار معين (صفحة -ربع - حزب-جزء ) تكرره يوميا لغاية إتقانه يعنى مثلا لو الجزء الاول وانت حافظ منه بنسبة 40% هتقرأه اول يوم وتانى يوم وتبدأ تسمعه لنفسك تالت يوم هيكون حفظك فى اليوم التالت يقرب ل70-80% ولو تطلب الامر يوم رابع وخامس كمان مفيش أى مشكلة وبإذن الله الطريقة دى تضمنلك إتقان الحفظ من95-100% وعن تجربة شخصية ملحوظة مهمة جدا متنساش المراجعة مع الحفظ يعنى مثلا كل ما تخلص جزئين راجعهم على بعضهم تانى وهكذا ولو خلصت عدد اجزاء كتير ممكن تخصص اسبوع للمراجعة ويكون الافضل فى الاسبوع ده حد يسمعلك وبإذن الله هتحس بالفرق وده بفضل الله عن تجربة شخصية ...وبالتوفيق ❤️❤️
تم النشر الأحد، ٢٥ ديسمبر ٢٠٢٢
التكرار اثبت فاعليته اكتر من اى حاجة تانيه ...انا حافظة اول سورة الرحمن بسبب انها كانت بتتقال يوميا فى اذاعة المدرسة ...وانا شخص لا يجيد الحفظ كرر قراءة كرر سماع من نفس الشيخ تكون بتحب طريقته. مرر الايات على عينيك على مدار اليوم .. تدبر المعانى عشان يثبت الحفظ اكتر. اللهم يسره لك ويرزقك حفظة
تم النشر الثلاثاء، ٢٧ ديسمبر ٢٠٢٢
احفظ كل يوم خمس أو عشر آيات أو حسب مقدرتك ثم اقرأهم في جميع صلوات هذا اليوم وخاصة صلاة الليل (إن ناشئة الليل هي أشد وطئا وأقوم قيلا) والسورة التي تحفظها عليك أن تكثر من سماعها
تم النشر الاثنين، ٢٦ ديسمبر ٢٠٢٢
اافضل ريقه التكرار مع الاستمرار كل يوم ايه واحده فقط واليوم التاني تجيبي اية اليوم الاول مع الايه الجديدة .المهم انك لازم تسمعي وتحفظي كل يوم وتخلي يوم كل اسبوع متحفظيش جديد وتسمعي كل ال حفظتيه خلال الاسبوع لو في رفيقه او اخت تقدري تتابعي معاها تسمع منك كل يوم يكون ممتاز وهيكون وسيله لجعلك اكثر التزاما وانضباطا كمان تحاولي انك تصلي بالايات ال تحفظيها والتكرار التكرار اليومي المستمر هتلاقب الموضوع ابسط مما تتخيلي ( ولقد يسرنا القرٱن للذكر فهل من مدكر ) وادعي كتير ربنا يرزقك تلاوته وحفظه وتدبره والعمل به
تم النشر الأحد، ٢٥ ديسمبر ٢٠٢٢
احفظ ولو كل يوم ايه
تم النشر الأحد، ٢٥ ديسمبر ٢٠٢٢
متابعه مع شيخ ويكون فى زملاء فى حفظ القرآن دة احسن حل هتعينوا بعض على الطاعة والعبادة. لان الصاحب ساحب قال رسول الله صلى الله عليه وسلم المرء على دين خليله فلينظر احدكم من يخالل
تم النشر الأحد، ٢٥ ديسمبر ٢٠٢٢
لعرض السؤال في فدني اضغط هنا